مشكلة في الفرااااااامل عندي .. أحسن نوع تيل ايه

السلام عليكم كل سنة و انتم طيبين ...
أنا عندي مشكلة في الفرامل بقالها فترة و مش عارف ايه حلها ...
الفرامل عندي مش بتمسك في المواقف الحرجة يعني مش بتكلبش زي بقيت عربيات الخلق بالعكس طول منا بفرمل عادي العربية تمام و وقت ما تيجي فرامل مفاجئة ولا كأن عندي فرامل الدواسه مهما أضغط عليه الفرامل بتوصل لغاية قوة فرمله ثابته و متزدش ...
روحت للميكانيكي و عملت رجلشه للفرامل ورا و كمان سحبت هوا من الماستر العمومي و من الأربع عجلات و بردوا مافيش فايده ... أه الفرامل اتحسنت بس برضه المشكله لسه زي ما هي
و التيل عندي لسه فيه كتير
فكحل أخير قلت أغير التيل بقى ....... ايه رأيكواأحسن تيل موجود ... أنا لقيت نوع اسمه ybk ب 65 جنيه ياباني ... ده كويس ولا ايه
و ألف شكر

ايه يا جماعة محدش غير تيل فرامل قبل كده ولا ايه ... يظهر أنا أول حد هنا

متابع باهتمام

يعني يا جماعة محدش عايز يرد .... شكرا بجد

اقتباس:

---

المشاركة الأصلية كتبت بواسطة viper911

السلام عليكم كل سنة و انتم طيبين ...
أنا عندي مشكلة في الفرامل بقالها فترة و مش عارف ايه حلها ...
الفرامل عندي مش بتمسك في المواقف الحرجة يعني مش بتكلبش زي بقيت عربيات الخلق بالعكس طول منا بفرمل عادي العربية تمام و وقت ما تيجي فرامل مفاجئة ولا كأن عندي فرامل الدواسه مهما أضغط عليه الفرامل بتوصل لغاية قوة فرمله ثابته و متزدش ...
روحت للميكانيكي و عملت رجلشه للفرامل ورا و كمان سحبت هوا من الماستر العمومي و من الأربع عجلات و بردوا مافيش فايده ... أه الفرامل اتحسنت بس برضه المشكله لسه زي ما هي
و التيل عندي لسه فيه كتير
فكحل أخير قلت أغير التيل بقى ....... ايه رأيكواأحسن تيل موجود ... أنا لقيت نوع اسمه ybk ب 65 جنيه ياباني ... ده كويس ولا ايه
و ألف شكر

---

بص ياباشا...هو رأي شخصي ممكن صح وممكن غلط....نزل زيت الفرامل كله..لأنه كده يا إما قديييييييييييييييييم وشارب رطوبة لما قال بس...يا إما زيتك مضروب...
وعموما مشكلة الرطوبة انها بتقلل درجة الغليان من 320 الى 200 ولو فيه رطوبة طبعا بتطلع على هيئة بخار مياه فتعمل فقاعة غاز داخل الدورة وأما الفرامل بتبرد يرجع الزيت يتشرب البخار تاني...وبالتالى انت مهما تضغط الزيت مش هيتجاوب لأنه اصبح قابل للانضغاط..ونصيحة تانية متجيبش زيوت من الجديدة ...هات من اللي في علبة صفيح اللي اسمه تقريبا لوكهيد وده صناعتة انجليزي وب 15 جنيه واشتريه من محل كبير مضمون عشان الغش انتشر قوي
ومتنساش تقفل خزنة الزيت كويس جدا
وابقى طمني وعرفني

نسيت أقول لك بخصوص التيل أنا كنت مركب نوع اسمه سيكو او ساكو تقريبا وده كوري وكان ب 45 جنية أمامي
هو كويس بس عيبه الوحيد انه بيهبب الجنط بس فرملته معقولة

اقتباس:

---

المشاركة الأصلية كتبت بواسطة exact

بص ياباشا...هو رأي شخصي ممكن صح وممكن غلط....نزل زيت الفرامل كله..لأنه كده يا إما قديييييييييييييييييم وشارب رطوبة لما قال بس...يا إما زيتك مضروب...

