ربنا يستر فى ايام الشتا اللى جاية الارض بتبقى زحاليء
وربنا يستر طريقنا جميعا
عرض للطباعة
ربنا يستر فى ايام الشتا اللى جاية الارض بتبقى زحاليء
وربنا يستر طريقنا جميعا
لا اله الا الله.الرحمه من عندك يا رب.
bemo,ire
إحنا محتاجين فتوة تقول إن السواقة حرام عشان الشعب يقعد في البيت شوية .
ماهو برضو يا جماعة احنا مش عايزين نبقى متحاملين على الناس اللى عملت كده و خلاص
لو نمسك الموضوع من الاول هنلاقى ان الحكومة ممشية الطريق السريع فى نص البلد بتاعتهم
يعنى الطبيعى ان الناس تبقى رايحة جاية بين الاتجاهين
فين بقى المشكلة
المشكلة ان الحكومة معملتش كوبرى مشاه للناس دى
هما اللى عملوة امبارح ده نوع من انواع المطالبة ان يتعملهم كوبرى مشاه زى اللى حصل فى بلد تانية اسمها ميت نما من كام سنة
هوه يمكن اسلوب مش متحضر او فى شوية من الهمجية بس دى ممكن تكون محاولة من ضمن ملايين المحاولات اليائسة مع الحكومة
و الناس فى الاخر معزورين
ماهو غالبا هتلاقى كتير امهات و اباء و لادهم مدارسها الناحية العكسية يعنى مطلوب من ولادهم انهم كل يوم الصبح و بعد الظهر يرقصوا مع العربيات فى طريق مبيهداش اصلا
ربنا يكون معاهم و معانا و مع مصر
على ما اسمع
احد المسئولين قال ان المحافظه من فتره كبيره عايزه تعمل كوبرى مشاه لكن الاهالى نفسهم كل واحد مش عايز الكوبرى يبقى قصاد بيته علشان ميبوظش مدخل البيت والفيو بتاع الطريق السريع فعلى هذا الاساس المحافظه فشلت فى ايجاد مكان وتم اصدار قرار بانشاء الكوبرى فى اخر البلد راح اهل البلد قايلين مش هنعدى منه لو اتعمل فى اخرها فمتعملش من ساعتها خالص
معرفش الكلام ده حصل ولا لا بس محدش من اهل القريه اعترض على التصريحات دى
هو اللى عايز افهمه هى الحكومه خلاص مش قادره تدفع تعويضات للناس دى وتهد بيوت الصف الاول وتعمل لهم نفق محترم ومريح فى المطلع والمنزل وتقفل الحواجز اللى فى نص الطريق دى قفله محترمه
يا جماعه اللى مسافرش على الطريق ده مش متخيل ان فى مناطق فيه لا قدر الله لو عربيه نقل بتجرى فيها وانحرفت هتدخل فى العمارات اللى بينها وبين الطريق حوالى 2 متر بس وهتبقى كارثه بكل المقاييس وخصوصا ان النقل هناك بيبقى ماشى بحد ادنى 100 كم فى الساعه
لاحول ولا قوه الا بالله
الناس بقت مستنيه اي فرصه ولو تافهه علشان تخرج عن النظام و تخرج مابها من غضب باتجاه اي شخص سواء ليه دخل ولا لأ
اصبحنا في عصر الفوضي الهدامه ياساده
على فكرة بعد ما كوبري ميت نما اتعمل برضه الناس بقت بتعدي من تحت و تنط سور الجزيرة الوسطى !!!!!!!
الناس معندهاش ثقه انها هتاخد حقها عن طريق الحكومه و الشرطه و حسوا ان الراجل راح فطيس فكان رد فعل طبيعي من الشخصيه المصريه ساعه الغضب انها مش بتعرف توجه غضبها صح تقوم موجهه غضبها في ناس مظلومه زيها و هما اصحاب العربيات اللي معديه يعني كلهم ضحايا و بيخبطوا في بعض
بس فعلا لو كانوا عملوا مظاهرة او قفلوا الطريق سلميا كان هيبقي حل افضل
قلة ادب بكل المعانى
شعب اتربا على الهمجية
وشكر خاص للحكومة الرشيدة