الموضوع: :: محتاج مساعدة بخصوص الكاوتش الخارجى وبعض المعلومات عن البطارية :: لانسر شارك

بخصوص البطاريه من وصفك يوضح انها بطاريه عاديه وليست جافه
ودى لازم تتابعها كل فترات تشوف الميه بتعتها

لو لقتها ناقصه بتشترى ميه (ميه بطاريه) من اى مكان موجوده فى كل حتا حتى فى البنزينات العلبه ب 2 جنيه تقريبا وبتزود البطاريه بالميا

لان حصل معايا نفس الموقف ومكنتش بتابع البطاريه وعلشان الميه نقصت كتير البطاريه باظت واشتريت بطاريه جافه علشان موجعش دماغى بالميا تانى

ازيك يا استاذ مصطفى
منور ياباشا فينك من زمان ؟ :)
بالنسبه للكاوتش فهتلاقى المقاس موجود على الكاوتش من الجنب وموجود فى كتالوج العربيه .. اذا ملقيتش بريدجستون هات اى نوع نفس المقاس ويكون كويس زى ميشلان او كومهو او لاسا .. وفيه حل تانى انك تخلى الفرده البايظه دى استبن وتخلى الاستبن بدلها وتركب لها شنبر داخلى مادام هيا الاستبن ومش هاتمشى بيها كتير..
بالنسبه لموضوع النيتروجين فطبعا هوا افضل بكتير وبيريح الكاوتش وبيخلى حرارته ثابته وبيطول عمر الكاوتش الافتراضى .. هتلاقى موضوع فى المنتدى العام بيتكلم عن فوائد النيتروجين .


بالنسبه للبطاريه فلازم طبعا البطاريه السائله تكشف على المياه الخاصه بها كل فتره علشان نقص المياه ممكن يبوظ البطاريه واسأل فى اى بنزينه نضيفه على مياه بطاريه وهتلاقى عندهم وخلى الكهربائى يزودهالك لغايه المقاس المحدد فيها

بالنسبه لفلتر التكييف وفلتر الهواء ممكن حضرتك تطلعه وتنفخه بالهواء لغايه التراب مايطلع منه وترجعه مكانه تانى ولو عاوز تغسله ممكن بس استنى لغايه ماينشف خالص وركبه تانى .

مقلتليش اخبار الكساحات والعتب معاك ايه ؟:)

المشاركة الأصلية كتبت بواسطة xander2010_evo

opps
نفس المشكلة حصلتلي إمبارح
والبطارية باظت
وإديتها لفة ع الأسعار البطارية العادية " السائلة" تبدأ من 280 إلي 490
والبطارية الجافة تبدأ من 340 إلي 550 وأنظف حاجة الجافة الفارتا
بس ليا سؤال لحضرتك علشان أنا لسه ما أشتريتش
من رأيك الجافة كويسة للانسر؟؟ أصل أنا جبتها ف الشاهين قبل كده ماكملتش 4 شهور
وأنفجرت بمعني الكلمة للأسف وموش عارف السبب
أنا شايف أن بطارية العربية نفسها علي الرغم إنها سائلة بس قعدت الحمد لله معايا 3 سنين
وانا مكنتش بزود ميه ولا شحن فكنت بفكر أجيبها م التوكيل!!!
سؤال تاني معلش: سألت علي البطارية قالولي عربيتي 1600 فلازم يركبلها بطارية70 أمبير
علي الرغم إن إللي جايية بيها من بلدها 55 أمبير بس
وانا شايف بردو إننا موش هانفهم ف العربة أكتر من الناس إللي صمموها
ولا إيه رأيك حضرتك؟؟
آسف للإطالة

افضل بطاريه جافه وعن تجربه هيا الفارتا ممتازه جدااا .. ويمكن البطاريه اللى حضرتك جبتها للشاهين كان فيها عيب علشان كده باظت بس التجربه دى غير قابله للتعميم علشان البطاريات الجافه افضل بكتير من السائله من حيث طول العمر وكفاءه العمل والعمر الطويل وبالنسبه لقوه البطاريه ماتزودش عن 60 امبير

البطاريه الجافه انا جبتها ب 320 جنيه بقالها 3 شهور دلوقتى وشغاله تمام مش عارف ان كانت بتعيش مده كبيره ولا لاء لكن صراحه مريحه جدا وبترك العربيه بال 5 ايام والاسبوع مركونه وبدورها عادى البطاريه مبتنامش

هيه فى كلا الحالات البطاريات الجافه أفضل واريح من البطاريات السائله

اما بالنسبه للامير للبطريه مادام العربيه جايه ب 55 امبير يبقى هاتلها 55 امبير فعلا زى مقلت الناس مش هتفهم اكتر من اللى صمموا العربيه
وانا جبت البطاريه 55 امبير

حضرتك حتلاقي ثلاث أرقام مكتوبين علي جانب الكاوتش (مثال: 205/40/16) كما بالشكل التالي


و ممكن فعلا تحطها استبن ، و يا ريت تتجنب استخدام الخوابير في اصلاح الكاوتش ، لو حاتغير لازم تجيب نفس المقاس لأنك حتغير فردة واحدة و حاول تجيب نفس الماركة

- البطارية : الجافة أفضل بكتير و لكن من كلامك اللي مع حضرتك سائلة و هي تحتاج كل فترة للفحص لاستكمال الماء إن نقص و في فترات من شهر إلي ثلاث شهور
نصيحة ، ممكن تبيعها و تشتري فارتا جافة و تشتري دماغك لـ حوالي 3 سنين بدون مشاكل بدون صيانة بطارية

- فلتر التكييف ممكن غسيلة و تجفيفه ، أما فلتر الموتور ؟ قصد حضرتك فلتر زيت الموتور؟ لو كان . . . . مش ممكن غسيلة أو صيانته و يجب تغييره

المشاركة الأصلية كتبت بواسطة xander2010_evo

opps
نفس المشكلة حصلتلي إمبارح
والبطارية باظت
وإديتها لفة ع الأسعار البطارية العادية " السائلة" تبدأ من 280 إلي 490
والبطارية الجافة تبدأ من 340 إلي 550 وأنظف حاجة الجافة الفارتا
بس ليا سؤال لحضرتك علشان أنا لسه ما أشتريتش
من رأيك الجافة كويسة للانسر؟؟ أصل أنا جبتها ف الشاهين قبل كده ماكملتش 4 شهور
وأنفجرت بمعني الكلمة للأسف وموش عارف السبب
أنا شايف أن بطارية العربية نفسها علي الرغم إنها سائلة بس قعدت الحمد لله معايا 3 سنين
وانا مكنتش بزود ميه ولا شحن فكنت بفكر أجيبها م التوكيل!!!
سؤال تاني معلش: سألت علي البطارية قالولي عربيتي 1600 فلازم يركبلها بطارية70 أمبير
علي الرغم إن إللي جايية بيها من بلدها 55 أمبير بس
وانا شايف بردو إننا موش هانفهم ف العربة أكتر من الناس إللي صمموها
ولا إيه رأيك حضرتك؟؟
آسف للإطالة

الفارتا عندي في اللانسر بقالها سنتين وعمري مفتحت كبوت العربيه من ساعة مجبتها
الشاهين والعربيات القديمه مينفعش معاها الجافه لان الدينامو بتاعها مبيبقاش مظبوط وبيدمر البطاريه وخطر جداً تركبها والدينامو مش مظبوط