عاوز أعمل تست دريف للجين 2

**midooo2002** · 03-12-2009 12:31 PM

السلام عليكم و رحمة اللة وبركاتة

أنا بقالي أكتر من سنة و نصف بدور على عربية منسبة ليا, و كان أهم حاجة عاوزه في العربية أنها تكون مريحة لية في السواقة لأني طويل و وزني كبير (نفسي أخس) و السعر حولين ال100 ألف. و كنت خلاص رسيت على النيسان تيدا و لاكن لما روحت أعملها تست دريف رجلي اليمين وجعتني جدا بعد 10 دقائق من السواقة (), لأنها كانت مزنوقة بين الدركسيون و الطبلوه (مش ألتلكو طويل). المهم صرفت نظر عنها (). و أبتديت أدور من جديد. أنا كنت معجب جدا بالجين 2 بس لما جربت أقعد فيها من سنة كدا كانت ديقة أوي فعشان كدة صرفت نظر عنه. أمبارح كنت نازل أبص على عربيات في التوكيلات اللي في أبو رواش و قلت أنزل كدا أبص عليها في عز العرب, والغريب أني لما قعدت جواها محستش أنها ديقة خالص (). مبقتش عارف اذا كانت العربية وسعت ولا أنا اللي خسيت (). فقلت أني لازم أعمل تست دريف, عشان أبقى متأكد من موضوع الوسع ده, سألت التوكيل بس قلولي مفيش تست دريف(), و نا من المعجبين جدا بالعربية دي من ساعة ما نزلت, وكنت عاوز أحط العربية دي على قائمة الاختيارات المتاحة بلنسبالي لأني فعلا بعشقة, و كنت شوفت الموضوع بتاع الزميل اللي كان برده عاوز يجربه, فلو ينفع نتقابل مع حد يكون معاه العربية حكون شاكر جدا. أنا ساكن في الهرم و أسمي محمد محمود محمد فرج.

**Ahmed.Ali** · 03-12-2009 01:17 PM

انا تخين و طويل :) تحب تعمل تست درايف شرفني في القريه الذكيه و اعمل التيست الي انت عاوزه

**eslamkasem** · 03-12-2009 03:00 PM

يامعلم لو طويل وتخين يبقي تفكر في الوجا انا ولدي مشاء الله طول بعرض وبيقعد فيها مستريح جدا

**midooo2002** · 03-12-2009 04:13 PM

المشاركة الأصلية كتبت بواسطة theegyption

انا تخين و طويل :) تحب تعمل تست درايف شرفني في القريه الذكيه و اعمل التيست الي انت عاوزه

ألف شكر يا باشا على الرد, و ربنا يباركلك في عربيتك, كنت عاوز أعرف هيا منيول ولا أتومتيك, لأني ناوي على الأتومتيك ان شاء اللة, وكنت عاوز أعرف ازا كنت مستريح في السواقة ولا بتتعب في المشوير الطويلة؟, و حضرتك فاضي أمتى عشان نتقابل باذن اللة؟.

المشاركة الأصلية كتبت بواسطة eslamkasem

يامعلم لو طويل وتخين يبقي تفكر في الوجا انا ولدي مشاء الله طول بعرض وبيقعد فيها مستريح جدا

بسراحة شكل الواجا مش عجبني, و ألف شكر على الرد.

**Ahmed.Ali** · 03-12-2009 04:37 PM

انا مانيول و الحمد لله انا رحت بيها اسكندريه رايح جاي من 6 اكتوبر في يوم و كذلك الشرقيه و التعب بس كان من كتر القعده مش من رجلي

لو تحب شرفني اي يوم و يا حبذا الساعه 4:30

**midooo2002** · 03-12-2009 05:38 PM

المشاركة الأصلية كتبت بواسطة theegyption

انا مانيول و الحمد لله انا رحت بيها اسكندريه رايح جاي من 6 اكتوبر في يوم و كذلك الشرقيه و التعب بس كان من كتر القعده مش من رجلي

لو تحب شرفني اي يوم و يا حبذا الساعه 4:30

ألف شكر على الرد, أنت كدا طمنتني شويا بس أنا كنت حابب أجرب الأتومتيك لأن دي اللي بفكر فيه. فحستنى الردود من بقيت الأعضاء, يمكن حد يكون معاه الاتومتيك. و شكرا مره تنيه.

**ahmad--ezzat** · 03-12-2009 05:41 PM

المشاركة الأصلية كتبت بواسطة midooo2002

و كنت خلاص رسيت على النيسان تيدا و لاكن لما روحت أعملها تست دريف رجلي اليمين وجعتني جدا بعد 10 دقائق من السواقة (

), لأنها كانت مزنوقة بين الدركسيون و الطبلوه (مش ألتلكو طويل). المهم صرفت نظر عنها .

طب ما تطلع الدكسيون لفوق شويه وترجع الكرسى حبه....العربيه التيدا واسعه جدا....وحرام عليك تسيبها وتروح لحجات اقل مع احترامى للجين 2

**midooo2002** · 03-12-2009 05:58 PM

المشاركة الأصلية كتبت بواسطة ahmed20_08nubira

طب ما تطلع الدكسيون لفوق شويه وترجع الكرسى حبه....العربيه التيدا واسعه جدا....وحرام عليك تسيبها وتروح لحجات اقل مع احترامى للجين 2

الدركسيون كان مرفوع عالأخر و الكرسي كان بردو عالأخر, المشكلة كانت في الجزء اللي في نص الطبلوة كانت طلع أدام و عريضة فكانت بطخبط في ركبتي بستمرار. أنا لسه محتار جدا في الاختبار, و مش عارف أعمل ايه, ربنا يهديني للي فيه الخير.