السعر مبالغ فيه بشكل غير طبيعي
وياترى ينفع نشتكي الوكيل للشركه الام في اليابان
ياريت يا جماعه نعمل حمله ونبدأها من هنا للاحتجاج على سياسه الوكيل وياريت مراسله الشركه الام والاحتجاج على السياسه التسعيريه للوكيل
عرض للطباعة
السعر مبالغ فيه بشكل غير طبيعي
وياترى ينفع نشتكي الوكيل للشركه الام في اليابان
ياريت يا جماعه نعمل حمله ونبدأها من هنا للاحتجاج على سياسه الوكيل وياريت مراسله الشركه الام والاحتجاج على السياسه التسعيريه للوكيل
انا معاكم
السعر مبالغ على هذه السياره جدا جدا جدا
وبعدين الفتيس دا ممكن يبقى فيه مشكله ذى بتاع التيوتا لازم يتجرب الاول و نشوف الخليجى نازل بيه ولا لأ نستنى حد يدفع المبلغ ده و يقول رأيه
الخليجي نزل به بالفعل لأن الخليجي وصل مصر واتباع قبل المصري اللي لسه في الجمرك وهيخرج بكره باذن الله
الفتيس ده غير فتيس التويوتا اللي الناس اشتكت منه لأن فتيس التويوتا فتيس مانوال أوتوماتيك وهو مثل الموجود في الميتسوبيشي كولت المصنعة في أوروبا ومثل فتيس الايزي ترونيك في الأوبل الجديدة هو فتيس مانوال ولكن بدون دبرياج وبالتالي بتشعر بالنقل بوضوح جدا
اما فتيس البومة الجديد فهو مثل الموجود في الباجيرو وهو اوتوماتيك مانوال يعني اوتوماتيك به اضافة في برنامج الكمبيوتر ليمنع النقل للسرعة الأعلى الا عند الطلب (في حالة الانتقال الى الزائد والناقص) انما هو فتيس اوتوماتيك عادي
انا كنت ومازلت من عشاق اللانسر وكنت مستني الموديل الجديد علشان اشترية بس طبعا لو هو دة السعر الحقيقي لها فطبعن هفكر الف مرة قبل ما اشتري لان السعر مبالغ فية جدا وبكدا ابتدي افكر في خيارات اخري طبعا لان السعر دة ممكن يجيب انواع اخري ممتازة برضو وياريت التوكيل يراجع نفسة في السعر دة علشان ميقتلش اللانسر
طب ياجماعة الأسعار الجديدة بتاعة 2010 هاترفع اسعار المستعمل في الموديلات الأقل يعني في 2008 و2007 يعني انا عندي بومة 1300 اتوماتك موديل 2008 وعاملة 15500 كيلو فابريكة برة وجوة تتباع بكام دلوقتي في ظل الأرتفاع الجامد دة لسعر السيارات اللانسر 2010
الفتيس ده عامل زى فتيس المازدا 3 و ناعم جداا وسواقته زى سواقة الاوتوماتيك
وطبعا اكيد سعر المستعمل هيزيد بعد زياده اسعار الجديد
فعلا كلام حضرتك صح جدا جدا وانت متفق معاك في الرآي ولازم التوكيل ينزل في الأسعار وألا مش هايتباع منها الا نادر وأنا من رآي انهم يلغوا استيراد 1300 الأتوماتيك لأنها ضعيفة ومش عملية وساعة الجد مش هاتسعفك وبعدين استهلاكها في البنزين مش قليل زي الناس ماهيا فاكرة الفرق بينها وبين 1600 في استهلاك البنزين مش كبير اعتقد لو اتوقف انتاج الموديل 1300 الأتوماتك احسن وبتمن تكلفة السيارة 1300 الأتوماتك علي الشركة ينزلوا من سعر بقية الموديلات اية رأيكم
كل التوكيلات فى مصر بتمهد الطريق لانتشار اللينيا بدون قصد
مش عارف كده حتقدر تنافس اللي زيها في السوق و اللا لأ .. خصوصا ان فيه كتير من الناس في حالة تشبع من اللانسر و بدأت تبص للخيارات التانية الموجودة في السوق
عندك حق فعلا عليت جدا كده الناس هتسبها وهشوف غيرها اكيد