وعموما مشكلة الرطوبة انها بتقلل درجة الغليان من 320 الى 200 ولو فيه رطوبة طبعا بتطلع على هيئة بخار مياه فتعمل فقاعة غاز داخل الدورة وأما الفرامل بتبرد يرجع الزيت يتشرب البخار تاني...وبالتالى انت مهما تضغط الزيت مش هيتجاوب لأنه اصبح قابل للانضغاط..ونصيحة تانية متجيبش زيوت من الجديدة ...هات من اللي في علبة صفيح اللي اسمه تقريبا لوكهيد وده صناعتة انجليزي وب 15 جنيه واشتريه من محل كبير مضمون عشان الغش انتشر قوي
ومتنساش تقفل خزنة الزيت كويس جدا
وابقى طمني وعرفني

---

أنا فعلا لسه مغيره بزيت بندكس اللى في العلبة الصفيح و سحبت هوا و رجلشت و كل ده من 1000 كم بس و برده نفس المشكلة .... و بالنسبة لتيل الفرامل مش هينفع معايا التيل الكوري عشان الهباب عشان الجنط عندي أبيض... مفيش نوع ياباني أصلي حتى لو ب 100 جنيه

فيه نوع كنت شاريه بــ 65 جندى ومش بيهبب ولا حاجه وبيعيش بس معرفش اسمو :36_7_4[1]:

اقتباس:

---

المشاركة الأصلية كتبت بواسطة elmans

فيه نوع كنت شاريه بــ 65 جندى ومش بيهبب ولا حاجه وبيعيش بس معرفش اسمو :36_7_4[1]:

---

يبقى هوه ده اللى أنا بقول عليه
بس بيمسك ولاااا عشان أنا شوية و هشيل حد بجد من السكه أنا بقيت بعمل أفلام هندي و بعتمد على المهارة الفنيى في التفادي بس مش كل مره تسلم

سحب زيت الفرامل القديم حل معقول, وكمان حاول تراجع الفرامل الخلفية, أما عن أحسن نوع تيل فرامل بيقال انه التركى, انا لسة ما حصليش الشرف وأجربه بس التيل الحالى تانى تجربه لى, بعد نوع زباله كان أسبانى.

اقتباس:

---

المشاركة الأصلية كتبت بواسطة viper911

يبقى هوه ده اللى أنا بقول عليه
بس بيمسك ولاااا عشان أنا شوية و هشيل حد بجد من السكه أنا بقيت بعمل أفلام هندي و بعتمد على المهارة الفنيى في التفادي بس مش كل مره تسلم

---

ايوا بيمسك طبعا وبقالو معايا سنه وعملتلو رجلاش مره
ومن كام يوم كانت سايبه حبه ورحت الراجل سحبلى الهوووا
ورجعت تمام

اقتباس:

---

المشاركة الأصلية كتبت بواسطة elmans

ايوا بيمسك طبعا وبقالو معايا سنه وعملتلو رجلاش مره
ومن كام يوم كانت سايبه حبه ورحت الراجل سحبلى الهوووا
ورجعت تمام

---

الف شكر يا باشا معلش طولت عليك و انشاء الله هاجيبو و هاقولك على النتيجة بعد التركيب

لا تقلق أنا حصل معايا الموضوع ده لدرجه انى صرفت 350 ج علشان مش عارف اعمل ايه بس كانت المشكله فى هواء داخل الزيت واخدوا هواء من كل عجله والماستر العمومى بعد طبعا ما ادبست وغيرته وغيرت ماستر الضفدعه كمان والله اكتر كمان يمكن وصلت 450 ج بالمصناعيه.
بص احسن نوع عن تجارب كتير معايا وافضلهم من كل شىء اليابانى ybk فى التيل الامامى والخلفى بس تكون الطنابير الخلفيه كويسه ومش مخروطه قبل كده.
جربه وماتحطش فى العربيه ديه حاجه غير اليابانى.وهتعرف الفرق.

