ربنا يخليك يا باشا على الرد , شكرا :)
ربنا يخليك يا باشا على الرد , شكرا :)
معلش يا إخوانا المفتاح ده ليه فايدتين فى النوبيرا الكورى فقط مش موجود فى المصرى
النوبيرا الاوتوماتيك فيتيسها عبارة عن أربع غيارات مش خمسه زى المانيوال أول فايده انه بيريح الفيتيس فى الزحمة لانه بيدى نقلة التانى بس مش بيدى الغيار الاول خالص و ممكن تلاحظها لو انت على ال D و بعدين شغلت مفتاح ال hold حتحس ان العربيه إدت غيار و هى واقفة و ده غيار النفله التانيه و لو قفلته برضه حتحس بالغيار فى الفتيس بيرجع تانى للنقله الاولى
الفايده التانيه و هى الاهم لو انت لاحظت فى عداد ال RPM حتلاقى علامه خضراء بين الرقمين واحد و تلاتة و مكتوب جنبها ECNO ده اختصار لكلمة أقتصادى و عند تشغيل مفتاح الhold ختلاحظ ان مؤشر ال RPM مش بيعدى رقم 3 مهما حاولت تدوس بنزين يعنى هو عمله الاساسى الاقتصاد فى البنزين بس طبعا لو عايز تشد بالعربيه مش حتعرف لازم تفصله و هو على الطريق السريع بيفصل من نفسه مش بيخلى العربيه ما تطلعش عن 90 لا ممكن تعدى السرعه زى ما انت عايز لانه زى ما قلت بيفصل اتوماتيك بعد ال 100
و اسف لللإطاله
هل عندك كتالوج بالانجليزى لهذا النوع من السيارات و لا المعلومات دى جايبها منين؟
لا للأسف انا معنديش كتالوج للعربيه و دايخ عليه زيك بالظبط و المعلومات دى عرفتها من واحد كورى سالته لانى بأشتغل فى السياحه و قابلته صدفه و طبعا ما فاتنيش أسأله على الكتالوج قالى موجود بس طبعا بالكورى
و بتجربه الكلام اللى قاله لقيته مظبوط
بالمناسبة نسيت أقولك على الفتحه الطويله دى يا سيدى فى النوبيرا الكورى بس برضه انما من موديل 99 و 2000 الفتحه دى ملغيه يعنى مافيش تحتها حاجه علشان كده بتلاقيها مقفوله بطبة كاوتش انما لو رحت فى مخازن الاستثمار بما انك بورسعيدى بقى حتلاقى العربيات من موديل 2002 الفتحه دى فيها شريحه فايدتها انك لو سايب العربيه دايره بتعمل Lock للفيتيس يعنى مايتحركش خالص الا لما تدخل الشريحه تانى نوع من الامان يعنى بس للأسف مش موجوده عندى و عندك لان عربيتنا 99
أى خدمه :)
شكرا للتصحيح يا استاذmsalama وانا هجرب الHOLd زي ما حضرتك قولت ..ده يبقى مفيد جدا جدا..لكن ممكن سؤال ..انا ليه بحس ان تسارع العربية مش قوي..يعني انا جربت اجيب ال 100ك لقيتها بتعملها في 20 ثانية وعلى فكرة انا كنت دايس اخر دواسة البنزين ومشلتش رجلي غير لما وصلت 100 كم...يا ترى كل الاوتوماتيك كده..وكمان بحسها اوي لما بعوز اطلع من عربية قدامي بتأخذ وقت طويل مع العلم اني بشغل زرار Power ..يا ترى ده بيحصل معاك او مع استاذHesham Premeum
مع الشكر
ولو أنى أعتقد ان فيه حاجه عندك مش مظبوطة لكن جرب اللى حاقولك عليه و شوف
النوبيرا فيها ميزة تانيه فى الفتيس مش موجوده فى عربيات كتير ان ممكن تشتغل مانيوال كمان عندك الفتيس أربع نفلات زى اى عربيه مانيوال 1و2و3وd اللى هى النقلة الرابعه استعملهم لما تحب تقرص أو تشد مع حد يعنى و انت طالع من الصفر جيب الفتيس على 1 و أقرص و خليك طبعا مع عداد الrpm مثلا لغاية 5 او 6 وبعدين اديها الثانى و برضه مع عداد ال Rpm لغاية 5 او 6 و النقلة التانى ممكن اصلا توصلك لسرعة 100 او 110 حسب العربية و بعدين التالت و ال D بس يا سيدى جرب و قولى ملحوظة تانيه مش عارف انت عارفها ولا لأ لما تنقل النقلات فى الفتيس تصاعدى يعنى 1و2و3وd مش محتاج تستعمل السوسته اللى فى الفتيس يعنى طلع الفتيس لقدام على طول انما العكس لازم تستعمل السوسته اللى فى الفتيس و جرب و مستنى ردك
و لو ممكن توقولى انت من فين
شكرا ليك يا استاذ mslalma انا من مصر -القاهرة-مدينة 6 اكتوبر- انا ليسه راجع من العيد كل سنه وحضرتك طيب..هجرب ان شاء الله اللي حضرتك قولت عليه..وشكرا على معلومة نقلات الفتيس التصاعدي لاني مكنتش عارفها لاني جديد في السيارات الاوتوماتيك..كان عندي مانوال قبل كده..لكن هل حضرتك جربت الموضوع ده..ولو جربته لقيت التسارع عامل ازاي؟
مع خالص شكري
ممتاز طبعا كانك سليق مانيوال بالظبطاقتباس:
المشاركة الأصلية كتبت بواسطة mummy_47
انا قدامي نوبيرا 2003 اتوماتيك عايز اشتريها بس فيها مشكله ان احيانا عند الضغط علي الفرامل تجد ان السيارة ترعش وتترجرج خصوصا في الصباح لكن لما تجيب المور N فان الرعشة تختفي (لا توجد هذه الرعشة مع السرعات العاليه)
هل هذا عيب فتيس اتوماتيك ؟
ام هذا عيب رشاشات؟ ام شيء اخر؟ وبكم يبلغ اصلاحها ؟
هل ممكن احد ينصحني وشكرا
.................................................. ..