لو معاك تمنهم تجيب إيه ؟؟ الفيات برافو ولا السيات ليون ... وليه وهو ده الأهم ؟؟
وطبعا حضراتكوا عارفين إنهم من أقوى السيارات الشبابيه وأنجحها إنتشارآ في منطقة الشرق الأوسط وأوروبا وكمان تقاربهم في فئه سعرية واحده .
عرض للطباعة
لو معاك تمنهم تجيب إيه ؟؟ الفيات برافو ولا السيات ليون ... وليه وهو ده الأهم ؟؟
وطبعا حضراتكوا عارفين إنهم من أقوى السيارات الشبابيه وأنجحها إنتشارآ في منطقة الشرق الأوسط وأوروبا وكمان تقاربهم في فئه سعرية واحده .
bravoooooooooooooooooooooooooooooooooooooooooooooo ooooooooooooooooooooooooooooo
لو حابب الجري و الحرق و في نفس الوقت شياكه و شكل جديد يبقي البرافو
لكن لو محتاج الشايكه و الفخامه و الوسععععع الداخلي يبقي الليون بس طبعا تسارع اقل من البرافو
بالنسبة ليا انا حابب الليون اكتر و حابب كمان اختها الكبيرة الالتيا لاني مش كل وقت بيبقي متاح الجري شوارعنا مش مستحمله و حرام اجري فيها بعربيه زي البرافو لا الزحمه و لا نوعيه الاسفلت الرائع بتاعنا دة ان وجد اساسا
bravoooo
bravoo 3alekom :)
أشكركم ياجماعه على الردود الحلوه وإن شاء الله ربنا يهدينا للفيه الخير .
كلامك مظبوط ياأستاذ محمد ... بس فعلا شوفت المثل إللي بيقول "الحلو مايكملش" أهوه هو ده إللي حصل معايا لما شوفت البرافو كل حاجه عجباني بس إتصدمت لما شوفت النقطتين دولاقتباس:
المشاركة الأصلية كتبت بواسطة mohamed_momi88
الأول : موضوع الوسع الداخلي إللي حضرتك إتكلمت عليه وطبعا أنا قصدي في الكنبه إللي ورا لكن قدام كويسه
الثاني : أنا وده رأيي الشخصي إن الخامات والتقفيل جيد لكن بصراحه وبمقارنتوه بالليون أقل منها
لكن لما شوفت الليون بصراحه عجبتني جداااا وكفايه الأمان والأوبشن إللي فيها وهيا متفوقه في النقطتين السابقتين عن البرافو لكن مشكلتي إني عاوز سياره أتوماتيك ودي المشكله ...
ليه الأسبان معملوش الليون أتوماتيك برضوه مع كامل إحترامي للمانيوال وسواقتوه الرياضيه لكن في شوارعنا المحروسه والزحمه دي يبقى قول باي باي لرجلك بسبب الدبرياج .
فأرجو مساعدتي في الموضوع ده وإتخاذ القرار الأخير ...
Barvooooooooooooooooo
برااااااافو
الاسبان عملوها و كل حاجة بس مبتنزلش مصر .اقتباس:
المشاركة الأصلية كتبت بواسطة mohd_rafat
خلي بالك ان الليون مبنية على شاسيه الجولف 5 و طرحت سنة 2005 .. الجولف 6 طرحت و الابيزا الشكل الجديد طرحت .. يعني كلها شهور قبل ان تعلن سيات لشكل جديد كلي لليون مبني علي شاسيه الجولف الجديدة - كما ان المحرك ال 1600 المشهور بتاع فولكس .. بدا استبداله في كل السيارات بال tsi ال 1400 الجديد ده غير موضوع الفتيس .
انا معاك في نقطة الوسع الداخلي للكنبة الخلفية .. الليون مبنية علي الجولف و الجولف ملكة المساحات الداخلية !
انما موضوع الخامات ده بصراحة لآ خالص .. الليون تصميمها اقل مايقال عليه انه ممل ! و غريب و ملوش اي معنى! ده الجولف ال5 احلى يا راجل .
