اللهم ارحم المسلمين جميعا
عرض للطباعة
اللهم ارحم المسلمين جميعا
ربنا يسهل..... كلها كام سنة ضوئية و يبدأ الناس عندنا يعرفوا ازاى يعبروا الطرق..... و ازاى الحكومة توفر لهم خدمات عبور المشاه..... ثم بعد ذلك كيف يتعامل الناس "حضاريا" مع الحوادث التى تقع.....
ومن امتى عندنا فى مصر اداره لحل اى مشاكل وبالذات المشاكل الطارئه ودى مش اول مره الموضوع ده يحصل على الطريق السريع
يحولوا الطريق بالبركه ونفضل ندور على حد يورينا نمشى منين ونسال ( والنبى ياعم ماتعرفش اروح منين )
نظام البلد لااسف سيبها على الله قول يارب هتمشى باذن الله ( والله برئ من التواكل اللى فينا )
موضوع قطع الطريق واحداث تلفيات للى حظه وحش ويمر من تلك المنطقة منتشر فى كل حته فى مصر وفى الصعيد تحديدا
عادى يادكتور متاخدش فى بالك بكرة هتلاقى مطب مكان القتيل بظبط
دة اللى شغال دلوقتى على الطرق دى واحد يتخبط , يموت , اهالى القرية يقطعوا الطريق ويكسروا العربيات ويولعوا فيها , تانى يوم مطب فى نفس المكان على روح القتيل
لدرجة واحد حمارة اتخبط ومات عمل مطب مكانة !!
وبعد شوية تلاقى الطريق السريع بقى كلة مطبات والناس بردة مفيش فايدة نفس الغباوة وهى بتعدى الطريق والمطبات شغالة تكسير فى العربيات وبذات بليل طريق من غير اضاءة , مطب مفيش علية اى علامات تحذير ومع انوار العربيات بليل ممكن متاخدش بالك لدرجة فى ناس بتاخدها بسرعتها !
مش عارف ليه و انا باقرا الكلام ده كله افتكرت الفيلم بتاع "جواز عتريس من فؤاده باطل"
الاهم من كده ان البشر دول عندهم عضو مجلس شعب عن الدايرة بتاعتهم ليه مش بيجروا عليه علشان يحللهم مشكلة الطريق دى ؟؟!!
و لا هما فالحين كل واحد ياخد 50 ملطوش فى جيبه يلطشوه على قفاه و يقعد فى الشادر ياكل لحمة زى البهيم لغاية ما يتكرع و يبيع صوته و هو مش عارف انه بيبيع شرفه و بعد كده يمسكوا فى اى عابر طريق و كانه الحكومة اللى موتت ولدهم؟!!
احنا خلاص بقينا مش عارفين مين صاحب الحق و مين اللى عليه الحق و تاهت الحقوق زى ما كل حاجة بتضيع
لا حول ولا قوة الا بالله
ماشاء الله عليك
أنا النهارده عديت على الطريق واللى قلته حصل بالضبط مع شوية تحابيش
عملوا مكان الحادثة رايح جاى مقبات حديد فى نصف الطريق الأيمن مع علامات إرشادية مضيئة (مروحة نيون بتلف) والمزيد من اللوحات الإرشادية أنها منطقة سكنية وهدئ السرعة
وماشاء الله حطوا كمان لجنة رايح جاى
كل دا تسبب فى تكدس السيارات من بنها لكفر الحصة ومن طوخ لكفر الحصة
يعنى حوالى 5-6 كيلو عربيات متكدسة
واللى كنت تمشيه فى 3 دقايق على 90 خلاص بقى ياخد نصف ساعة بالضبط لو انت محظوظ وواخد أقصى اليمين وماشى على التراب
أنا عايز إتش دبور يتكلم بأعلى صوت