الموضوع: كل مصري وله جزاير

كل مصري وله جزاير

كورة ماشي
ماتش ماشي
عدِّي واجرح وانت
ماشي
سنجة.. مطوة
قزاز مكسَّر
طوبة ماشي
بس نشن
لا لا لا..
مش إسرائيلي
م اللي دابحين عيال
في غزة
لا لا..
بنت حاطة
شال وشنطة
وزي أختك
جاية بس عشان
تشجع..
هيا آه مضطرة
تقلع لون بلدها
عشان جنابك
تور وشايف كله
أحمر
إحدف السكين
..لفوق
ينزل على دماغ الحريم
والفناين
كسَّر قزاز بالإرادة
هيا دي الرياضة
وكل ماتش وله خساير
كل مصري وله جزاير
مش دي بلد المليون
شهيد..
وجميلة بوحريد
اللي دمه يسقي التراب
يسلَك
مش ممكن يرفع
ع البشر كَزلَك
نصيحة لوجه الله
ولأي حد بالتحديد
جزايري
.
.
كوكب الأرض
فيه ع الخريطة
بلد
مذكورة في القرآن
ميغركوش
في اسمها
"طيبة"
====
شعر أحمد العايدي
ط£ط.ظ…ط¯ ط§ظ„ط¹ط§ظٹط¯ظٹ: ظƒظ„ ظ…طµط±ظٹ ظˆظ„ظ‡ ط¬ط²ط§ظٹط±