هل الفيات 500 الجديدة حتنزل مصر

**fiatmomo** · 03-04-2008 08:25 PM

فعلا العربية عليها حجوزات كبيرة جدا جدا جدا فى اوروبا . انا شايف مستحيل تنزل مصر وهية اساسا لسة ماسدتش حجم الطلب المهول الى فى اوروبا .

وطبعا بالنسبة للسعر ........... حدث ولا حرج اذا كانت الجراند بونتو( سوبر مينى ) بتتباع فى مصر ارخص ما بتتباع فى اوروبا .. ومع كدة ماتباعتش كتير ... يبقى مستحيل الفيات 500 ( مينى كار )يكون ليها سوق فى مصر وحيكون حالها زى البيجو 1007 شوفت منها عربيه واحدة بس فى مصر .

احنا دماغنا فى تلات حاجات الهيونداى بأنواعة والتويوتا كورولا والميتسوبيشى لانسر . وبس التلات ماركات دول واخدين تقريبا 80 % من سوق الخضار ( قصدى السيارات ) المصرى . حتبص لشكل وتصميم وامان ... يبقى انسى مش دماغنا ( احنا يا مصرين ) . احنا عندنا النظام كالاتى ( اى بتاعة على اربع بتاعات و احط فيها الحكومة والقردين وفل على كدة ......ولو شاب يبقى لانسراية واروشها بحتة زينوناية و سرينة بتعمل ويوا ... واسود الازاز كلة علاشان شباب الحتة يقولى عليا واد روش ويا سلام لو اسقتلها عدة صوت وصبين علاشان امشى اطنطط وازغرد على الارض وبردو عيال ( المنطقة ) يقولو عليا روش .

لسة ماوصلناش لمرحلة اننا نفكر فى فيات 500 ولا الفا 159 ولا لانشيا دلتا

^^
عذرا على طريقة الكلام .. ولكن هية حكمت ان الواحد يتكلم كدة :d

**ramyso4** · 03-04-2008 08:29 PM

المشاركة الأصلية كتبت بواسطة fiatmomo

فعلا العربية عليها حجوزات كبيرة جدا جدا جدا فى اوروبا . انا شايف مستحيل تنزل مصر وهية اساسا لسة ماسدتش حجم الطلب المهول الى فى اوروبا .

وطبعا بالنسبة للسعر ........... حدث ولا حرج اذا كانت الجراند بونتو( سوبر مينى ) بتتباع فى مصر ارخص ما بتتباع فى اوروبا .. ومع كدة ماتباعتش كتير ... يبقى مستحيل الفيات 500 ( مينى كار )يكون ليها سوق فى مصر وحيكون حالها زى البيجو 1007 شوفت منها عربيه واحدة بس فى مصر .

احنا دماغنا فى تلات حاجات الهيونداى بأنواعة والتويوتا كورولا والميتسوبيشى لانسر . وبس التلات ماركات دول واخدين تقريبا 80 % من سوق الخضار ( قصدى السيارات ) المصرى . حتبص لشكل وتصميم وامان ... يبقى انسى مش دماغنا ( احنا يا مصرين ) . احنا عندنا النظام كالاتى ( اى بتاعة على اربع بتاعات و احط فيها الحكومة والقردين وفل على كدة ......ولو شاب يبقى لانسراية واروشها بحتة زينوناية و سرينة بتعمل ويوا ... واسود الازاز كلة علاشان شباب الحتة يقولى عليا واد روش ويا سلام لو اسقتلها عدة صوت وصبين علاشان امشى اطنطط وازغرد على الارض وبردو عيال ( المنطقة ) يقولو عليا روش .

لسة ماوصلناش لمرحلة اننا نفكر فى فيات 500 ولا الفا 159 ولا لانشيا دلتا

^^
عذرا على طريقة الكلام .. ولكن هية حكمت ان الواحد يتكلم كدة :d

:D:D:D:D:D

**Sharky** · 03-04-2008 09:26 PM

المشاركة الأصلية كتبت بواسطة CryptonX

سأالت التوكيل الموقر , وكانت احلى اجابة في حياتي سمعتها .

>> فيات 500 ؟ دي فيات ؟
- يا سيدي الفاضل ده احدث موديل لفيات !
>> لأ احدث موديل هو اللينيا ! ايه فيات 500 دي !
- شكرا !

المشاركة الأصلية كتبت بواسطة hazem_khidr

انا متهيالي مش حتنزل قبل سنه علي ما يوفوا طلبات اوربا منها و متهيالي تمنها مش حيقل عن 90 او 100 الف جنيه علي اقل تقدير

حازم باشا السيارة دى لو نزلت مصر لن تقل عن 120000 الف
لإنها بتبدأ فى إنجلترا مثلا بـ 7900 و الجراند بونتو بتبدأ بـ 6500

**M_HaFeZ** · 07-04-2008 01:52 AM

اللى يعجبك اوى فى الموضوع ده
وهو الثقافه المصريه العاليه اوى
من كام اسبوع فى ملحق السيارات قالك ان فيات هتعيد انتاج الاسطوره Cinquecento
والمعروف طبعا ان غالبا الاخبار دى مدفوع تمنها وغالبا من التوكيل فى مصر زى الللى بيحصل دايما

والجميل جد فى الموضوع ان سواء الساده الصحفيين او اللى فى التوكيل مش واخدين بالهم من نقطه بسيطه اوى ان Cinquecento = 500 بالطوليانى
ويجعله عامر

**Powert** · 07-04-2008 11:03 PM

دي لو نزلت هيكون اقل موديل فيها 120 الف

**M_HaFeZ** · 08-04-2008 02:03 PM

ماهو المشكله فى الغباء المصرى وخصوصا فى التوكيلات
العربيه ممتازه جدا وموتور 1400 يعنى فى فئه جمرك معقوله
ولو العربيه اتسوقت كويس هتاخد شريحه كبيره من السوق وخصوصا الشباب وهتبقى خيار قوى للى عايز الجولف بس السعر قدامه كبير لان الجولف ب 170 الف و ال 500 لو بقت ب 110 او 120 الف وتسويق كويس هتلاقى زبونها على رأى البهظ :)