--
البرافو طرحت في 2007 و مش حتبدل قبل 2012 بس في احتمال facelift اخر السنة الجاية ( منتصف عمرها ) .
--
بالنسبة لموضوع الامان دي برده طلعت اوت !
البرافو حاصلة علي 5 نجوم كاملة في اختبارات الامان الاوروبية بينما الليون حاصلة علي 4 نجوم ( مش نتيجة سئية طبعا بس الفيات تتفوق )
كل سيارات فيات الحديثة مبنية على 5 نجوم في اختبارات الامان ( البرافو - الجراند بونتو - ال 500 ) و توفير بنزين و طبعا اخرص من مثيلاتها من فولكس .
و بالتالي هي صفقة رابحة جدا في راي عن الليون .
الحلو ميكملش في البلد دي فعلا
سيات ليون موجوده برا اوتو او dsg وموجود منها برضو 1.4 تيربو
سعر الليون في مصر يجيبلك برافو اوتوماتيك بس برضو مش كل الاوبشن ومش 150 هورس لا 120 ومش كامله اوبشن
لو عايز برافو بمواصفات الليون هتبقى ب 180 بس طبعا موتور برافو اعلى بكتيييييييييييير
بالنسبه للسواقه بقى انا سوقت الليون معليهاش كلام نهاائي وواسعه كمان من جوا وصباح الشياكه بس عفشه ناشفه زي كل الالماني بس مش متعبه او مرهقه بس ناشفه
البرافو بيقولوا عفشتها ناعمه شويه مع ان المواقع بتقول عفشه ناشفه سنه بس انا شوفت البرافو بتجري بصراحه تحفه 170 على اوتوستراد شيراتون وبياخد غرز بكل سلاسه بدون ادنى سنه تمايل للهيكل بتاع العربيه غرزه تتقفل عليه يكبس فرامل قويه جدا وبدون اي صوت للكاوتشات لا العربيه دي بصراحه انا بمووت فيها
وبرضو من جوا شييك جدااا جداا وليها طابع مختلف من جوا عن الليون
وانا بقول برافو برضو
انا مشكلتي الاساسيه ان العربيتين اللي داخلين دماغي لما اغير العربيه انشاء الله كمان سنتين كدة هما اللينيالو عاوز اوفر شوية و الالتيا لو قدرت اوصل لسعرها و الاتنين مفيش منهم اتوماتيك و انا مش بحب المانيوال خالص
ياريت يكون كلامكم صح و ينزلوا حاجة منهم اتوماتيك علشان فعلا انا مش مقتنع بحاجة غير الاتنين دول
و البرافو طبعاااااااااااااااا تحفة رائعه بس فعلا العبيه ضيقه علي عيله
يعني رأي حضرتك إني أنتظر الأشهر القادمه لحد ماأشوف الشكل الجديد من الليون والتعديلات فيها وبصراحه الكفة متجهه ناحية البرافو وزي لما البرافو أول مانزلت ماكنشي فيها أتوماتيك إلا في مطلع عام 2009 .اقتباس:
المشاركة الأصلية كتبت بواسطة cryptonx
يامين يخرجنا بره القفص إللي إحنا فيه ده بس ياأخ حماده الوكلاء هما بيعملوا فينا إللي عاوزينوه يلا إن شاء الله في 2020 لما الجمارك تنتهي على السيارات الأروبيه وقتها ممكن الشعب ده يركب سيارات نظيفه فعلا وفيها عوامل أمان على الأقل ، فعلا البرافو أي حد ممكن يغرم بيها لو فهمها صح وممكن الواحد يتغاضى عن موضوع ضيق الكنبه ده لأن بصراحه السياره دي مظلومه هنا بجد .اقتباس:
المشاركة الأصلية كتبت بواسطة حماده المصري
البرافو افضل لن توكيلها يعتبر كويس على حد قول الأعضاء اللى جابوه فيات وهورس باور أعلى وتقفيل ايطالى اما السيات دى توكيل تعبان عورس باور اقل بتنزل مانيوال وموتور تعبان طحن عليها لو كانت نزلت ب1400 tsi كنت اقولك ليون من غير تردد بس الفيت أمان فخليك فى الفيات وفى عضو هنا جاب البرافو اسمه ياسر لويدخل وهو يفيدك بكل حاجة
لو عايز تعرف اى حاجة عن البرافو انا تحت امرك
