الف مبروك يا باشا ربنا يباركلك فيها ويديك خيرها ويكفيك شرها
عرض للطباعة
الف مبروك يا باشا ربنا يباركلك فيها ويديك خيرها ويكفيك شرها
الف شكر مرة تانية يا جماعة معلش اتأخرت في الرد علشان النت كان فاصل
احنا هنا يا جماعة ياريت نفتكر الهدف من تجمعنا هنا
اننا نساعد بعض وننصح بعض سواء بالاختيار عند الشراء أو حل مشاكل بعد الشراء
احنا هنا مش علشان نهاجم عربيات بعض
واحد اشترى عربية يبقى خلاص منقعدش نقول حلوة أو وحشة
النقد دايماً هدفه الاستفادة مش عربيتي احسن من عربيتك
والكلام ده مش علشاني ده علشان الناس اللي عملة حرب بين بروتون مثلا ودايو
ياريت نوضح 3 نقط مهمة
أولاً مفيش عربية من غير عيوب ولكن المهم حجم العيوب دي صغير يبقى نتجاهلها ونستمتع بعربيتنا أو حجم العيوب كبيرة يبقى نحلها أو لو متتحلش يبقى ننصح الإخوة انهم ميقربوش من العربية دي
ثانياً مفيش خلاف ان لو عربية جديدة لازم هيتوافر فيها تكنولوجيات جديدة مش موجودة في عربيات أقدم
ثالثاً أهم حاجة انت العربية مريحاك شخصياً ولا لأ لأن هو ده الهدف اللي العربيات صنعت لأجله
نرجع تاني للساجا
امبارح الحمد لله رخّصت وقلت اتهور شديت 120 بس مرضيتش اقرص العربية لسه بتلين
النهاردة جردبت التكييف ممتاز (بس طبعاًبعد التليين نشوف السحب وبعدين احنا في الشتا أكيد الناس بتقول ايه المجنون اللي بيشغل تكييف في الشتا)
مرة تانية نرجع لموضوع البور أيوة البور مش ميه بس ثابت مع زيادة السرعة وانا مش شايف انه تقيل أو مش مريح
القعدة مريحة والوسع الأمامي واضح
ركبت 4 معايا في العربية ولا كإن حد راكب ولا حكينا في مطب لأن العربية ارتفاعها مناسب عن الأرض
بعد التليين ان شاء الله هجرب أحمال أكتر
النهاردة انا نازل من البيت اتفاجئت لقيت جاري لسه شاري عربية زي عربيتي تمام بس حمرا
العربية اشتراها من نفس المعرض اللي جيبت منه وكنت شايفها في المعرض صاحب المعرض لسه كان جايبها بعد ما انا اشتريت منه بيومين والعربية كده مكملتش اسبوع واتباعت ربنا يباركله
مانيوال برده
الف مبرووووووووووووووووك