انا كمان عاوز كاميرا ديجيتال

**eng.octooo** · 01-12-2009 04:11 PM

بسم الله

انا من كام يوم كنت باتكلم مع ايفو على انى عاوز كاميرا ديجيتال احترافية (تقريبا) وانا كنت محتار بين الكانون والسونى بس هوة دخل النيكون معايا فى الموضوع انا عاوز كاميرا ابتدى احترف بيها واغيرها كام سنة ولا حاجة مش دلوقتى (انا باحب التصوير وباصور من زمااان بكاميرا تليفون النوكيا 95 والسونى w995 ) بس انا هاقولكم على المواصفات الى عاوزها وانتوا قرروا بس الكاميرا تكون بين السونى والكانون وممكن النيكون

1- انا عاوز ميجا بيكسل عالى لانى هاطبع على ورق مقاس a3 فتقريبا هاحتاج حاجة فوق ال10 ميجا بيكسل .

2- تكون الشاشة بتاعتها اكبر من 2.8 (بوصة تقريبا) علشان الصور تكون واضحة

3- طبعا يكون فيها مخرج لكابل التلفزيون واكييد كارت ميمورى او ميمورى ستيك

4- انا عاوزها لتصوير صور ثابتة مش فيديو ومش مشكلة الزووم ومش مشكلة سرعة الشاتر لانى مش هاصور حاجة متحركة بسرعة كبيرة

5- ياريت لو ينفع نركبلها عدسات وفلاتر علشان التصوير فى الطبيعة والاماكن البعيدة

6- مش مشكلة الحجم المهم الاداء

7- انا كل ميزانيتى للكاميرا 4000 جندى مجندى وممكن يزيدوا بس مش كتيير ولو فية موديل مش موجود فى مصر ممكن اجيبة من الكويت فى حدود المواصفات

اممممممممممممم حد عندة فكرة
8- امممممممممممم انتوا عاملين اية ؟؟؟؟ هههههههههه معلش طولت عليكم

**marsguy** · 01-12-2009 04:16 PM

Canon Rebel EOS XS

دية كاميرا إس إل آر
ممكن تغيرلها عدسات وتعتبر بداية الكاميرات الـ SLR الكويسه

سعرها في أمريكا من 450 لـ 500 دولار

مش عارف هنا بكام

لو عاوز تزود شوية فلوس ممكن تجيب

Canon Rebel EOS XSI

**kemo0o** · 01-12-2009 04:20 PM

بص ياباشا من أفضل الكاميرات اللي اتعاملت معاها والله كاميرا ممتازة جدا
Sony HX1

شوف مواصفاتها
Sony Style USA | Sony VAIO® Computers | Sony Consumer Electronics

وممكن كمان cannon SX20
شوف الاتنين دول

**eng.octooo** · 01-12-2009 06:22 PM

الكاميرات حلوة وانا عاجبانى كمان الى قال عليها كيمو السونى hx1 بس فية مشكلة وهيا انها 9.1 ميجا ف ممكن تنفع تطبع صور كبيرة ؟؟؟ زى ال a3 مثلا

انا دلوقتى واقف بين خيارين
الاول sony-cyber-shot-dsc-hx1-20x-super-zoom-camera 9.1mp 3 in screen

الثانى canon-powershot-g10 14mp

اية رأيكم فيهم ومتوسط الاسعار بتاعتهم اية ؟؟؟؟؟؟

**abo_lamar** · 01-12-2009 06:45 PM

نصيحة يا باشا هات اوليمبس olumpus

**marsguy** · 01-12-2009 07:26 PM

لازم الأول تحدد إذا كنت عاوز كاميرا slr أو كاميرا عاديه

عشان دية حاجه ودية حاجه تانيه خالص

دية عالم ودية عالم تاني

بس الفلوس اللي معاك ممكن تجيبلك slr.

لو إنت غاوي تصوير أوي يبقى لازم تجيب slr

**w-m-a** · 01-12-2009 07:27 PM

فعلا اوليمبس olumpus افضل الكاميرات على الاطلاق زور موقعهم وشوف

**Ahmed Selim** · 01-12-2009 07:55 PM

أحترافية يعنى SLR
يبقى أبعد عن سونى و خليك فى كانون أو نيكون
بس خلى بالك الموضوع واسع شوية فى الكاميرات الأحترافية.

بس أنت لو هتبتدى ممكن تجيب حاجة نصف أحترافية و دى بيتقال عليها Hypird هتعمل معاك شغل كويس و تتعلم فيها براحتك.

ال SLR عموماً ممكن تشتريها body only و دى بتبقى الكاميرا من غير عدسة خالص يعنى مش هتعرف تصور بيها كده.........لازم تشتريلها عدسة.
و ممكن تشترى bundle كاميرا معاها عدسة ( عادة بتكون عدسة 18-55 mm ) و أنسى بقى الزوم اللى بيتقاس بال x

أنا معايا canon EOS 450 D هى هى ال Digital Rebel XSi بس تانى أسم ده أسمها فى أمريكا و الأول أسمها فى أوروبا و الشرق الأوسط.

دى كنت جايبها من حوالى سنة ( بعدسة 18-55 ) من أنجلترا بحوالى 3600 جم.....و فى أمريكا أرخص شوية.

**توفيق طة** · 01-12-2009 10:19 PM

المشاركة الأصلية كتبت بواسطة eng.octooo

اوليمبس مش مرتاح لها مش عارف لية يمكن لانها عملت كام حركة مش لطيفة قبل كدة معايا

والكاميرا الى انا عاوزها مش لازم احترافية (slr) يعنى انا عاوز اجيب واحدة محترمة او الفئة الى بتكون قبل ال slr علشان المبلغ وانا هادور على الموديلات واقولكم

أخى الفاضل octooo .تحيــــــــــــاتى لك..

تقريبا أنا فهمتك والمواصفات اللى أنت عايزها هى هى اللى كانت فى تفكيرى أثناء البحث عن

كاميرا تفى متطلباتى وأنصحك ببانا سونيك كومباكت (مدمجة)حجم ووزن معقول لسة شاريها

من أسبوع من دبى وثمنها 4700 جنية مصرى موديل G1 بدون فيديو لأن تصوير الفيديو لة

كاميراتة وبصراحة رغم تدقيقى فى البحث والتفاصيل وبعد تجربتها لم أتصورها بهذة الدرجة

من الروعة ووضوح الصورة والألوان والأمكانيات اللتى مازلت أكتشغها .

12.1 ميجا بكسيل-زوم رقمى4+ شاشةLCD 3 بوصة.فلاش مدمج.كارت ميمورى 4 جيجا
بطارية ليثيوم 350 صورة.عدسة قابلة للتغير مقاس 14-45 .وصلة USB+وصلة فيديو

وتستطيع الأطلاع أكثر وأنواع أخرى مثل الكانون أو نيكون أو أولمبس أو سونى فى منتدى

عرب دى جى كام وهو متخصص فى كاميرات الديجتال. وأنا فى الخدمة فى أى سؤال.

تحيــــــــــــــــــاتى

-

الموضوع: انا كمان عاوز كاميرا ديجيتال

LinkBack

أدوات الموضوع

عرض

انا كمان عاوز كاميرا ديجيتال - انشر الموضوع فى :

-

-

-

-

-

-

المواضيع المتشابهه

كاميرا ديجيتال كاميرا لسه لقطة لسه شاريها امبارح

كاميرا ديجيتال

كاميرا ديجيتال

عاوز اجيب كاميرا ديجيتال... تنصحونى بإيه؟

الكلمات الدلالية لهذا الموضوع

المفضلات

المفضلات

ضوابط المشاركة