في كلام مش مظبوط يا جماعة
اولا الوسع بتاع الكنبة الللي ورا عشان ده على حساب الشنطة اللي هي اكبر شنطة فكل الهاتش باك الموجود اساسا 400لتر
ثانيا تمن السيات ليون تجيبلك برافو فول اوبشنز143الف
هي بس السيات ممكن تزيد عن البرافو فتحة سقف وesp وtcs غير كده نفس الأوبشنز بس أحلى حاجة في البرافو انها مش محتاجة تليين تاخدها من التوكيل عالصحراوي على طول
والله اعلم
انا معايا البرافو 120 حصان تربو
و عايز اقوللك ان العربية ماهاش حل بجد و كنت هجيب 150 حصان بس انا كنت عايز اوتو بس عن تجربة العربية تحفة فى كل حاجة
اخبار الوسع معاك إيه وهي فعلا فيها voice commandes?
,وسؤال تاني معلش هي فيها esp ولا لأ
آسف على كتر الأسئلة
مش ضيقة اوى يعنى مريحة الى حد ما و فيها voice commands
بس esp fe 150 hosan
and eco drive
انا كنت عايز منك خدمة في موضوع كنت هعملة في قسم الفيات وكنت عايز تعليقك
fiat bravooooooooooooooooo faster,more safe,stronger engine,more economic,btter looking &best of all it is a fiat
انامعاك جدا في الكلام ده :satelite: و شايف إن الليون من جوه تعبانة قوي و التابلو خامته وحشة جدا بلاستيك تعبان قوي يعني وحتى غير الخامة شكله نفسه مش قوي انما البرافو الصراحة من جوه تحفة وانا شايفة أنضف بكتير قوي من ال ليون وخاماتها أنضف مليون مرة وبصراحة من أحلى العربيات اللي بتعجبني من جوه :wink::B4_048:اقتباس:
المشاركة الأصلية كتبت بواسطة CryptonX
الليون طبعا تكسب
اولا تقفيل الليون افضل كثير من البرافو
البرافو معظم الخامات بلاستيك من عند الهلال والنجمه الذهبيه ... والخامات رديئه جدا جدا
وفيه عيوب صارخه فى التقفيل ...مذكوره فى مواضيع كثير فى منتدى فيات لحد الوقت
لكن تقفيل الليون وده شىء معروف افضل من البرافو كثير
خصوصا فى استخدام الجلد فى التابلوه وحاجات تانيه كتير
اضافه الى عيب ضعف الاضاءه والفوانيس فى عربيات فيات وده عيب مش قادره تصلحه فيات
اضافه الى ان تصميم الليون افضل كثير واكثر عصريه
واوسع من جوه ...من البرافو
اضافه الى كل ذلك افضل من البرافو فى الاوبشن
فتحة السقف .. وال esp (ثبات الكترونى )
وده مش موجود فى البرافو ....120
يعنى كل النقاط فى صالح الليون
البرافو لاتتفوق فقط الا فى قوة الموتور ... بس ده مش ميزه فى مصر لان مفيش شارع فى مصر
يستاهل الجرى عليه ....ومش هنجيب عربيه عشان ندخل بيها سباقات سرعه
وبالنسبه للاخ اللى بيقول الليون هتتغير وانها من 2005
احب اصلحله معلومه ان الليون 2005 ده شكل تانى
وان الشكل الجديد الحالى اتعمل فى 2007
وادامنا لحد 2012 أو 2013
لحد امايغيرو فيها تغييرات جوهريه زى مابتقول
اضافه الى كل ماسبق ان سيات المانى ....وتوكيلها اكثر خبره واكثر احتراما فى التعامل
من توكيل فيات اللى هو اوماترا اللى مش مهتم بتاتا بتسويق عربياته
بدليل التخفيض الاخير على اللينيا 25 الف ج .. وبردو مفيش حد بيشترى
http://www.arab7.com/up/file/1148511439221.jpgوده موضوع منقول عن الاخ ILLavm >من منتدى فيات
ناقله عن الاخ Etsh
يوضح عيوب البرافو ) : وعلى فكره الاخ Etsh جاب ليون فى النهايه ...
