الموضوع في غاية البساطة
تروح محطة موبيل نضيفة و تجيب علبتين حاجة اسمها flush بس تجيب حاجة امريكي.. مش عارف نوع محدد بس في اكتر من نوع..
العلبة قد الكانز كده في منها معدن وهي بتكون can فعلا.. و في منها زجاجة بلاستيك كده في نفس الحجم..
هتفضي القربة عن طريق انك تنزل خرطوم المية اللي رايح من القربة للردياتير.. اللي هو الخرطوم الكبير.. لحد ما القربة تفضي.. و بعدين تركبه تاني و تدور العربية و تفضي العلبتين دول جوة القربة و تزود عليهم مية عادية لحد الاخر.. و تقفل القربة.. و تسيب العربية دايرة لمدة حوالي 10 دقايق او ربع ساعه..
بعدين تفك الخرطوم اللي فوق.. اللي هو الرفيع. اللي داخل للقربة.. و تسيبه يجيب في مية اللي هي جاية من الموتور.. تسيبها تنزل علي الارض.. و تتابع اللون.. و تزود مية عادية في القربة..
تتابع المية الي نازلة لحد ما لونها يبقي ابيض نقي عادي جدا.. و كل تأثير السائل ال Flush يكون نزل..
لما تخلص الحوار ده هتملا القربة مية حمرا من بتاعت كالتكس او توتال او موبيل.. الترتيب ده مقصود.. ممكن متلاقيش كالتكس كتير هتلاقي توتال..ولو مفيش خلاص هات موبيل.. لونها مدي علي بمبي شوية.. المية دي افضل من الخضرا عشان دي مصممة للردياتير الالومنيوم....
الافضل من كده انك تعمل الموضوع ده عند صنايعي نضيف.. هيعمله بسهولة.. و مش هياخد مصنعيه كتير.. عشان دي حاجة بسيطة..
المفضلات