عاوز أعمل تست دريف للجين 2
السلام عليكم و رحمة اللة وبركاتة
أنا بقالي أكتر من سنة و نصف بدور على عربية منسبة ليا, و كان أهم حاجة عاوزه في العربية أنها تكون مريحة لية في السواقة لأني طويل و وزني كبير (نفسي أخس:I_angr1[1]:) و السعر حولين ال100 ألف. و كنت خلاص رسيت على النيسان تيدا و لاكن لما روحت أعملها تست دريف رجلي اليمين وجعتني جدا بعد 10 دقائق من السواقة (:stink[1]:), لأنها كانت مزنوقة بين الدركسيون و الطبلوه (مش ألتلكو طويل). المهم صرفت نظر عنها (:36_1_31:). و أبتديت أدور من جديد. أنا كنت معجب جدا بالجين 2 بس لما جربت أقعد فيها من سنة كدا كانت ديقة أوي فعشان كدة صرفت نظر عنه. أمبارح كنت نازل أبص على عربيات في التوكيلات اللي في أبو رواش و قلت أنزل كدا أبص عليها في عز العرب, والغريب أني لما قعدت جواها محستش أنها ديقة خالص (:11:). مبقتش عارف اذا كانت العربية وسعت ولا أنا اللي خسيت (:F_eyeb1[1]:). فقلت أني لازم أعمل تست دريف, عشان أبقى متأكد من موضوع الوسع ده, سألت التوكيل بس قلولي مفيش تست دريف(:stink[1]:), و نا من المعجبين جدا بالعربية دي من ساعة ما نزلت, وكنت عاوز أحط العربية دي على قائمة الاختيارات المتاحة بلنسبالي لأني فعلا بعشقة, و كنت شوفت الموضوع بتاع الزميل اللي كان برده عاوز يجربه, فلو ينفع نتقابل مع حد يكون معاه العربية حكون شاكر جدا. أنا ساكن في الهرم و أسمي محمد محمود محمد فرج.