اقتباس المشاركة الأصلية كتبت بواسطة mohd_rafat مشاهدة المشاركة
أشكركم ياجماعه على الردود الحلوه وإن شاء الله ربنا يهدينا للفيه الخير .

كلامك مظبوط ياأستاذ محمد ... بس فعلا شوفت المثل إللي بيقول "الحلو مايكملش" أهوه هو ده إللي حصل معايا لما شوفت البرافو كل حاجه عجباني بس إتصدمت لما شوفت النقطتين دول
الأول : موضوع الوسع الداخلي إللي حضرتك إتكلمت عليه وطبعا أنا قصدي في الكنبه إللي ورا لكن قدام كويسه
الثاني : أنا وده رأيي الشخصي إن الخامات والتقفيل جيد لكن بصراحه وبمقارنتوه بالليون أقل منها
لكن لما شوفت الليون بصراحه عجبتني جداااا وكفايه الأمان والأوبشن إللي فيها وهيا متفوقه في النقطتين السابقتين عن البرافو لكن مشكلتي إني عاوز سياره أتوماتيك ودي المشكله ...
ليه الأسبان معملوش الليون أتوماتيك برضوه مع كامل إحترامي للمانيوال وسواقتوه الرياضيه لكن في شوارعنا المحروسه والزحمه دي يبقى قول باي باي لرجلك بسبب الدبرياج .
فأرجو مساعدتي في الموضوع ده وإتخاذ القرار الأخير ...
الاسبان عملوها و كل حاجة بس مبتنزلش مصر .

خلي بالك ان الليون مبنية على شاسيه الجولف 5 و طرحت سنة 2005 .. الجولف 6 طرحت و الابيزا الشكل الجديد طرحت .. يعني كلها شهور قبل ان تعلن سيات لشكل جديد كلي لليون مبني علي شاسيه الجولف الجديدة - كما ان المحرك ال 1600 المشهور بتاع فولكس .. بدا استبداله في كل السيارات بال tsi ال 1400 الجديد ده غير موضوع الفتيس .

انا معاك في نقطة الوسع الداخلي للكنبة الخلفية .. الليون مبنية علي الجولف و الجولف ملكة المساحات الداخلية !

انما موضوع الخامات ده بصراحة لآ خالص .. الليون تصميمها اقل مايقال عليه انه ممل ! و غريب و ملوش اي معنى! ده الجولف ال5 احلى يا راجل .

--

البرافو طرحت في 2007 و مش حتبدل قبل 2012 بس في احتمال facelift اخر السنة الجاية ( منتصف عمرها ) .

--

بالنسبة لموضوع الامان دي برده طلعت اوت !

البرافو حاصلة علي 5 نجوم كاملة في اختبارات الامان الاوروبية بينما الليون حاصلة علي 4 نجوم ( مش نتيجة سئية طبعا بس الفيات تتفوق )

كل سيارات فيات الحديثة مبنية على 5 نجوم في اختبارات الامان ( البرافو - الجراند بونتو - ال 500 ) و توفير بنزين و طبعا اخرص من مثيلاتها من فولكس .

و بالتالي هي صفقة رابحة جدا في راي عن الليون .