وياريت محدش يخش يقول اى كلام وخلاص وهو اصلا مركبش ولا شافش ولا جربش ....
زى الاخ اللى بيقول تقفيل الليون بخامات رديئه ::: هههه... ولا تصميمها ممل ..... هههههه
احلى نكته سمعتها دى لحد الوقتى .. فعلا اللى يلف المنتديات ياما يشوف ويسمع
أعزائى أحباء البرافو ...مؤكد أن العديد منكم قد سمع منى مؤخراً عن ولعى الشديد لهذه السيارة القاتلة ......و التى إستشرت العديد منكم قبل أن أقدم على شرائها....وتقدم العديد منكم بالنصح الغالى القيم الذى أفادنى....ولما أشار أحد الأعضاء بعبارة لطيفة جذبتنى و هلى أن شراء السيارة مثل الزواج....يجب أن تتبع قلبك... فقد فعلت و أدى الحكاية لما نزلت عشان أشتريها.
صباح جميل مشرق ...أستيقظت و كلى تفائل و أمل و بسمة لطيفة على غيلر العادة أستقبلت بها زوجتى صباحاً لترتسم على وجهها علامات الإستغراب و أنا أدرك أنها تشعر داخلياً و كأنى سأتزوج بأخرى ....فاتقول داخل نفسها فى صمت "الواد أتجنن و أتهبل" ....قلت طظ إتهبلت مش مشكلة اليوم سوف أقترن بمحبوبتى و أشبكها بمبلغ ليس بالهين "149.000" جنيها لبسنا و كنا واخدين اليوم أجازة و إصطحبنا أبنتى الصغيرة جوجو و أنا بقلها .... باب النهاردة هايجيب عربية جديدة لجوجو...... توجهنا بسيارة زوجتى "بونتو برضة" ما أهو أنا باموت فى الإيطالى و كان عندى برافا و بعتها و أنا ببكى بالدموع عليها.....المهم.....توجهنا لفرع أوماتر بالدقى ....ركنت فى مكان "no parking" قلت طظ المهم أنا عاوز أطير و أجبها هو أنا لسه هادور على ركنه....مش مشكلة نبقى نبقشش على الأمين و أهى هاتمشى و أهى بركة البرافو......دخلنا وكانت القاتلة ذات ال 150 حصان واقفة ممممممم عروسة بس معلش يا بنت مهرك تقيل عليا المرة دى و مش مشكلة ما إحنا هانكون نسايب برضة هاخد أختك......توجهت للمسئول العارض و اللى بقى حافظنى وعينى متعلقة بالجميلة ذات اللون البتروللى ....عروستى اللى مستنبة أدفع مهرها.....قبل ما أنطق بكلمة مع الراجل جذبتى زوجتى من زراعى و قالت لى ما تبص عليها من جوة كمان مرة......فوقتنى من الحلم ربنا يسمحها ...بس بعد كدة داعيت لها بصراحة و هاقولكم لية ...المهم قلتلها ماشى يا ستى ..توجهت لحبيبتى و نظرات الغيرة مشتعلة فى عين زوجتى....وقد أغلقت عينى عن لونها البترولى مكانش هوا اللى فى نفسى بصراحة كان نفسى فى فستنها الأسود أو الرمادى بس ده معناه أنى أستنى 3 أسابيع و أنا مش هاقدر ...المتاح الأن هوا اللون ده ...قلت مش مشكلة برده اللون البترولى ده جديد و مش وحش ....المهم....فتحت الباب و دخلت زوجتى من الجهه الأخرى ....و لسة بشم عبيرها الجميل مراتى قالتلى بص بقى على كل فاتفوته فيها و التقفيل كويس ...إحنا هانشترى دلوقتى و مش عايزين حاجة نشوفها بعد كدة منكونش شوفناها.......كلمها بصراحة فوقنى من حلم ليلة عرسى...وقلت ماشى عندك حق و بدات عينى تتفحص السيارة التى كنت أعتقد أنى أعلم كل كبيرة و صغيرة فيها ...............و كانت الصدمة ...............بدأت عينى ترى بعض الأشاء و العيوب التى لم أدركها من قبل و كأن الفلوس بتلعب فى دماغى و بتقوللى أنا مش هادفع مهر عروسة باللوشى و أليكم بكل أمانة ما رأيت ولاحظت
