الاضاءة فى السيارات فى بلد السبهلله
ياجماعه انا مش فاهم ازاى واحد يركب نور احمر فى مقدمه السياره يشيل النور الصغير ويخليه احمر ولا يركب فوانيس صغيره حمرا ويمشى بيها فى الطرق والمصيبه على طرق سفر محدش قاله انه ممكن حد يتخيله من بعيد ظهر عربيه مش مقدمتها وتحصل كارثه تروح فيها ارواح بسبب واحد مش مقدر خطوره الاضاءه والمصيبه ان ولا لجنه شوفتها بتسحب رخص على الموضوع ده
ولا التفنن بقى فى وضع انوار بيضا فى ظهر العربيه وتتعمى منها انا شوفت لانسر مركب فوانيس كريستال وشايل الالوان من اللمبات كلها تخيلوا الاستوب ابيض والنور الخلفى ابيض والاشاره بيضا واتعمى ياباشا
وتاكسى شاهين مالى الاكصطدام الخلفى بصفين ليدات بيضه واتعمى ياباشا
ولا الموضه الجديده علامات العربيات اللى بقت ليدات خصوصا على الشنطه واتعمى ياباشا
نفسى اعرف هو المرور عندنا بيطبق بس مخالفات الحزام والتليفون والسرعه وبس والباقى مش مهم
ولا هو احنا فقدنا كل تميز وفهم وفقدنا كل تحمل المسئوليه وبقت الارواح عندنا بدون تمن