الموضوع: الحمد لله اشتريت الساجا

المشاركة الأصلية كتبت بواسطة مصطفى_صديق

اللهم ياحنان يامنان ياواسع الغفران اغفر له وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس

اللهم امين
جزاك الله خيراً وحفظ الله لك كل من تحب

المشاركة الأصلية كتبت بواسطة omaroof

البقاء لله وان شاء الله يدخل الفقيد فسيح جناته اللهم امين
حقيقى اخى الكريم شدنى الموضوع من اوله وتابعت باهتمام كل الردود وعجبنى جدا اسلوب ردك على بعض الناس الى تنرفز
الف الف الف مبروك العربيه وربنا يعطيك خيرها ويبعد عنك شرها اللهم امين

أخي الكريم
جزاك الله خير على عزاءك وكلامك الطيب
الردود متنرفزش ولا حاجة لإن الهدف هو إفادة كل الإخوة هنا على قد مقدر زي مانا استفدت ولازلت بستفيد من مساهمات كل الأعضاء المحترمين في أسرة نايل موتورز ومقدرش أوصفلك قد ايه ردودكم هنا بتنسي الواحد حزنه وهمه وتحسسه انه بيعمل عمل مفيد أحتسب أجره عند الله تعالى وربنا يقدرنا جميعاً نقف جنب بعض في الحياة العملية مش مجرد مجتمع السيارات بس لأن بجد تجمعنا هنا خالي من أي مصلحة وكل عضو بيساعد أو بيخدم إخوانه (ومش هقول أسماء علشان منساش حد بس كلنا عارفينهم) بيعمل كده لوجه الله ومحبة , ربنا يوفقنا جميعاً لما يحبه ويرضاه.

المشاركة الأصلية كتبت بواسطة baskota

اللهم اغفر لوالدك وارحمه
الف مبروك على حضرتك الساجا وربنا يباركلك فيها يارب ويحفظك دايما
تقبل تحياتى

امين يا رب ربنا يغفر له ولنا جميعاً
وبالنسبة للعربية ربنا يبارك فيكي وعقبالك ان شاء الله

النهاردة الصبح قلت انزل البلد أزور والدي الله يرحمه
أخدت أخويا معايا ونزلنا الساعة تمانية إلا ربع وطلعنا من العاشر طبعاً النهاردة كان في شبورة ومشينا بالراحة لغاية موصلنا
واحنا راجعين نفس الكلام لغاية بلبيس ومن بلبيس العاشر الدنيا كانت رايقة قلت اشد شوية
جبت 140 ولقيت الناس بتدي نور في المقابل قلت يا نهار ابيض لجنة (وقد كان)

المهم سبحان الله نفدنا من اللجنة اللي معرفش كانت رخص بس ولا رادار

بعدها لقيت نفسي جايب 100 قلت اتهور , وصلت 165 والطريق خلص
أعتقد لو كنت حرقت على الغيار كان ممكن اجيب 180

يمكن المرة الجاية ان شاء الله بس ربنا يبعد عنا الرادار