1- قطعة الكونسول الأمامى و بالأخص الجزء السفلى الذى يشمل الشاشة الديجيتال للتحكم بالتكييف و خلافة كانت البيانات و الرسومات الدالة بتظهر عاليها بشكل عفش أوى ؟؟؟؟؟؟أيه ده أصل أنا عمرى ما دورت العربية قبل كدة ....قلت ماشى يمكن عشان انا جرافيك ديزينر بتلكك و مش بيعجبنى العجب ...بس بردة لاحظت إن زراير التكييف و قوة المروحة يمين و شمال مصنعة بشكل ردىء و مهتز جداً حاسس إن بعد كام دوسه أكيد حاجة من الزراير دى هاتقع و الزراير مهزوزة كدة و مش ثابت فى مكنها ؟؟؟؟؟؟؟ يا نهار إسود أيه القرف دة......قلت طيب ماشى مش مشكلة رغم أنى حاسس أن ذى ما يكون فى حد بيفوقنى من حلم جميل و أنا مش عاوز أفوق
2- نظرة قصيرة على القاعدة الفضية الجميلة التى تحتوى على المانيول و الأوتوماتيك و يرتكز عليها عص الفتيس.......اللى كان نفسى أروح خلعو من مكانو و أنزل بيه فوق دماغ مدير صالة العرض لما سألته الأتى.....
أنا: أيه ده هى القاعدة ليه مش ثابته كدة و بتتهز يمين و شمال ....للأمانة الإهتزاز كان طفيف نتيجت فراغ حول القاعدة نفسها .
مدير الصالة: أه ده طبيع أصل بص حضرتك فى نور بينور فى الفراغ اللى أنت شايفو حول القاعدة فى الضلمة.
أنا: "مستنكراً و بغيظ "http://www.masrmotors.com/vb/images/.../019F3B~14.gif......الله طب ده مالو و مال أن القاعدة تكون ثابتة....دة لو حد مد صباعو أسفل القاعدة و شد لفوق ممكن تتكسر
مدير الصالة: لا مش أوى كدة
أنا: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ "بداخل نفسى" ماشى فوت مش قضية يعنى هو أيه اللى ممكن يحصل يعنى
المهم سبت الموضوع دة و بدأت أفتش بقى عل إستحياء لانى حاسس أنى بجرح حبيبتى و بكشف اسرارها......نظرة خاطفة على الطارة الفول كنترول و أبص الاقى ......أيه دة هى الكلمس الذى يحمل هذه العلامة العريقة دى مدهون وللا اية .......أيوا الله بس ال 150 حصان مش كدة.......جريت عاليها لقيتها فعلا مش كدة .......جريت عل الأخت الصغرى اللى مهرها أرخص 135.000 برضة مش كدة ..................لااااااااااااااا إنت يا عم يا مدير الصالة.....هى الطارة و الكلاكس لونهم كدة ليييييييييييييييييييييييي ه......رد كان أكثر من مستفز......."أصلها متلمعة"؟؟؟؟؟؟؟؟http://www.masrmotors.com/vb/images/smilies/brn.gif...و كأن اللى واقف قدامة حمار مش عارف سبب اللمعان المقرف للكلاكس فى الطارة دة سببو التنظيف أم خامة و لا كأنها ف 128 "مع الإعتذار لملاك 128" ....لأطبعا دى خامة تانية خالص و معفنة......المهم إبتديت أنهار و الله العظيم كنت حاسس أن فى حد بيموت حلم جميل نفسى أحققة و مكانش قدامى إلا أنى نفسى أمسك فى زمارة رقبة مدير الصالة ......المهم أغمضت عينى و تناسيت كل ما رأيت و قلت ماشى متنساش إنك هاتكون راكب وحش و هيئة من برة و منظ و برستيج ...اللى جوة هاتتعود عالية و تنساة
