حد يساعدني يا جماعه في التعديل ده

**msfly** · 30-11-2009 05:45 PM

دلؤقتي يا جماعه معظم خبراء التعديل بيقولو ان ماتور اللانشيا الا نجيكشن احسن ماتور بيتسقط لل 128 ومدام الماتور انجيكشن يبقي اكيد في مكنة باور السؤال هنا بقي هل في أسكتري (علبه دركسيون) باور تركب علي ال 128 وتكون مناسبه ليها حتي لو هيتعمل تعديل صغير عليها وايه انسب فرامل تتركب علي 28 عشان توقف عزم الماتور 1600 .........
اسف للاطاله عليكو....
وأرجو الافاده .وشكرا.....

**eslamrace** · 30-11-2009 08:15 PM

متابع

**crazylambada** · 30-11-2009 11:43 PM

فيه واحد صاحبي معدل العربيه حساله و اقولك

**magyver** · 01-12-2009 02:31 AM

المشاركة الأصلية كتبت بواسطة crazylambada

فيه واحد صاحبي معدل العربيه حساله و اقولك

ايوة بقي مانت من الزقازيق
بيحبوا قوي تعديل ا 28 الفيات عمووما

**MMamdouh** · 01-12-2009 01:50 PM

مش شرط ان العربية يبقى فيها باور عشان هى انجكشن

MMamdouh

**msfly** · 03-12-2009 06:06 PM

انا شاكر جدا للردودكم يا جماعه بس بالنسبه للاخ اللي قال موضوع علبه دركسيو اللانسر ممكن بس يضحلي اكتر عشان مش فاهمها

**sameh127** · 24-12-2009 03:46 PM

اللانسر الباور علي سكاترة فيها عبارة عن سلندر هيدروليكي و تشبه السكاترة العادية لحد كبير جدا ومرتبط بيها وصلات زيت من طلمبة الباور والزيت بيروح الي ما يسمي ترس التوزيع"موجود في مجموعة التوجيه تحت صليبة الدركسيون الخارجية"و الترس بيأخذ دورانه منهاوهو اللي بيوجه الزيت بواسطة صمام لأحد الإتجاهات في مكبس الباور"السلندر" و يسحبه من الإتجاة الأخر و الجريدة بتحافظ علي ان العجلتين يتحركوا مع بعض بالتوازي و تضمن نفس كمية الإزاحة لكل من الجانبين.
اما باور على علبة دركسيون فهو مختلف تماما و كان بيستخدم في عربيات زي مرسيدس التمساحة-الكابريس كلاسيك-تويوتا كرسيدا (الثمانينات)يستخدم للخدمة الشاقة و للأحمال الثقيلة وهو عبارة عن علبة دركسيون زي علبة الدركسيون الموجودة في البيجو505ومرسيدس الزلمكة ومتصل بيها وصلات زيت الباور وواصلة بالعجلتين بوصلات صلب من اسفل العربية (بدون وجود السلندر الهيدروليكي الكبير اللي بيشغل كل صدر العربية خلف المحرك)، يعني الزيت في(الباورعلي علبة) بيساعد في دوران تروس التوجيه داخل علبة الدركسيون واللي بتحرك اكسات صلب يمين و يسار بدون ما الزيت يزق المكبس الموجود داخل السلندر الهيدروليكي .

الباور علي علبة يستخدم اساسا في سيارات الدفع الخلفي و سيارات الدفع الرباعى.
الباور على سكاترة يستخدم في كل سيارات الجر الأمامي و سيارات الدفع الخلفي الحديثة فقط