مشكلة فى adsl

**sleepyhammer** · 14-12-2009 07:38 AM

السلام عليكم
انا من ملاحظتى لموضوعك انا مقراتهوش من الاول بس الى فهمته ان الروتر عندك متوصل عليه جهازين تانين ولما فى جهاز منهم بيتوصل بالروتر النت بيفصل والروتر يعمل ريستارت صح !!
المهم لو هوه فعلا كده المفروض المشكلة بتكون فى الجهاز الى بيتوصل ده نفسه بيكون عيب هاردوير مش سوفت وير لان المشكلة دى حصلت معايا لما كنت بشتغل فى شركة كمبيوتر قبل كده بس كانت مجننانى
فالاول تشوفى الجهاز ده فى عيب ايه الاول وصليه عند اي حد تانى عنده روتر مثلا او تغيري كارت ال Lan بتاعته ولو المشكلة لسه قائمة مفيش غير انك توديه شركة صيانة لان ممكن تكون الماذر بورد فيها مشكلة او الباور سابلاى بتاعه فيه مشكلة فى التوزيع على الماذر بورد دى احتمالات لان الهاردوير ده مشاكله كتير وممكن حاجة ملمسة فى البورده تسبب لخبطة وتدوخ الفنيين كمان
وان شاء الله تتحل المشكلة
واسف اسف على الاطالة

**أبومعاذ** · 14-12-2009 10:04 AM

المشاركة الأصلية كتبت بواسطة BASKOTA

حضرتك انا جبت الفنى وقال ان الخط مفيش فيه اى مشكلة وكل التوصيلات مظبوطة
وبعدين انا لما بكلم تى داتا والسرعة مش مظبوطة هم فى لحظتها بيبظبطوها من عندهم والسرعة توصل كاملة
اعتقد لو المشكلة عندى مكنتش اتحلت من عندهم!!!!!!!!!!

انا بس عايز اوضح لحضرتك ان انا اشتغلت في الـ DSL لمدة 4سنين منهم 3سنين في TE Data وحاليا لسة في نفس الشركة بس بعيد عن الـ DSL يعني انا بقول لحضرتك الحل اللي انا شايفه من واقع خبرتي دية. نيجي لمشكلة حضرتك سلك التليفون بيشتغل حرارة حتى لو كان في اسوء حالاته يعني لو كان في لحامات أو السلك مصدي أو جنبيه أي نوع من أنواع المجالات المغناطيسية أو الكهربية السلك برضو هيفضل يوصل حرارة بينما الـ DSL بيحتاج السلك يكون سليم جدا ومفيهوش أي لحامات ومفيش حواليه أي نوع من المجالات اللي ممكن تعمل شوشرة عليه وحضرتك ممكن تجربي تجيبي مغناطيس وتعديع جنب خط DSL قايم وشغال هتلاقيه فصل ونفس التأثير لو تجيبي الـ adapter بتاع اللابتوب جنب خط التليفون تلاقي الدي اس ال فصل
الفني بتاع المصرية مش هيعرف يختبر جودة الخط زي تي اي داتا عشان كدا قلت لحضرتك لو تي اي داتا قالتلك عيب سلك خللي الفني ييجي يغيره بصورة ودية مش رسمي يعني وهياخد اللي فيه النصيب

**Samah AbdAllah** · 15-12-2009 07:05 PM

حاضر هجيبه يغير السلك
لكن المشكلة الاهم بالنسبالى هى ان فى جهاز مش بيشتغل خالص وبيفصل النت وتفضل لمبة dsl تنور وتطفى
على الرغم انى جربته على راوتر تانى اشتغل

**Samah AbdAllah** · 17-12-2009 09:19 PM

دلوقتى انا جبت لانة جديدة وركبتها فى الجهاز اللى مش راضى يشتغل
وبرده مش راضى يشتغل
تقريبا الكيميا مش متوافقة بينه وبين الراوتر
والمركز اللى اشتريت منه الراوتر مش راضى يغير الراوتر بنوع تانى
اعمل ايه بقا

**Samah AbdAllah** · 17-12-2009 10:54 PM

بعت الجهاز لمهندس كمبيوتر
الجهاز اشتغل عنده زى الفل
كلمنى وقالى اجرب جهاز تانى على وصلات الجهاز ده
اخدت جهازى وركبته اشتغل من غير حتى ما يعمل ريستارت
هذه هى اخر الانباء وسنوافيكم بالاخبار اول باول

**Karim_Monir** · 17-12-2009 11:14 PM

معلش داخل الموضوع متاخر
احتمال كبير جدا يكون النتورك كارد بتاع الجهاز اللي بيعمل ريستارت للراوتر هو اللي عامل مشكلة طالما نانتي متاكدة من كل الوصلات
ودي قابلتني في جهاز بالفعل وكان بيعمل ريستارت للراوتر وطلع المشكلةف يكارت النتورك مع الراوتر ده بس
كيميا
:-)

**Samah AbdAllah** · 18-12-2009 12:31 AM

هو المهندس قال انه اشتغل عنده لانه خارج عنده من سويتش
وقال نجرب بسويتش يمكن السويتش يحل المشكلة
بس وديت الجهاز لواحد تانى قال هيخليه عنده عشان يشوف قياسات الجهاز

**Samah AbdAllah** · 18-12-2009 12:33 AM

المشاركة الأصلية كتبت بواسطة karim_monir

معلش داخل الموضوع متاخر
احتمال كبير جدا يكون النتورك كارد بتاع الجهاز اللي بيعمل ريستارت للراوتر هو اللي عامل مشكلة طالما نانتي متاكدة من كل الوصلات
ودي قابلتني في جهاز بالفعل وكان بيعمل ريستارت للراوتر وطلع المشكلةف يكارت النتورك مع الراوتر ده بس
كيميا
:-)

طيب الكيميا دى هنعمل فيها ايه
مالهاش حل
مش هوصله بالراوتر ده غصب عنه

ما ينفعش اغصب عليه فى حاجة زى كده

ومش معقول هشترى اتنين راوتر لكل جهاز راوتر ده يبقا دلع

-

-

الموضوع: مشكلة فى adsl

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فودافون adsl

مشكلة ...... للناس اللي عندها فكرة عن مشاكل الراوترات و adsl

tedata ADSL

حد جرب فودافون adsl?

حد جرب vodafone ADSL قبل كده؟؟؟

الكلمات الدلالية لهذا الموضوع

المفضلات

المفضلات

ضوابط المشاركة