الأكصدام الأمامى بتاع الماروتى إتخلع والعربية زيرو بقالها شهرين ..أعمل إيه

**dr_emma** · 10-09-2010 07:43 PM

العربية أخدت خبطين زى الفل و ال defender إتخلع تماما ..بقالى شهر بس بامشى بيها و العربية زيرو
و لسة ما عملتش صيانة الألف الأولانية و بيقولوا التوكيل نار
كل ماشوف عربية ماروتى فى الشارع ألاقى الناس مثبتين الأكصدام بمسامير
بصراحة مش عاجبنى شكل المسامير خصوصاً إن العربية جديدة و الواحد مقهور عليها ..الكباسين كلها إتفكت

هل ممكن ألاقى حد يعملهالى ؟ و أعملها إزاى....تنصحونى بإيه

**amrfares** · 10-09-2010 10:50 PM

ركبلها مسمار طويل من جوة الاكصدام من عند الكلبس ومش حيبان

**dr_emma** · 10-09-2010 11:13 PM

المشاركة الأصلية كتبت بواسطة amrfares

ركبلها مسمار طويل من جوة الاكصدام من عند الكلبس ومش حيبان

و لازم أخرم الصاج ؟؟

**OZYDREAMS** · 11-09-2010 03:52 AM

باشا اى واحد تعديل فيبر او اصلاحه ممكن يعملهالك ولو عاوز تحافظ عليها هات اكصدام جديد تمنه تقريبا 120 جنيه لان هتلاقى فرق التكلفة بتاع التصليح والمصنعيه مقاربه تقريبا والحمد لله انها جت فى الفبر وربنا يستر طريقك وطريقنا

**dr_asaos** · 11-09-2010 10:33 PM

المشاركة الأصلية كتبت بواسطة OZYDREAMS

ولو عاوز تحافظ عليها هات اكصدام جديد تمنه تقريبا 120 جنيه لان هتلاقى فرق التكلفة بتاع التصليح والمصنعيه مقاربه تقريبا والحمد لله انها جت فى الفبر وربنا يستر طريقك وطريقنا

انا عملت كدة بس فى الاكصدام الخلفى وريحت دماغى لأنى فعلا بكره المسامير والشك والكلام ده وحمدت ربنا ان الاكصدام موش بلون العربية ...

**aymanay32** · 12-09-2010 12:22 PM

انا كانت عندى نفس المشكلة دى حتى وقع الكصدام لما جيه واحد حبيب عاوز يطلع على الكبوت و بيدوس على الاكصدام و لما نزلت من البيت لقيت الاكصدام فى الارض
قمت فكيته و مكان البتوع البلاستيك اللى فى الجنبين عند الرفرف كدة شيلتهم لانهم بمسمارين و ركبت مكانهم حته حديدة صغيرة و ثنيتها زيهم التنيه بتاعتهم و ركبت الاكصدام و بقى تمام
و مكان المسامير اللى تحت حطيت وردة كبيرة عند مكان المسمار و ركبت الاكصدام اخر تمام

السؤال انه لو عملت اكصدام صاج حديد زى بتاع الماروتى يتكلف كام تقريبا

.

**ihabchina** · 15-09-2010 01:46 PM

نفسى فعلا اعمل اكصدام حديد للماروتى هههه

**aymanay32** · 15-09-2010 08:22 PM

المشاركة الأصلية كتبت بواسطة ihabchina

نفسى فعلا اعمل اكصدام حديد للماروتى هههه

ايهاب باشا انا شوفت واحد بيعملهم بس كنت مستعجل و مشيت من غير ما اسأله بكام و دة لما كنت فى مامورية فى طنطا فى قرية على اليمين و انتى ماشى فى الطريق الزراعى قبل ما تطلع الكوبرى بتاع المرور و لما اروح هناك انشاء الله تانى هبقى افوت علية و اسأله و اكلمك عالموبايل و اشوفك اعمل واحد و لا اثنين
بس المهم كنت عاوز اعرف سعرة ممكن يتكلف كام عندنا فى مصر فى فيصل عشان ميكنش هنا ارخص و اجيبة بالغالى من طنطا

**emad2e007** · 07-12-2010 12:33 AM

ربنايعوض عليك وعلينا ويكفيك شرها
الاصلي مايتعوضش انا مجرب
روح لبتوع الفيبر للاكصدامات اما الاكصدام الخلفي انا عاملة ذاوية الومنيا تحت كل مسما تقريبا مع بروز الاكصدام الخلفي ببرشام مع قفل الشنطة مابيبانش بقه حديد ولما يدغدغ اجيب جديد وهعمل نفس الموضوع

**aymanay32** · 07-12-2010 02:02 PM

المشاركة الأصلية كتبت بواسطة emad2e007

ربنايعوض عليك وعلينا ويكفيك شرها
الاصلي مايتعوضش انا مجرب
روح لبتوع الفيبر للاكصدامات اما الاكصدام الخلفي انا عاملة ذاوية الومنيا تحت كل مسما تقريبا مع بروز الاكصدام الخلفي ببرشام مع قفل الشنطة مابيبانش بقه حديد ولما يدغدغ اجيب جديد وهعمل نفس الموضوع

فكرة ممتازة
برافوا عليكى
انا بدرس فكرة تنفيذها و احتمال تطبيقها فى الماروتى بتاعتى

.

الموضوع: الأكصدام الأمامى بتاع الماروتى إتخلع والعربية زيرو بقالها شهرين ..أعمل إيه

LinkBack

أدوات الموضوع

عرض

-

-

-

-

-

-

المواضيع المتشابهه

خبطه فى الأكصدام الأمامى - رينو سكالا

كحه بقالها شهرين وذيادة....

الأكصدام الأمامى للانوس ريح شوية؟

بقالها شهرين و عطلت

هوا للموتور من فتحة الأكصدام الأمامى

الكلمات الدلالية لهذا الموضوع

المفضلات

المفضلات

ضوابط المشاركة