السلام عليكم,
أنا كنت نازل الصبح بالعربية وبدور سمعت صوت الموتور عالى و غريب فقلت جايز وساخة بنزين مع السقعة المهم مشيت بيها لقيتها مكتومة خالص و مشيت بيها حوالى 10 كيلو و العربية مبتجبش فوق ال60 و ابتدت ريحة شياط تطلع فركنتها وروحت الشغل و رجعت بليل بصيت على الزيت و الميه و كده لقيت كله تمام فاخدتها و مشيت بيها برضه حوالى 10 كيلو و الصوت ابتدى يعلى و بقى خبط فى الموتور و ريحة شياط جامدة المهم روحت على الميكانيكى فقالى الأول نشوف الزيت و بعد شاف البوجيهات قالى فى واحد فاصل و السلوك وحشة فغيرت طقم بوجيهات و سلوك,العربية ظبطت شوية بس برده لسه مكتومة شوية و بتقطع لم ادوس عليها و أنا طالع و صوت الموتور بقى أعلى من الأول,كده عيب ايه و مين كويس اروحله يشوفهالى ؟؟؟؟؟ و يا ترى لما مشيت عليها الأول ده هو الى عمل حاجة؟؟؟؟