ايوا دى اسهل حتة تعرف الاسعار فيها :ma:
هى صحيح خلاص ملهاش لازمة .. بس كنت عايز اعرف اسعاره فى كذا بلد :) ..
حاسس انى غلس اوى :beatdeadhorse5:
و بعدين دة كفاية مساعدتك ليا :)
ايوه تمام ، هما بينزلوا أي سوفت وير متعلق بالماكنتوش حتى برامج مونتاج الأوديو فيديو وهي فعلا غالية جدا، بس هما بيعملوا كده كنوع من الترويج وأظن إنهم بيعملوها كده ودي مش بصفة رسمية
وعلى فكرة برضه هم بينزلوا الفيرشوال ماشين والويندوز بنفس الطريقة لو اشتريت من عندهم الجهاز أو كان في الضمان
غير كده متهيألي بينزلوه ب٢٥٠ جنيه، والبرامج الأساسية ب٢٥٠ وبرامج الصوت والفيديو ب ٢٥٠
يعني هما عاملين كذا باقة.....كل حاجة ب٢٥٠ جنيه ونص
في ناس بتحتاج تشتغل على حزمة أوفيس مايكروسوفت عشان مسائل تتعلق بالتوافق لاسيما في ملفات الوورد وكده
أنا شغال بالنيوأوفيس neo office وهو محترم جدا ومجاني وبينزلوا باتشات تحديث باستمرار
بالنسبة للفيرشوال أنا باستخدم vmware fusion وهو برنامج محترم جدا لكنه غير مجاني، استخدمت قبل كده virtual box وكان دايما يعاكسني وغير كده إمكانياته أقل من vmware بكتير
مبسوط قوي على فكره إني لقيت زملاء هنا في المنتدى مهتمين بالماكنتوش كده و آهو مشاعر وأحاسيس الغربة تقل شوية
والله يا أحمد باشا مقصدتش حاجة، بس أنا لما جيت أشتري جهازي قارنت السعرين ولقيت سعر بيست باي أرخص ٤٠ جنيه على ما أذكر بس برضه اشتريته من تريدلاين عشان كنت قضيت وقت في الكلام مع ال sales man وصراحة قلت هو أولى بالعمولة لأنه هو اللي تعب معايا واداني وقت..يمكن حصل اختلاف في الأسعار بعد أو قبل كده وأنا مكنتش متابع
حاجة تانية من عشمي لو مفيهاش رذالة كانت عندي مشكلة في خط اتصالات متعلقة بالرصيد فحتقل عليك وابعتلك تقولي رأيك إيه وربنا يجعل بيت المحسنين عمار
طب يا جماعة حد جرب يتعامل مع امازون او ebay و يبعتلوه حاجة لهنا ؟؟
و هل كل حاجاتهم مستعملة ولا فى جديد ؟؟
و ياريت اليعرف يقولى التكلفة بتبقا عاملة ازاى ؟؟
دا العشم برضه يازعيم..ابعتلك المشكلة على الخاص إن شاء الله
عندهم الجديد والمستعمل طبعا بس المشكلة إن التكلفة حتبقى زيادة جدا بسبب
الجمارك والضرائب في أمريكا+تكاليف الشحن لمصر+الجمارك والضرايب في مصر
بالإضافة إلى إن مش كل الناس بترضى تشحن دولي