من فتره كدا شفت واحد مركب ليدات على الجنط
وتخيلوا المنظر بقى والاحداث اللي هو عامله في الشارع
عرض للطباعة
من فتره كدا شفت واحد مركب ليدات على الجنط
وتخيلوا المنظر بقى والاحداث اللي هو عامله في الشارع
والله معاك حق فى كل اللى بتقوله
انا كمان شوفت الاضاءه اللى حول الاطارت
وانوار اسفل السياره
مع ان دى حاجات ملفته للنظر
ممكن تخليك تنشغل عن الطريق نفسه
وربنا يسترها علينا جميعا
واضح ان أى حد عايز حاجة فى البلد دى بيعملها
فعلا حاجة زبالة
انا هحكي موقف حصلي مع الناس ده
كنت راكب ميكوباص تويوتا من القاهرة رايح اسكندرية واتحركنا حوالي 9:30 من القاهرة وطلع الصحراوي وكان بيجري وشوية وقفل كل انوار العربية ونور نور قدام لونه ازرق من اللي بيتركب زينة في الميكروباصات الناس بتحطه علي الاكصدام الخلفي او الابواب او علي الاسبويلر انما هو كان حاطته علي الشبكة القدمانية تحت علامة تويوتا
انا كنت قاعد قدام ومستغرب جدا هو بيعمل ايه
لقيته مركز علي الارض وحاضن الدركسيون انا بصيت علي الارض ومكانش في نور في اي حتة لا عمود ولا عربيات ولا حاجة المهم حاولت اعرف هو بيعمل ايه تقريبا كانبيبص علي خيال النور الازرق علي الخطوط البيضاء وبيسنتر نفسه بين الخطوط عشان يعرف يمشي في حارة
انا كنت هتجنن منه ومش عارف يعني هو كدة بيوفر في فتورة الكهربا ولا يمكن عشان بتوع المرور ميشوفوهوش ولا ايييييييييييييه
طبعا ده لو حد ماش معاه في الطريق مش هيشوفه وان كان في عربيات كتير عدت بس هو ربنا اللي بيستر
انا كنت بركز مع شكل اللي سايق العربيات حوليه وهم بيبصوله باستغراب من اللي بيعمله
رنا يستر
و الله بجد موضوع النور انا تعبت و اتفقعت من كتر الكلام عليه
مش عارف اعمل اية بجد..
المشكلة ان الجهل بقى متفشـــــــي بغباء ووصل للفولكس جيتا كمان .. اه والله ..تخيلوا ؟؟ واحد راكب جيتا نبيتي عامل علامة الفولكس بالليدات !!! و تلاقيه مشغل الفوج لايت المستفز عالفاضي والمليان ..
و الله العظيم حرام
انا اتكلمت كتير اوي في الموضوع دا و مفيش فايدة .. تعبت بجد!
بجد يا جدعان انا لو لقيت واحد ضارب اي نور ابيض تاني في المرايا بتاعتي .. مع اقرب لجنة هقف و اتكلم ..انا زهقت بقى.. حرام الجهل و الغباء المتفشي دا ... حرام!
آخر صيحة بقى النهاردة و انا جاي من برة.. عربية اسبرانزا a516 ماشي قدامها و النور بتاعها عمال بيقلب بطريقة غريبة جداً... زي ما يكون مثلاً كان فيه ميزة انك تتحكم في إرتفاعه و هو كل لمبة شغالة لوحدها تنزل و تطلع بطريقة غريبة جدا.. و الله كنت حاسس ان فوانيس العربية بتغمز لي !!
اه و الله زي ما بقولكوا بالظبط !! و على فكرة دا كان بجد و الله مش حلم .. النور بتاع العربية كان غريب جداً و معرفتش اركز في الطريق غير لما بعدت عنه خالص
:(
فعلا واللة كلامك مية مية
بس نعمل اية
انا من كام يوم ماشى عند ميدان التحرير وكان فى ميكروباص سوزوكى قدامى وكان جنابه مركب فانوس شبوره فى الأكصدام اللى ورا ومشغله مع الأستوب والله كنت عمال ادعى ان الطريق يمشى علشان يشيل رجله من على الفرامل
بس اخره لما زهقت ولعت النور العالى فى المرايه عنده ففهم ومبقاش يحط رجله كتير على الفرامل
ولا كمان العربيات اللى بتبقى كشافاتها ضاربه لفوق دى حاجه تجنن لأن السواق بيبقى مش شايف حاجه من النور لأنه ضارب لفوق قوى وفى نفس الوقت بيعمى اللى جاى فى وشه:36_7_4[1]:
بس بجد اكتر حاجه نرفزتنى لما كان موتوسيكل جاى فى وشى ومركب زينون وعمال يحود الجادون بتاعه علشان ينشن النور فى عنيه:_Alshmokh08[1]:
والله اتنرفزت وقمت مولع النور العالى وقمت داخل فيه وكنت هأموته بس حظه حلو قام محود جامد وكان هيلبس فى عربيه راكنه:ma:
والله ياجماعه انا ببقى خلاص هموت من الغيظ ولو املك لكنت كسرت كل نور منيل بالطريقه دى لكن لااسف مش هيبقى غلطان غيرى
ياريت فى حاجه تتعمل وانا اول واحد اشارك فيه ( لان احساسى ان اغلب اللجان لو وقفت ابلغهم هيضحكوا على )
يبقى انت اكيد فى مصر