السيدات و السادة : إليكم النبأ الهام !

**Moh.Fahmy** · 04-12-2009 07:00 AM

ما ينفعش يا اخي الانسان يعيش بمعزل عن الناس و خصوصا اذا كان مسلم لان الاسلام دين مبني علي الجماعة
افضل طريقة انك اعمالك كلها تكون خالصة لوجه الله تعالي و لا تنتظر الاجر و الثواب و الشكر من العبد ابدا انتظرها من الرب بالتأكيد ستكون افضل بكثير
المطب اللي معظمنا بيقع فيه ان احنا رافعين شعارات و بكل اسف لا نفعلها مش عارف ليه و ده الفرق بينا و بين الغرب مع ان المفروض ان شعاراتنا دي ربانية يعني مثلا تعمل خير مع حد معين و المفروض انك بتعمل هذا الخير خالصا لوجه الله تعالي و لكن ممكن تحزن ان اللي انت عملت معاه الخير لم يوجه لك الشكر بالشكل الذي يرضيك فيزيدك الموضوع اكتئاب و تعتقد انك فعلت الخير بغير اهله و تتساءل هو ايه اللي جري للناس؟ بقت جاحدة كده ليه؟ و تكون النتيجة انك تتوقع داخل نفسك و تصاب بالاكتئاب
لا تحزن علي رزق طار منك و الرزق مش شرط يكون مال فقط لأ ممكن الرزق ده يكون صحة يكون زرية صالحة او زوجة صالحة او عمل كويس ...فتأكد تماما ان رزقك في السماء و ينزل من السماء و لا احد يتحكم في الارزاق الا الرزاق عز وجل
اعمل ما عليك و اترك الامر كله لله بمعني ان تقصر في اداء واجباتك و ثق تماما انك ستأخذ حقك كاملا و لا تلومن الا نفسك فكل خير هو منة عند الله و كل شر هو من نفسك و الشيطان فأصلح نفسك ينصلح حالك كله و تشعر بالبركة في كل شيء
احرص علي فعل الخيرات و تقرب لله بالطاعات و داوم علي قراءة القرآن و علي ارتياد المساجد و علي الصلاة علي وقتها و في جماعة و سيوفقك الله لما تحب و ترضي و سيكون ربنا عند ظنك به

محمد فهمي

**hesham22822** · 04-12-2009 07:19 AM

حلوة عملية ال Renew دى وربنا يوفقك

**معتز** · 04-12-2009 08:06 AM

خذ وقتك ولا تنسى الله.............

**SeiffoZ** · 04-12-2009 08:16 PM

المشاركة الأصلية كتبت بواسطة motorizer

لا

أحسن مضادات الإكتئاب إنك تشوف إيه اللي مبوظ حياتك و تحاول تحسن وضعك فيه .. و تشوف تقدر تحسن حياتك إزاي عامة .. و أي حاجة أو حد مضايقك في الزبالة علي طول

إنما مضاد إكتئاب .. هتحول راحتك و سعادتك لحباية .. مش كويس .. و هتدمن عليه بعد كدة في حياتك و تتعامل مع الإكتئاب علي إنه صداع .. هتحول نفسك لروبوت بيشتغل بالحبوب .

