أكيد حيبقي غالي بطريقة شنيعة، وبرضه الاحتياج له مش قد كده، إلا لو كانت المالية برضه مش مشكلة قوي فساعتها ليه لأ، لكن إمكانيات أقل من بكتير تقضي الغرض وزيادة
أنا حاسس بيك متحير...ربنا يوفقك لحاجة ترضيك ويكون لك فيها الخير
انا لما كنت بجيب الماك برو من 6 اشهر لفيت علي موضوع الضمان ده كتير
في الاول كلمت ابل امريكا قالوا لا يسري ولازم الضمان ال3 سنوات، لفيت علي توكيلات ابل هنا في مصر كله قال غير معترف بيه، لكن لقيت توكيل هنا اللي هو نفس التوكيل بتاع الامارات وقال يسرى بس لازم الاول نبعت نستأذن التوكيل فى الامارات ودا بياخد اسبوعين وبعدين بنصلحه عادي بس محتاجين الفاتورة.
اللي أعرفه إن ممكن لكن متهيألي إنك بتدفع ألفين جنيه مش ألف بس، أنا مش واثق في ذاكرتي بس اتخايلت بحاجة زي كده مش فاكر في أي موقع أو منتدى
كده يبقى تمام جدا...بس في ولايات تكاليف الضرايب والجمارك تعوير بجد
وعلى فكرة ترتيب حروف الماكنتوش العربي أسهل وأكثر منطقية بكثير من الويندوز ويمكن التعود عليها بطريقة سريعة وحفظها سهل طبعا..المشكلة لو في حد مش متعود يكتب عربي كتير، وبرضه في ناس صحابي بقالهم فترة طويلة شغالين على الكمبيوتر ولغاية دلوقتي مش عارفين يحفظوا أماكن الحروف...هي بتبقى فروق فردية