يا باشا غلط السرعات دى فى اول الف انت ممكن بالكتير 120 لاكن 150 كتير قبل الصيانة وربنا يستر طريقك
عرض للطباعة
يا باشا غلط السرعات دى فى اول الف انت ممكن بالكتير 120 لاكن 150 كتير قبل الصيانة وربنا يستر طريقك
السلام عليكم
كنا عايزين نعرف هو الكاسيت بتاع الساجا cd player ولا كمان mp3
نفس السؤالاقتباس:
كنا عايزين نعرف هو الكاسيت بتاع الساجا cd player ولا كمان mp3
بمنتهي الحيادية انا اتفرجت عليها امبارح تقديري العام ليها من متوسط لجيد من الخامات الداخلية والمكونات والشكل العام بغض النظر طبعا عن الكماليات التي تنقلها لفئة اعلي
الشكل الخارجي قريب من الافيو مع الفرق انها سقفها اعلي
التابلوه الداخليووضع العدادات قريب جدا من الكورسا 1600
وضعية القيادة ووضع الدركسيون ممتاز وبصمة برتون واضحة بيه والرؤية من الداخل السيارة هايلة
وبالنظر اسفل العربية الاجزاء المستخدمة في التعليق الخلفي كبيرة اعتقد ده هيترجم لثبات وتقل علي الطريق
ولكن البرشور الخاص بها غير موضح به القوة الحصانية للمحرك
علشان الموضوع ميطلعش فيه اي خدعة
ويتبقي اختبار القيادة وهو غير متوفر حتي الأن
النهاردة الحمد لله عملت صيانة الألف
طبعاً قبل كل شيء ألف شكر للأخ المحترم جداً أ. محمود (musiccairo )
اللي راح معايا التوكيل بالجين2 وعرفني على الناس والدنيا هناك مع إن الجو كان تراب وهوا
ألف شكر يا محمود باشا
نرجع لصيانة الألف
كان عندي طقطقة خفيفة قدام والدبرياش كان عالي وده كان بيتقل الغيارات شوية (محمود اللي قالهم على حوار الدبرياش ده) وكنت مستلم المفتاح التاني الريموت مش شغال
طلع حجر الريموت خلصان غيروه ب 18 جنيه (للأمانة قالولي روح للمبيعات علشان يغيروه ببلاش محمود راح معايا بس ملقيناش حد من الموظفين المهم انا اشتريت دما غي وربنا يعوض عليا في 18 جنيه :H_angry[1]:)
ربطو العفشة وغيروا الزيت والفلتر وظبطوا الدبرياش وراجعوا على الكهربا )
الليلة كلها 191.5 جنيه (منهم 18 جنيه بتوع الريموت)
الشباب بتوع الصيانة شكلهم كانوا مبسوطين قوي من الساجا كمنها أول عربية تجيلهم فضلو كل شوية يعملوا تست بالعربية رايحين جايين (عملوا 100 كيلو)
استلمنا العربية وفي نفس الوقت عربية محمود كانت خلصت صيانة ال 5000 (يبقى يعمل هو تقرير عن كده لو عايز) ومشينا
طبعاً بعد ماستلمت العربية مفيش صوت طقطقة والموتور صوته نعم والغيارات سلسة جداً
والحاجة الغريبة البور خف قوي وبقى ممتاز على السرعات القليلة
قابلنا هناك شباب زي الفل وشفنا عربية جين2 عليها شعار نايل موتورز بس للأسف مقابلناش صاحبها
طبعاً وانا راجع 150 يا معلم (مفيش اكتر من كده علشان الطريق مكانش فاضي)
العربية ثابتة وتحسش بالسرعة
واحنا راجعين لو حد من العاشر هيعرف في ملف لما تدخل العاشر من تحت الكوبري الأولاني خدته على 110 والثبات ما شاء الله
نسيت أقول ان امبارح اتصل بيا واحد وكان بيشتري ساجا من نفس المعرض اللي جبت منه وكان بيسأل عن العربية والحمد لله اشتراها خلاص
كده يبقى في 3 عربيات ساجا في اسبوعين
شكرا استاذ عبد الرحمن على المجامله دي
ومبسوط وسعيد اني اتعرفت على حضرتك
ومبسوط بالساجا وحاسس انها هيكون ليها مستقبل حلو اوي ان شاء الله
المهندسين في التوكيل والفنيين كمان كانوا مبسوطين بالساجا اوي وكمان كانت عجباهم جدااااااااا لدرجه كبيره اوي
وكانوا عاملين شبه كونسولتو عليها في كل مرحله من مراحل الصيانه
*ملحوظه ( فلتر الساجا هو نفسه فلتر الجين2 وطبعا البيرسونا )
اسعار الصيانات الدوريه نفسها اسعار صيانه الجين تقريبا ان لم يكن أكيد
لن يبقى الا تيست درايف بسيط لل ساجا
وان شاء الله هعملو قريب وهقول انطباعاتي عنها
شكرا استاذ عبد الرحمن مره تانيه
ربنا يحفظلك الساجا ويديك خيرها ان شاء الله
ويبعد عنك عيون الحاسدين
ويبعد عنك اللي تعجبوا العربيه وميقولش ما شاء الله
( العربيه على الطريق شكلها تحفه يا جماعه بجد ما شاء الله)
وعربيه مختلفه تماما تماما