3- رجعت للكنبة اللى ورا و قلت لما أشوف القعدة ......ممممممممم أية الزنقة دىhttp://www.masrmotors.com/vb/images/..._12[1].gif انا حاسس أنى قاعد على تختة فى مدرسة حكومة .....مش عارف أودى رجلى فين ...مطرح ما إطحطوا زاوية 90 مخشبة مش عارف أريح رجلى ؟؟؟؟؟؟!!!!!!!!!! بس طبعاً عرفت السبب ...دة كلة لحساب زيادة السعة اليترية للشنطة اللى هية 400 ليتر .....فايخشبوا رجل اللى قاعد ورا ياعينى .............المهم قلت و مالو يعنى أنا كل يوم الناس بتركب معايا ورا ...دى هى جوجو و أهى تتظفلط ما بين الكرس و الكنبة و تلعب إستغماية...........بس قبل ما أسيب مكانى ورا عينى لمحة مصيبة تانية؟؟؟؟؟؟؟؟؟ المسند ما بين الكرسيين الأمامين بلاتيك محض بمعن الكلمة فقط قمة غطاء المسند مجلدة بالقطيف لكن أنا لمحت البلاستيك فى مكونات باقى الأجزاء و كان منيل بستين يلة فوق دماغ الطلينة عشان يعملو عاروسة ذى دى و فالنهاية يلبسوها غويشة كان ممكن مايلبسوهلهاش أصلا من بلاستيك الهلال و النجمة لدرجة أن البلستيك فى بعض الأجزاء غير محكم الصنع وفى أطراف بارزة غير متساوية
4- طلعت قدام و حركت الكرسى جميل مريح و الأذرع المحركة لطيفة....طيب طلع نزل ....زى الفل .....قدم رجع....برضو تحفة سلس و هادى ....طب أرجع ظهر الكرس أصل أنا أحب أسوق مجعوص لموأخذة.....أية دة فين البكرة ...........مممممممممم مفيش مش ممكن........http://www.masrmotors.com/vb/images/...1_7[1].gifيادى النيلة البكرة فى منطقة ضيقة جداً بين الكرسى و مسند الأذرع الأوسط .....طيب قدام شوية ....مفيش فايدة لازم ترجع الكرسى بالكامل للأمام أو للخلف و تظبط الظهلر و بعدين تطلع الكرسى لوضعوا تانى؟؟؟؟؟؟؟؟؟؟؟؟؟؟؟؟؟؟؟؟؟
الحلم إبتدى يقلب على كابوس هذه المهر الجميل ......فاتنة الجمال و السرع الصاروخية......بوصة لبسة عروسة ولا أية ...المهم أن و الله مرات حسيت أنى بقيت مهموم و أبتديت تهدينى و تقللى مش مشكلة متحبكهاش دى كلها رفايع........أية .....رفايع إذى يعنى أنا ماشوفتش الحجات و الهبل ده فى عربيات أرخص من كدة بكتير...........المهم أخذت نفس عميق ....http://www.masrmotors.com/vb/images/...125935~148.gifهدأت نفسى و قلت يمكن أنا الفلوس وكلانى و بتلكك....و كنت عارف أنى بكدب على نفسى لأنى هاموت على العربية .....بس مش كدة بقى ........ماشى مش مشكلة بس طالما هاغمض عينى عن كل اللى أنا شايفو ....ياللا بق نكمل عشان أعرف هاغمض عينى عن أية بظبط...نكمل
