جيب شروكي 2007 ولا بلاش منها؟؟

**M!NA** · 03-12-2009 10:10 AM

المشاركة الأصلية كتبت بواسطة newegyptian

انا طبعا مش محتاجها ف مغامارات وكده

بس بصراحه انا بيعجبني الشكل بتاعها بحب العربيات الكبيره تحس كده انها فخمه

طيب هي الجيب اعطالها كتير قصدك يعني ومكلفه فالتصليح

أيوا بالظبط كدا... مش عايز أقولك على كمية الأعطال الغريبة و اللي مالهاش لازمة اللي هتلاقي نفسك بتدفعها.... عندك مثلا... مقاومة مفتاح التكييف... 300 جنيه (و مش هتلاقيها)
حساس زيت الباور... 330 جنيه... و دا كل شوية بيضرب زيت... و هكذا من الحاجات اللي مالهاش لزمة و مش موجودة أساسا في العربيات التانية...

أنا في ظرف 8 شهور لقيت نفسي دافع حوالي 13 ألف جنيه بالشكل ده لحد ما بعتها و ارتحت منها... مع العلم ان عربيتي كانت واحدة من أحسن العربيات في أساسياتها...

المشاركة الأصلية كتبت بواسطة hero

الجيب مش فخمة قوي زي مانت متخيل....يعني مثلا انا باستغرب جداااا لما اشوف واحد لابس بدلة وفورمال قوي ونازل من عربية 4x4 لان دة مش مكانها ولا مجالها ولا الوضع الطبيعي ايلي العربية متصممة من اجلة....غير لما يكون نازل من بي ام اومرسيدس

العربيات الدفع الرباعي مصممة للعمل خارج الطرق الممهدة...off roading...يعني سفاري صحراء...مواقع عمل ...مواقع بترول...وعلشان كدة العربية عالية قوي عن الارض...موتورها قوي جداا...وعزمة عالي..والمفروض ان ما يتجراش بيها ...وبرضة مش منطقي انها تستخدم للعمل داخل المدن....هاتبقي خسارة مالهاش لازمة...وزحمة علي الفاضي ...

لو عايز عربية فخمة....في رانج السعر ايلي انت كاتبة...

عندك الـ bmw الفئة الثالثة..وممكن تشوف الـ x3 مستعمل نضيف..
عندك المرسيدس c180 , c200....وفي برضة فئات الـ b

لو استخدامك مش محتاج عربية دفع رباعي ....يبقي نصيحة بلاش منها ...عندك حجات سيدان كتير وفخمة...وهاتوفرلك فلوس كل سنة في معدلات استهلاك البنزين والضريبة ممكن تبقي تزود بيها كماليات في اي عربية تشتريها....

وربنا يوفقك لما فية الخير....

هو دا الكلام الصح....

**kemo0o** · 03-12-2009 12:29 PM

بصراحة x3 برقية الشيروكي
استهلاك بنزين فوق اللمتاز
موتور يضرب الشيروكي بالجزمة
عفشة راااااااااائعة
كل حاجة حلوة فيها

**newegyptian** · 03-12-2009 01:11 PM

ايه رئيك فالكابتيفاااااااااااااااا ؟؟؟؟؟

**newegyptian** · 03-12-2009 08:18 PM

ايه رئيك فالكابتيفاااااااااااااااا ؟؟؟؟؟

**newegyptian** · 07-12-2009 08:38 PM

ايه رئيك فالكابتيفاااااااااااااااا ؟؟؟؟؟

**Highway** · 12-12-2009 03:09 AM

بص لو بتحب ال suv هات فيتارا عربيه زى الفل ورخيصه

**gade2** · 21-05-2010 12:36 PM

بص شوف انت ايه العربيه اللى مريحاك نفسيا واتكل على الله

**mummy_47** · 18-07-2010 10:24 AM

طيب ما تفكر في ال Hover الصيني وقبل ما تقول ديه صيني والكلام ده...اتفرج عليها وشوف مواصفاتها..محرك متسوبيشي ..شاسية قوي جدا وعظم جامد ..وشوف اللنك ده من المجربين
http://www.nilemotors.net/Nile/36071-great-wall-hove.html