السلام عليكم ورحمه الله وبركاته ..
معلش يا جماعه اخوكو اسكندرانى ومعلوماتى فى القاهره فى السكك على قدى خاااااااااالص
عايز اعرف ايه الطريق المؤدى للتوفيقيه من التحرير ؟؟
وياترى فى حد بيبيع مساعدين كونى ومونرو فى التوفيقيه ؟؟؟؟؟؟
متشكر يا جماعه ويارب القى رد بسرعه احسن كلها كام ساعه ومسافر
اقتباس:
المشاركة الأصلية كتبت بواسطة a7mode
بس يا احمد انا مرحتش التوفقية دى قبل كدة ولكن واحد من العضاء هنا كان شرح مكانها وهى قدام ستنرال رمسيس وحضرتك عشان توصل هناك او ما تبقى فى ميدان التحرير اسئل اى حد على الطريق الى ها تمشى منة انا عارفة بس مش ها اعرف لوصفهولك بس حضرتك مجرد اما تسئل اى حد هيشاورك على طلعة كوبرى اكتوبر عشان هناك فى كذا واحدة المهم او ما تنزل من الكوبرى ها تمشى بتاع 100 متر كدة ولا حاجة وتكون وصلت بالسلامة
اصل انت يا باشا مش فاهم اللى بيحصل ههههههههههههه انا من اسبوعين كدا كنت فى المعادى وعايز اروح مدينه نصر كان فيه عربيه جمبى ملاكى جيزه قولت اسألو اعمل ايه ولما سألتو لقيت اغرب رد سمعتو فى حياتى ............>>> والله يا باشا انا زيى زيك <<< هههههههههههههههه مبقتش عارف اقولو ايه بصراحه كنت عايز اقولو خلاص شيل نمر الجيزه بتاعتك دى وحط اى بلد تانيه ههههههههههههههههههههههههه بلد عايزه خريطه بجد
شكرآ يا باشا لانك حاولت تساعدنى وربنا يسهل والقى سواق تاكسى ابن حلال يدلنى والله انا بفكر اصلا اركن عربيتى فى التحرير واروح اركب تاكس للتوفيقيه ومنها اركب تانى للتحرير واريح دماغى من وجع القلب دا
لو انت رايح التحرير من المهندسين يبقى هتاخد كوبري اكتوبر
وبلاش تنزل نزلة التحرير
انزل النزلة اللي بعدها على طول بتاعة رمسيس
أول ماتنزل منزل الكوبري اركن عربيتك في أي حتة
وخش أول يمين أو تاني يمين على رجلك
هاتلاقي الناس فارشة عالارض ومحلات بالعبيط كلهم اكسسوارات مبروك بقيت في التوفيقية !!!
===========================
لو الوصفة اللي فاتت دي صعبة عليك
روح ميدان التحرير زي مانت متعود تروح
لف الصينية بتاعة الميدان لحد ما يبقا مجمع التحرير في ضهرك
وامشي على طول
هاتلاقي تقاطع فيه إشارة - سيبك منه
هاتلاقي إشارة تانية وفيها اتجاهين
يمين رمسيس - شمال ميدان عبد المنعم رياض ومطالع كوبري اكتوبر
هاتخش يمين على اتجاه رمسيس
هاتلاقي نفسك ماشي وجنبك منزل الكوبري اللي قلتلك عليه فوق
أول ما المنزل يخلص اركن عربيتك
وخش أول أو تاني يمين على رجلك ومبروك برضه بقيت في التوفيقية
===========================
لو الكلام اللي فوق ده كله ماعجبكش
من ميدان التحرير اسأل أي حد على اتجاه رمسيس
ولما تلاقي على يمينك منزل كوبري - اركن عربيتك
وخش أول أو تاني يمين بعد المنزل مباشرة
خد بالك لو دخلت التوفيقية بالعربية مش هاتعرف تقف في حتة وهاتلاقي نفسك طلعت غصب عنك وتضطر تلف لفة كبيرة أوي عشان ترجع تدخلها تاني
لأن شوارع التوفيقية للمرور فقط ومافيهاش أي مكان للانتظار بسبب الباعة والمحلات اللي بيفرشوا بضاعتهم جوة المحلات وبرة المحلات وعالرصيف وفي الشارع وحتى بقا فيه منهم بيعلق بضاعته فوق الشجر !!!!!!!!! ربنا يعينك عالمشوار ده ...
لو ازنقت
خد المترو
وانزل الاسعاف- جمال عبد الناصر وامشى شوية -
ولو رحت بالعربية
ممكن تلاقى ركنة عند الاسعاف او عند نقابة المهندسين الناحية التانية
بس ده نظام الركنة الللى بالكارت
او ادخل اول ش رمسيس
هتلاقى بارك واسع على الشمال
اركن فيه
اول ساعة 2.5
كل ساعة او كسر بعد كدة 1.5
وهتلاقى منزل الكوبرى هناك فيه ميكروباصات وتاكسيات بتروح التوفيقية كتير
بص يا باشا لو انت قادم من اتجاه المهندسين على كوبرى 6 اكتوبر هتنزل من نزلة شارع رمسيس بعد نزلة التحرير مابشرة اول ما هتنزل حاول تركن فى اى حته لأن التوفيقيه بعد نزلة الكوبرى بحوالى 300 متر بعد اشارة شارع 26 يوليو مباشرة امام سنترال رمسيس وعموماً لو تهت او مش عارف توصل او نزلت نزله غلط فى كل الأحوال اسأل اى حد فين سنترال رمسيس هيوصفولك اما بانسبه للمساعدين المنرو اسأل على هشام لهيطه ده موزع معتمد لشركة منرو لجميع اجزاء التعليق
الف شكر يا جماعه وانا اشتريت دماغى من كل دا وركنت فى التحرير وركبت تاكس للتوفيقيه .. وللأسف ملقتش مساعدين كونى هناك لفيتها حته حته وملقتش ياترى بقى القيهم فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
مساعدين كونى تلاقيهم فى مدينة نصر عند أرابكوم
دى نمرة واحد شغال هناك ممكن تكلمه و تسأله.........تقريباً كان أسمه ممدوح 0101818328
معلش مشفتش الموضوع غير دلوقتى