5-بصراحة التبلون تحفة و الكربون الكاروهات و كلمت النيكا لبرافو على يمين السواق مدية العربية شكل سبورتيف تحفة بس كل دة ممنعنيش إنى أجرب حاجة أنا شوفت فيها المر مع فيات ......عل غفلة رحت مدور العربية........http://www.masrmotors.com/vb/images/smilies/smileW4.gif طبعاً مدير الصلة إتفزع ........بس أنا بصيت لة بعند .....عاوز أية يا كابتن هانتخانق و اللا أية هو أنا مش هاشترى دى... و الفلوس متلقحة عندك على التابيز و هادفع و إنت هاتهبش عمولة من البيعة..... انا عاوز أدور العربية بق...........بصراحة صوت الموتور حاجة تشرح القلب ...بس أنا مدورتش العربية عشان كدةhttp://www.masrmotors.com/vb/images/...12BF86~159.gif لكن عشان حاجة تانية خالص......العربية كان وشها للحيط بينى و بين الحيطة قد 3 4 متر كدة ...... و رحت منور النور....إحنا كنا العصر بس العربية فى حته مضلمة شوية....و كان ما أخشاة...............يادى النيلة برضة .....هما الطلينة مش ناويين يتقندلوا و يطور المشكلة دى......البرافا كانت كدة و البونتو بتاعت مراتى كدة..........و كل الناس برة و فى الخليج قلولى كدة و أنا قلت مش ممكن أكيد حلو المشكلة دى..................................النور يا جماعة و لا كأنك نورت نور العربية......زفت و مقندل و دى أبرز عيب شوفتو فى فيات ..إضاءة المصابيح سيئة جدا يعنى يادوب لو فى مطب على بعد 10 متر هاتلبس لأنك مش هاتلحق تفرمل .......ويما أنا قاسيت منو فى البرافا..........و إتضح إن الناس برة بتتكلم بجد
طفيت العربية و طفت معاها النار اللى كانت مشعلله حبها جوه قلبى ....و نزلت من العربية و الله هاعيط...........وحسيت بيد بتهزنى و تقولى أيه فى أيه.........لقيت مراتى بتقولى فى أيه.....كان ردى واضح و صريح..............حبيبتى أنا مش ممكن أجيبلك ضرة......خصوصا لو كانت هتنغص عليا أنا عشتى مش عشتك..............بصيت لمدير الصلة ....بصلى مبتسم و كأن الصفقة تمت و فى حمار تانى هتيشترى البردعة.....توجهت اليه ....سحبت شنطة الفلوس ....بصلى مستغرب....كان ردى فى كلمتين.................مش عربيتى....قالى خير ...قلتلة معلش أنا أعتقد أنى هافكر فى ال 150 حصان "بكدب طبعا" وده يخلينى أستنى شوية لأنى مش جاهز.....................أديته ظهرى و مشيت و مراتى ورايا و جوجو .....تصرخ بابى أنت قولتلى هاتجيبلى عربية....بصيت لها بحنية و قلتلها أه يا جوجو بس أنا هاجيبلك عربية أحلى عشان دى مش بتنور و هيا ماشي http://www.masrmotors.com/vb/images/smilies/frown.gif و ألقيت نظرة أخيرة هيا نظرة وداع و خرجت و عينى مازالت تتابع العائلة اللى كنت هانسبها من فاترينة العرض و قلبى بيقولى بطل تلاكيك أمال لو شوفت الكورى هاتعمل أية....و نفسى أرجع بس عقلى و ذكريات ما رايت شريط رعب بيعدى قصادى.....صحتنى مراتى من كابوسى ..........أيه انت خرجت ليه....كانت نظرتى خير جواب ...أه و الله ....فهمت من غير ما أقول كلمة و قالت لى ....اممممممممأنت نويت ماتجبهاش مش كدة ...فى حاجة ماعجبتكش.......كان جوابى ربنا مش كتبلى فيها نصيب....و أنا مش مستريح للجوازة دى .................قالتلى جوازة ....................امممممممممممم "منك لله ياللى كنت السبب" ...قالتلها قصدى الشروة دى..........أصطدمت بالأمين ....قالى كدا مخالف و شوفتو بيكتب النمرة ......قالت له أخدتها .....يالا بالسلامة.
