الموضوع: حساس السرعة في الفتيس الأوتوماتيك

-حساس السرعة بيقيس عدد لفات الكردان اللي خارج من الجيربوكس الى الكوبلنج.و مكانه مثبت في الجزئ العلوي الخلفي من الجير الأوتوماتيك و به وصلة كهرباء 4طرف jack مرتبط به السلك المتجه الى control unit .
-الحساس واصل له كهرباء واصلة باربعة نقط بالحساس والنقط غير متصلين ببعض و مع كل دورة من الكردان تبدأ النقط في عمل نبضة كهربائيه لكارتة التحكم و مع قياس عدد النبضات في الثانية الواحدة يتم حساب السرعة و تخزن رقميا في كارتة التحكم ثم تحوله بمعادلة حسابية الي قياس كهربي للسرعة ويبث هذا القياس بعد ذلك الي مؤشر السرعة بتابلوه العربية"اشارة كهرباء و ليس واير سرعة". و هذه السرعة معمول لها معايرة على مقاس كاوتش الفابريقة للسيارة لتكون قراءة عداد السرعة تساوي السرعة الفعلية التي تسير بها السيارة. لو غيرت مقاس كاوتش الفابريقة بمقاس كاوتش اصغر او اكبر حيؤدي لتغيير قيمة القراءة للسرعة بالزيادة او النقصان عن السرعة الفعلية اللى بتتحرك بيها العربية.
اما بالنسبة لحساس السرعة لعربيتك فممكن تبحث عن حساسات السرعة للعربيات الميتسوبيشي بإختلاف موديلاتها كبديل له
و طبعا بص في الإستعمال الأول .

متشكر جدا يا باشا على الرد المفصل الجميل ده
بس معلش سيبني استغل كرم حضرتك وأسألك شوية أسئلة ؟
هو عشان الحساس ده يتغير لازم الفتيس كله يتفك عشان يتركب ؟؟؟؟
وهل هو مثلا ليه رقم ولا حاجة اعرفه منه حسب نوع العربية ؟؟؟
ولو حضرتك تعرف مثلا اذا كان في توكيل مسئول عن الحساسات دي ؟؟؟
وممكن يعمله في حدود كام ؟؟؟
ولو هجيبه من حد بتاع استيراد اعرفه منين اصلا الحساس ده هو ممكن يفكهولي من الفتيس بس ده لو عرف مكانه اصلي سألت ناس عليه مايعرفوش هو ايه ولا فين ياريت لو عند حضرتك صورة ليه ولا حاجة ؟؟؟
وبعدين انا استهلاك البنزين عندي مش طبيعي يعني الصفيحة جوه البلد تعملها حوالي 100 كم بالرغم اني مغير فلتر بنزين و بوجيهات و منظف البوابة هل الحساس ده بيأثر على استهلاك البنزين ولا السحب بس ؟؟؟؟
وساعات كمان الاقي استهلاك البنزين عالي جدا في النص الاولاني من التانك وبعد كده يقل في النص التاني ؟؟؟
وهل ممكن ان السبب يكون ان العربية في التليين في اول 1000 كم كانت مع واحدة بتمشي بالراحة اوي وبتخاف تقرص عليها ؟؟؟
وسؤال أخير هو انا لو سبته كده خوفا من ان حد يفك الفتيس او يلعب فيه ممكن يأثر على حاجة تانية ؟؟؟
وهل ممكن اكتفي دلوقت بتغيير زيت الفتيس واشوف ايه النظام ؟؟؟
معلش أسئلتي كتير و تقلت على حضرتك