الزجاج مشروخ وعلى وشك الكسر

**Abdelghani40** · 02-12-2009 02:41 PM

بسم الله الرحمن الرحيم
{يَا أَيُّهَا الَّذِينَ آمَنُواْ اسْتَعِينُواْبِالصَّبْرِ وَالصَّلاةِ إِنَّ اللَّهَ مَعَ الصَّابِرِينَ}...
)سورةالبقرة : 153(صدق الله العظيم

السلام عليكم ورحمة الله

معاى سيارة لانوس 2 موديل 2000 الزجاج الامامى اتشرخ وخلاص على وشك انه ينكسر
رجاء معرفة الزجاج الاصلى سعره كام
سواء من التوكيل او من الخارج
ومكان تركيبه وتكلفته فين
جزاكم الله كل خير

عبدالغنى ....

قال رسول الله صلي الله عليه وسلم:
يأتي زمان علي أمتي يحبونخمس وينسون خمس ...
يحبون الدنيا وينسون الاخرة يحبون المال وينسون الحسابيحبون المخلوق وينسون الخالق يحبون القصور وينسون القبور يحبون المعصية وينسونالتوبة فإن كان الامر كذلك أبتلاهم الله بالغلاء والوباء والموت الفجأة وجور الحكام

**Abdelghani40** · 05-12-2009 10:19 AM

شكرا على الردود

**redawilliam** · 05-12-2009 11:48 AM

معالش يا باشا الناس كلها اجازات
بس هو يتغير فى العاشر من رمضان
فى شركة اسمه د جريش
ممكن يتكلف حوالى 350 جنية
بس المشكلة لازم تجى بدرى عشان بيكونوا زحامة شوية
و لا يفضل ايام السبت عشان بيكونو زحامة
ربنا معاك و توصل بالسلامة

**mohamed ismail** · 05-12-2009 12:30 PM

لو انت جاي من القاهرة مصر اسماعيليه الصحراوي عدي الكوبري الاول في العاشر عند الكوبري التاني متطلعوش وادخل من جنبه يمين هاتشوف لافتة المصنع

**h_zahra** · 05-12-2009 12:32 PM

شوف يا باشا
فى ورش كتير دلوقتى بتصلح الكسر
منهم واحدة فى شارع الهرم جانب الطلبية
انا مجربتش بس سامع انه كويس يديك فرصة سنة مثلا

**wessamshaheen** · 05-12-2009 01:12 PM

أخي الفاضل أنا غيرت زجاج نوبيرا عند واحد بتاع زجاج عادي و كان تقريبا في حدود 360 جنيه و كان نوعه د.جريش و أعتقد أن الموضوع بسيط .. و شكرا

**Abdelghani40** · 05-12-2009 01:14 PM

بسم الله الرحمن الرحيم
انا سألت بعض الزملاء وصف لى محل فى ش الطيار فكرى اسمه الدكتور وفى كمان واحد جنبه على اسمه الطوبجى
وبعدين لاقيت د.جريش عامل حوالى من 250 حتى 270
انا محتار ...............

**memoo305** · 05-12-2009 02:14 PM

أفضل نوع جديد هو د.جريش تربليكس . بيتركبة في المصنع نفسة في العاشر من رمضان.
المكان تاخد طريق اسماعلية الصحراوي اتجاه الإسماعليةتطلع الكوبري الأول هتلاقي التاني بعديه بشوية صغير ماتطلعوش وتخش يمين هتلاقي المصنع.
تروح بدري علشان بيبقى زحمة

**Mohamed.Fawzy** · 05-12-2009 03:27 PM

انا لسه مغيره عندى قبل العيد على طول

خالى بالك ان الأنتاج الجديد بتاع جريش معلهوش علامه الدايو ولكن عليه علامه جينيرال موتورز و ده طبعا بعد ما منصور اخد العربيه

المهم انا غيرت عند واحد فى شارع فيصل تركيبه نضيف جدا و خالى بالك ان اهم حاجه فى تغيير الزجاج هوا تركيبه نسيت اقولك ان المحل اسمه ميدو

انا لقيت عنده نوعين :

1- جريش ب 300 جنيه تريبلكس و عليه العلامه المائيه لجينيرال موتورز

2- امان ب 350 جنيه تريبلكس برضه و عليه علامه الدايو و هوا نفس ماركه زجاج العربيه عندى لآن العربيه عندى نازله امان مش جريش ..

المهم انا ركبت امان علشان حسيت انه انضف من جريش و كمان الزجاج فى العربيه كلها يبقى ماركه واحده

**Mohamed.Fawzy** · 05-12-2009 03:35 PM

المشاركة الأصلية كتبت بواسطة memoo305

أفضل نوع جديد هو د.جريش تربليكس . بيتركبة في المصنع نفسة في العاشر من رمضان.
المكان تاخد طريق اسماعلية الصحراوي اتجاه الإسماعليةتطلع الكوبري الأول هتلاقي التاني بعديه بشوية صغير ماتطلعوش وتخش يمين هتلاقي المصنع.
تروح بدري علشان بيبقى زحمة

الموضوع مش مستاهل المشوار ده علشان تغير زجاج

زجاج جريش التريبلكس الأصلى بالعلامه المائيه لجينيرال موتورز مرمى فى كل المحلات فى القاهره بسعر من 270 الى 300 جنيه ...

انا معاك ان التركيب فى جريش نفسه ممتاز بس برضه فى محلات كتير قوى بتركب كويس و احسن من جريش و انا لسه مغير عند واحد فى شارع فيصل اسمه ميدو ... تركيبه للزجاج عبقرى و بيحط سيليكون اسود مستورد و نضيف جدا و بعد التركيب بيغسلك الزجاج من الداخل و الخارج بالكحول و بيحافظوا على العربيه

يبقى طالما الزجاج موجود و الصنايعيه الكويسين موجودين يبقى ايه الداعى الواحد يتعب نفسه فى مشوار زى ده