وركبت البونتو و إنطلقنا
ودى كانت نهاية قصطى مع البرافو....لكن فى النهاية مراعة لضميرى و ولائى الشديد للصناعة الإيطالية ....متأكد تمام التأكد أنها سيارة لا غبار عليها كاقوة موتور و عفشة .....الخ...و يمكن بعض الناس يقولوا أن كلامى دة تلفة و مالقاش فى الورد عيب قال له يا أحم الخدين..........بس أنا بقول أن اللى يدفع 150.000 فى عربيى لاهى سيدان و لاهى ليها بيعة في يوم من الأيام عن تجربتى للبرافا اللى جبتها ب 95000 و بعتها ب 35000 و بطلوع الروح هايفهم ليه أنا ماجبتش العربية دى
و مازال للقصة بقية لأنى مش عارف هاجيب أية دلوقتى...أشوفكم بق لما أكون جبت و دة بمشيئة الله لازم يكون الأسبوع دة عشان أنا أطمرمط فى التكسة.
النصيحة الأخيرة ...البرافا سيارة هايشتريها 2 شخص
1- بابا أو ماما هايجبوهلو و يفرح و يطنطط بيها عشان كمان سنة ولا 2 هايجبولو غيرها
2- واحد هايجبها و هايلبسه بقيت عمره و هايجبها عشان الشد و الفرك بس و مش هايهتم بالمتعة الداخلية ...فامش هاتعمر معاة
الكلمة الأخيرة.........جنان بجد
أنا رغم كل دة ممكن أنزل أجبها و اللى يحصل يحصل و أغمض عينى عن كل اللى أنا شوفتو و كفاية أنزل الصبح أشوفها بتضحكللى بوشها الكشر اللى هو فى نظرى وحش جميل مبتسم دة...لأنى مازلت بقول لا يعلى على هذة السيارة فى فئتها
النهـــــــــــــــــــــ ــــــــــــاية.......... اللى هاتكون ليها بداية كد كلاى الماضى
أنا رأي بصراحه لو حطينا أوجه للمقارنه هتكون كالاتي...
-قوة موتور: برافو
-ثبات: متساويين في رأي
-شكل خارجي: ليون (أذواق)
-شكل داخلي: ليون (أذواق)
-جودة خامات: ليون
-راحة القياده: أعتقد ليون
-التجهيزات: متساويين تقريبا
انها الليون يا أستاذي...
ده رأي بصراحه, و لو سيات نزلوا الليون بالموتور tsi مع الـdsg, يبقى كل سنه و انت طيب...
أنا عارف ان سيات هي واجهة فولكس فاجن الرياضيه, بس الكلام ده وارد جدااا
+1111111111اقتباس:
المشاركة الأصلية كتبت بواسطة ghazy12
2ele mesh rekab 2el barvo w garbha ya reeeeeeeeeeeeeeeeeet mesh yetkalem
صراحة انا ركبت الاتنين
صراحة الاتنين تحفة من جوه و كل واحدة ليها طعم مختلف تماما
الليون من بره شكلها رياضي اه بس من جوه تحس انك قاعد مستريح و مأنتخ على عكس البرافو لما دخلتها حسيت اني عايز اطير بيها (حسستني بالقوة اللى فيها بجد)
انا مقدرش اعايب في اي عربية منهم لانهم الاتنين تحفة فنية و هما الاتنين متقاربين من بعض في حاجات كتير
انا بعشق الفيات و متحيز للفيات اكتر اه و لو قدامي الاختيار هختار البرافو
بس مش معنى اني متحيز يبقى اشتم في العربيات التانية
الفيات و السيات شكرتين محترمتين من زمان و الناس بتحترمهم و انا لا احتقر سوى الصيني مع احترامي لملاك الصيني
شوف انت حابب ايه و هاته لانها جواز فعلا :)