سؤال عن تربيط العفشه وأقصى مده لتشغيل محرك السياره

**mahmoud_magdy** · 30-11-2009 02:36 PM

السلام عليكم ورحمة الله وبركاته
عندي 4 اسئله مهمه جدا
وشاغلين بالي بقالهم فتره

اولا العفشه :-
ازاي اقدر اعرف ان العفشه عاوزه تتربط ؟
وايه اقصى مده اسيب فيها العفشه من غير ما تتربط ؟

ثانيا محرك السياره:-
ايه اقصى مده محرك السياره يشتغل فيها بدون ما يحصل مشاكل؟
وهل تشغيل واطفاء المحرك في فترات متقاربه ليه مشاكل فيما بعد ؟

معلش طولت في الاسئله ولكن مضطر لقلة خبرتي وبحاول اتعلم واعرف
شكرا

**nab!l** · 30-11-2009 02:41 PM

المعلومات اللى عندى معتقدش انها توفى الغرض
منتظر الردود

**eslamrace** · 30-11-2009 02:49 PM

متابع

**m.aligamal** · 30-11-2009 02:58 PM

متابع باهتمام جدا

**mody_halawa** · 30-11-2009 03:01 PM

معاااكوووو

**MoStAfA-StabS** · 30-11-2009 03:16 PM

اعتقد تربيط العفشة .. يبقى واجب لو فيه اصوات و غربلة بسيطه فى العربية .. و انصحك بتربيطها كل مره لما تغسيلها فى البنزينة لما يجى يرفعها .... شورعنا بتفكفك اى عفشة ده الى اعرفه ... و فى انتظار ردود الخبراء.... و شكراا

**mahmoud_magdy** · 30-11-2009 05:11 PM

شكرا لكل المتابعين معايا وعاوزين يعرفوا المعلومات المهمه دي
وشكرا لحضرتك على المعلومه الجميله
ومنتظر رد الخبراء في موضوع العفشه والمحرك
شكرا

**ganash** · 30-11-2009 05:49 PM

ياريت حد يرد علينا وعندى سؤال كمان بعد اذن الاستاذ صاحب الموضوع لما اكون جاى بالعربيه مشوار مثلا طويل والعربيه سخنه هل اما اقف انتظر شويه وبعدين ابطل العربيه ولا ابطلها على طول ؟؟

**ramy_gamal** · 30-11-2009 06:12 PM

المشاركة الأصلية كتبت بواسطة musiccairo

السلام عليكم ورحمة الله وبركاته
عندي 4 اسئله مهمه جدا
وشاغلين بالي بقالهم فتره

اولا العفشه :-
ازاي اقدر اعرف ان العفشه عاوزه تتربط ؟
وايه اقصى مده اسيب فيها العفشه من غير ما تتربط ؟

ثانيا محرك السياره:-
ايه اقصى مده محرك السياره يشتغل فيها بدون ما يحصل مشاكل؟
وهل تشغيل واطفاء المحرك في فترات متقاربه ليه مشاكل فيما بعد ؟

معلش طولت في الاسئله ولكن مضطر لقلة خبرتي وبحاول اتعلم واعرف
شكرا

اول سؤال تحس وانت ماشى ان العربيه مش ماسكه نفسها وتسمع اصوات مع المطبات ( اصوات خبط بس مش جامه اوى ) وفى راى بعض الحدادين ان العفشه المفروض ماتتفككش يقولك انت بتبص على صواميل العجل قبل ماتمشى!!!!!!!!! .. بس انا مش مقتنع بالفكرة دة ( انا بربط العفشه )
المفروض تربط كل 10000 كيلو
اقص مدى لتشغيل المحرك ... انا مش فاهم قصدك كويس بس لو قصدك انك تسيبها دايرة على السلانسيه مش مشكله مادام العربيه مش بتسخن لو قصدك انك تفضل ماشى بيها بردة مفيش مشكله مادام الزيت كويس والميه كامله والظروف المحيطه مريحه للعربيه يعنى لو انت مسافر فترة طويله بالعربيه ممكن بعد 6 او 7 ساعات تريح الموتور شويه لو الجو سخن اوى بس لو الجو كويس وميجراش حاجه بس لازم المكنه تتهوى كل فترة
تشغيل واطفاء المحرك كل شويه مش كويس ويبقولو لو هتطفى العربيه فترة اقل من 30 ثانيه يبقى مش لازم تطفيها وكتر التدوير يسحب بنزين زيادة ويتعب المارش ويتعب البطاريه وبعدين لما تطفى العربيه الزيت كله بينزل فى الكارتيرة ولما تيجى تدور او توانى بيكون الاحتكاك شديد فيقصر عمر الموتور عشان كدة لو واقف فى اشارة فترة مش هطول مش لازم تطفى...
يارب اكون قدرت افيدكو

**ramy_gamal** · 30-11-2009 06:14 PM

المشاركة الأصلية كتبت بواسطة ganash

ياريت حد يرد علينا وعندى سؤال كمان بعد اذن الاستاذ صاحب الموضوع لما اكون جاى بالعربيه مشوار مثلا طويل والعربيه سخنه هل اما اقف انتظر شويه وبعدين ابطل العربيه ولا ابطلها على طول ؟؟

مش مشوار طويل.... لو جاي من سفر فترة سيب العربيه من 3 ل4 دقائق وبعدين طفيها عشان يكون الموتور هدى شويه

الموضوع: سؤال عن تربيط العفشه وأقصى مده لتشغيل محرك السياره

LinkBack

أدوات الموضوع

عرض

سؤال عن تربيط العفشه وأقصى مده لتشغيل محرك السياره - انشر الموضوع فى :

-

-

-

-

-

-

-

المواضيع المتشابهه

تربيط العفشه

تربيط العفشه

خبراء في تربيط العفشه

علاقه تربيط العفشه بظبط الزوايا

تربيط العفشه

الكلمات الدلالية لهذا الموضوع

المفضلات

المفضلات

ضوابط المشاركة