الموضوع: اخيراً صور الشنطه

الله ينور يا كبيررررر

ربنا يخليكو
بس محدش عايز تفاصيل

طيب انا هادى شوية تفاصيل
1. مفتاح الانكية نجمه 5- 6 بس يكون جامد عشان تفك الكالون بتاع الشنطه
2. مكان المكنه اللى فى الصورة ده انسب مكان لعدة اسباب اهمها انه ما يوقفش حركة الكالون الأصلى من المفتاح لأى سبب
3. فردة الأرضى احسن مكان ليها فى مسمار المكنة مباشر عشام للأسف لما طولت السلك الأرضى ضعف و كانت بتعلق و تفتح على مرتين مش من دوسه واحده
4. خللى بالك من حاجة مهمه و انت بتركب ان المكنه تشتغل شفط مش كبس يعنى تشد لجوه مش تدفع لبره و ده تقدر تعرفه من تجربة المكنه على اى حاجة شغاله 12 فولت او على بطارية العربية
5. و انت بتركب خللى بالك ان شداد المكنه اللى عليه الكاوتش السوسته لبره عشان تعلى عزم الشد فى المرة الواحده
6. تقصر حديده الشد الموجوده مع المكنه اللى حوالى 8 سم عشان تظبط الطول
7. استخدم سلك كهرباء 3 مم السويدى افضل حاجة و شد و اربطه كويس قوى و لف عليه شريط لحام عشان ميفكش و ده من ناحية الكالون
8. اياك و تغذية الكهرباء من اى حته من الشنطه و هات سلك نضيف عشان متتعبش معاه و ما يعملش قفله فى السكه لأى سبب و خللى تغذية الكهربا دايماً من عند الفيوز اللى مصوره
9. هات اصغر زرار ممكن تجيبه اللى انا مركبة ده زرار الطوارئ اللى جاى مع جهاز الأنذار الوولف و شكله مش بطال
10 . هات سلك بزياده يعنى هات 10 متر سلك و لو تعرف تجيب سلك سماعات اصلى بتاع البايونيير او السونى يبقى تحفة و زى الفل عن نفسى انا استعملت الأسلاك اللى كانت جاية مع جهاز الأنذار
11. انت لو عندك جهاز انذار ممكن توصل فرده من اللى جاى قبل ما توصل الزرار على الفرده السوداء فى جهاز الأنذار اللى مكتوب عليها فتح الشنطه بس فى الحالة دى ههتضطر تركب كتاوت 3 رجل فى الشنطه ورا بعد المكنة عشان تحمى جهاز الأنذار و ساعتها ممكن تفتحه ريموت او بالزرار
12. تكلفة العملية
- مكنة سنتر تايوانى فى علبة حمرا كامله بالشداد 20 جنيه و فيه الوولف و دى فيها ميزه ان الدراع بيلف 360 درجة بس هى قليله
-زرار صغير و ده بيتراوح من 2 جنيه لغاية 7 جنيه لو حاجة نضيفه
- 10 متر سللك نضيف بيعمل 1.25 جنيه المتر يعنى 12.5 بحد اقصى
- 8 كلبسات بالأغطية بتاعتها نحاس ب 75 قرش
- فيوز بطرفين على قاعده بيعمل 2 جنيه
- شريط لحام يابانى او امريكى ثرى ام
يعنى التكلفة الأجمالية اول عن اخر 35 جنيه لو جبت انضف حاجة