اقتباس:

---

المشاركة الأصلية كتبت بواسطة anwarnono

لا تقلق أنا حصل معايا الموضوع ده لدرجه انى صرفت 350 ج علشان مش عارف اعمل ايه بس كانت المشكله فى هواء داخل الزيت واخدوا هواء من كل عجله والماستر العمومى بعد طبعا ما ادبست وغيرته وغيرت ماستر الضفدعه كمان والله اكتر كمان يمكن وصلت 450 ج بالمصناعيه.
بص احسن نوع عن تجارب كتير معايا وافضلهم من كل شىء اليابانى ybk فى التيل الامامى والخلفى بس تكون الطنابير الخلفيه كويسه ومش مخروطه قبل كده.
جربه وماتحطش فى العربيه ديه حاجه غير اليابانى.وهتعرف الفرق.

---

ما أنا سحبت هوا أكتر من مره .... هي ايه العربية مدمنه هوا
كل مره أقول اتحسنت و أرجع أمشي و موقف يحصل كده و هوب مافيش فرامل برضه
أنا اتخنأت و المشكلة ان التيل اللى في العربية أصلي بتاع بلادها و نوعو nbk و ده ياباني بتاع بلادها و بحالته عشان أنا مامشيتش عليه غير 30 ألف كم بس و مليان لحمية
بس بتاع قطع الغيار لما رحت ليه قالي طالما المشكلة كده متغيرش التيل و صنفره هتلاقيه ناعم
مش فاهم حاجه

موضوع مفيد جدا

انا عندى مشكلة بس مش قوى يعنى وهى ان الفرامل بتصفر وروحت أرصص قبل كدا فصاحبى بص على التيل وقالى انو بيخلص خلاص

فناوى اغير ان اء الله

وواضح من المشاراكات ان ybk افضل حاجة فهاتوكل على الله واجيبة

لو حد عندو فكرة عن نوع افضل ياريت يشارك :satelite:

أنا حصلهلى نفس المشكلة دى دلوقتى لدرجة أن الفرامل ما أسعفتنيش و أنا على 60 كيلو لما فرملت فجأة هدت العربية لكن ما وقفتش لدرجة أنى خبطت فى اكسدام الربع نقل اللى قدامى و طبعا أنا اللى اتبهدلت . رحت لكذا واحد غيرت التيل وكل اللى شاف التيل سواء أمامى أو خلفى قالى تمام . بس أخر واحد بغد ما سحب الهوا من الأربع عجل سمع ذى صوت صرخة خفيفة كل ما أدوس جامد على البدال و قالى ده عيب فى سيرفو الفرامل يمكن يكون فى خرم بينفس و قالى اما أغيره أو أروح لواحد دلنى عليه بيعرف يفكه و يصلحة .....!!؟ ايه رأيكو بقى فى الكلام ده.

اقتباس:

---

المشاركة الأصلية كتبت بواسطة hazem_hiza

أنا حصلهلى نفس المشكلة دى دلوقتى لدرجة أن الفرامل ما أسعفتنيش و أنا على 60 كيلو لما فرملت فجأة هدت العربية لكن ما وقفتش لدرجة أنى خبطت فى اكسدام الربع نقل اللى قدامى و طبعا أنا اللى اتبهدلت . رحت لكذا واحد غيرت التيل وكل اللى شاف التيل سواء أمامى أو خلفى قالى تمام . بس أخر واحد بغد ما سحب الهوا من الأربع عجل سمع ذى صوت صرخة خفيفة كل ما أدوس جامد على البدال و قالى ده عيب فى سيرفو الفرامل يمكن يكون فى خرم بينفس و قالى اما أغيره أو أروح لواحد دلنى عليه بيعرف يفكه و يصلحة .....!!؟ ايه رأيكو بقى فى الكلام ده.

---

I agree with you, this may be the Brake Booster