هى ممكن تبقى حل مؤقت ... لكن لو أخذتها هستشير دكتور طبعا .. و شكرا على مشاركاتك

**SeiffoZ** · 04-12-2009 08:18 PM

المشاركة الأصلية كتبت بواسطة ashrafsadany

بص يا اخى انا معرفكش كويس بس من مجمل مشاركاتك حسييت انك انسان متزن ومحترم ومشاركاتك ايجابية دا الى انا اتعرضتلو من مشاركات لاكن هحكيلك موقف بسيط حصل مع الصحابة بس معناة جميل انا للاسف مش فاكر الموضوع بنصة الصحيح ولا اية سندو لاكن هحكيلك على معناة
ارسل احد الصحابة اثنين من الجنود الى احد البلدان الاسلامية التى كانت تحت الخلافة الاسلامية ليطمئنو على احوال الرعية فى تلك الولاية كل من الجنديين على حدى فلما رجع الجندى الاول سئل الخليفة الجندى عن احوال هذة الامارة فقال الجندى ان الفساد منتشر وكثرة الفاحشة فى الطرقات والجهر بلمعاصى وكثرة الحانات والملاهى الليلية وغيرة وغيرة من المفاسد فقال لة الخليفة فى وجوود الصحابة صدقت وبعد ذلك دخل الجندى الثانى على مجلس الخليفة فسئلة الخليفة فأجاب ان الامارة واهلها على خيير وان المساجد عامرة وكثرة حلقات العلم وانتشر العمل الصالح ومساعدة الفقراء وغير زلك من الخيير فقال لة الخليفة صدقت فعجب الجالسون من الصحابة وقالو لة كيف صدقت الاثنين فرد عليهم الخليفة كل منهم بحث عن ما يريدة فوجدة
دا المعنى المقصود من القصة يا اخى الشيطان نعوذ بالله منة اما بلاقى همم الصالحين والنافعيين قوية بيبتدى يصرف نظرهم الى الفاشلين والفاسقين والمفسدين فى الارض بكل طريقة ليحبط هممنا ويحسسنا بليأس ويضعفنا ويدمر نفسيتنا ودى من وساوس الشيطان وعلاج الحالة دى انك تصرف نظرك عن كل الفساد والكلام الى قلناة دا وتبتدى تبص للجانب الايجابى من المصلحين النافعيين والخيرين من الناس والى حولينا فى كل مكان وسبقنا فى كافة مجالات الحياة وعارفين هدفهم فى الحياة وبيشتغلوا بأخلاص فى كل ما ينفعهم وينفع الناس بس المشكلة انهم بيعملوا فى صمت وصوتهم مش عالى زى الناس التانيين المفسدين حاول تستخدم المنظور دا وربنا يشرح صدرك ولو نجحت ابقى ادعيلى ويارب اكون ادرت اسعدك

قصة جميلة و شكرا على المشاركة

**SeiffoZ** · 04-12-2009 08:19 PM

أحب أشكر كل من شارك فى الموضوع ...

و الحقيقة ردودكم شجعتنى على إللى هعمله ...

و إن شاء الله هعود بقوة بعد كده

**eng.octooo** · 04-12-2009 08:44 PM

ربنا معاك ومعانا

**حاتم سليم** · 04-12-2009 11:32 PM

المشاركة الأصلية كتبت بواسطة human12

آن للمحارب ان يستريح

و هل للمحارب أن يستريح ؟؟

إذا كان قدراً فلا راحه

و إذا أراحته الراحه

فلم يكُ يوماً محارباً ...

**evoo90** · 05-12-2009 02:56 AM

ياسيف كويس انك عرفت كده دلوقتى انا كنت زيك و ماكنتش بقعد فى البيت على طول خروج ولعب ومقضيها خالص لغايه ماجه اليوم اللى اجبرنى على الانعزال لفتره عن كل شيئ واعنى بجد كل شيئ كل شيئ وبعد وقت قصير قدرت افرق اللى انا عايزه من اللى مش عايزه واتخذت القرار الصحيح تعالا شوفنى دلوقتى ( المنتدى والفيس بوك والماكس ) مش عايز غيرهم كفايه عليا بلاقى فيهم كل اللى محتاجه عشان اعيش حياه كريمه بعيدا عن المشاكل والقرف

اتمنالك التوفيق ويارب تكون اختارت صح ورتبت الامور صح من اولها

**Egyzizo** · 05-12-2009 03:03 AM

المشاركة الأصلية كتبت بواسطة evoo90

تعالا شوفنى دلوقتى ( المنتدى والفيس بوك والماكس ) مش عايز غيرهم كفايه عليا بلاقى فيهم كل اللى محتاجه

أنا عندى المنتدى والفيس بوك ..
ممكن تدلنى بقى عل سكة الماكس ..
هو حقن واللا شم ..
وبكام الحقنة ؟
وأخبار دماغه ايه ؟

الموضوع: السيدات و السادة : إليكم النبأ الهام !

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تفسير سورة النبأ مجمع من مختصر ابن كثير والشعراوى وابو بكر الجزائرى

هام جدا الى السادة راغبى شراء كيا كارينز و الى السادة المشرفيين على المنتدى

ناسف لقطع المنتدى لى اذاعة هذا الخبر الهام

الكلمات الدلالية لهذا الموضوع

المفضلات

المفضلات

ضوابط المشاركة