العرسه بتدخل العربيه

**zeka127** · 01-12-2009 03:21 PM

هروح لسروجى ان شاء الله يوم الجمعه او السبت عشان كل الصنايعيه مكملين الاسبوع اجازه وربنا يستر من هنا ليوم السبت انا حاططلها مصيده فران فى العربيه واصطادتها امبارح وخرجت المصيده بره العربيه وواقف انا و3 كمان حواليها وبنفكر هنعمل ايه معاها لحد اما خرجت من المصيده وهى مقفوله والله بس حطيت المصيده تانى ولو قفشتها المره دى هعلقها فى العربيه وامشى بيها عشان تبقى عبره لاى عرسه تفكر تخش عربيتى وربنا يستر...

**misoalex** · 01-12-2009 05:02 PM

هروح لسروجى ان شاء الله يوم الجمعه او السبت عشان كل الصنايعيه مكملين الاسبوع اجازه وربنا يستر من هنا ليوم السبت انا حاططلها مصيده فران فى العربيه واصطادتها امبارح وخرجت المصيده بره العربيه وواقف انا و3 كمان حواليها وبنفكر هنعمل ايه معاها لحد اما خرجت من المصيده وهى مقفوله والله بس حطيت المصيده تانى ولو قفشتها المره دى هعلقها فى العربيه وامشى بيها عشان تبقى عبره لاى عرسه تفكر تخش عربيتى وربنا يستر...

ههههههههه
تصدق انت اول واحد يمسكها المفروض كنت انتقمت منها
انا دخلت عندى من كام اسبوع من مروحه التهويه الى ورا العلبه بتاعه التكيف فى 128 وكان عندى قطه فرو بتنونو وتنور لو حد خبط عليها
لاقيتها على الكنبه واقعه فعرفت انها نورت فخوفتها وطلعت من العربيه
ومن ساعتها ركبت العلبه البلاستيك كويس والحمد لله لحد دلوقتى واهو مستنيها تانى فى الايام الجايه لانى عارف انها مش حتغلب فى دخول العربيه

**ابو حسين** · 01-12-2009 06:14 PM

تروح لواحد سروجي وهو هيسدلك جميع الفتحات اللي ممكن تدخل منها

**zastaffa** · 01-12-2009 10:47 PM

حضرتك ولا تروح لسروجي ولا اي حاجه حضرتك تنزل من بيت سيادتك تطلع علي اي واحد بتاع كيماويات قريب منك وتشتري كيس نفتلين بللي !!أيوه نفتلين بللي وعهد الله مبهزر وبعد كده تقوم بسحق النفتلين لحد ميبقي بودره وترشه في العربيه تحت الدواسات والكراسي والكنبه وفي الاركان وفي الشنطه ومتخافش مش هيوسخ العربيه لأنه بيتسامي بعد مده معينه (بيتبخر يعني)و بعد مده تعيد الكره مره اخري لما تحس انه ريحته قلت في العربيه ومبقاش موجود وانا أراهنك لو لقيت نمله في العربيه لأني انا كمان كانت عربيتي مستوطنه عرس ودلوقتي مفيهاش ولا حتي ديل عرسه بنت عرسه