السلام عليكم

ديه اول مشاركة ليا هنا ف المنتدي و كنت عايز اعرف حاجة بسيطة اوي لقلة خبرتي

انا كونت امبارح ف شارع دمشق و روحت سألت علي فلتر الهوا سيموتا و لقيته موجود بس للمواتير الانجيكشن و انا عربيتي كورولا 98 كاربيتير

فروحت علي اني اعمل زي مكان مكتوب هنا ف المنتدي اني اركب الفلتر المخروطي بتاع الانجيكشن بعد لما اعمل وصلة او ماصورة طالعة من العمة للعمة

فلقيت ان صاحب المحل قالي لأ مش هاينفع ... هوا هايتركب اه عادي بس مش هايبقي ف اداء ولا صوت ولا اي حاجة ملوش لازمة كأنوة فلتر هوا عادي

فانا بقا متلخبط و مش عارف اعمل ايه ؟؟؟؟

في حاجة تاني بسيطة
سألت علي البوجيهات ال split fire لقيتها موجودة هيا و السلوك بتاعتها ب 350 جنيه
فايه نظام السعر دة ؟؟

و اسف جدا علي الاطالة وارجو منكم الرد