عربيتي بدأت تتعبني نفيا حد يقولي اعمل ايه

**ZALABANY** · 25-11-2007 07:46 AM

السلام عليكم
من يومين رحت اكن العربية عند الشغل بطلت العربية بدورها ما رضيتش تدور المارش مش شغال خالص المهم وانا مروح دورتها زق ووديتها للكهربائي فك المارش وقلي الأتوماتيك باظ بس ممكن يتصلح المهم صلحة واشتغل بس قالى انا مش مطمنله فجبت واحد جديد يوغوسلافي المهم ركبناه ودارت زي الفل امبارح باليل جيت ادورها بسمع صوت تكه من المارش وما تدورش شويه وراحة دايره وعلى كده من امبارح احيانا تدور على طول وأحيانا اسمع صوت تكه وما ترضاش تدور النهارده الصبح كانت واخده غيار دوست دبرياج ودورت ما دارتش وبعدين مورتها ودورت راحت دايره مش عارف كده المشكله في ايه انا بصراحة بقيت بمشي بالعربية قلقان ياريت تفيدوني يا جماعه انا عايز امشي بالعربية وما تعطلش مني اشيك على ايه في العربية واغيره علما بأن العربية معايا بقالها اقل من 10 ايام وشكرا

**ahmedsrs** · 25-11-2007 08:15 AM

خلىالكهربائى يشوفلك جلب المارش ودى حاجة بسيطه ومفيهاش مشكلة

**ZALABANY** · 25-11-2007 08:22 AM

الكهربائي لسه مغيرلي الأوتوماتيك والجلبتين بتوع المارش أول إمبارح

**HESHAM AMIN** · 25-11-2007 09:42 AM

راجع تركيب الاوتوماتك عند الكهربائى لان التكة دى معناها ان الاوتوماتك بيلقط ومش بيشغل المارش

**hesham2004** · 25-11-2007 04:00 PM

مازال الموضوع لن يخرج عن اختصاص الكهربائى ، و ممكن تلاقى المارش مش متثبت صح و كمان ممكن يكون كبلات البطارية مملحة او كابل المارش او كلبس الأوتوماتيك مش راكبين كويس و ممكن ايضا الأوتوماتيك يهرب ارضى يعنى زى ما اولتلك الموضوع كهربائى و بسيط جدا ان شاء الله