بقالى شهرين وذياده بكح كحه غريبه جدا زى مكون عندى سبعين سنه..وكانت معاها إحساس بإنى عايز ارجع كده.و نفسى غمه عليا...
الحمد لله معدش فيه ترجيع ولا إحساس الإرتجاع..بس الكحه دى مستمره معايا.وخصوصا بعد مباكل لازم أكح كحه كده كأنها طالعه من المرىء..بتقعد معايا حوالى ساعه..وبتزيد مع التوتر..لما كنت ناوى فى العيد اروح اتفسح فى القاهره قبل منزل أقعدت أكح ساعتين لحد مقررت انى مسافرش..بصراحه هى حتبتدى تجيبلى إكتئاب والله..لانى معلمتش حاجه عشان بكح ..
طبعا كشفت كتير عند خمسه..اتنين جهاز هضمى واتنين صدر..وواحد أنف وأذن..
انا مش عارف الكحه سببها الصدر ولا المعده..كل واحد بروحله بيتعامل على انها حالته.متهيألى لو روحت لواحد بتاع عظام..حيقول ..المريض بيكح لانه عنده إلتهاب فى المفاصل.
حد يقولى أعمل إيه..انا داخل على إمتحانات فى أخر سنه وخايف اللى انا فيه ده يأثر عليا..
كنت بدخن من شهرين لحد متعبت..وكنت مقضيها تيك اواى على طول.