اقتباس المشاركة الأصلية كتبت بواسطة amroman2006 مشاهدة المشاركة
السلام عليكم

أنا مستغرب من رد حضرتك شوية , ايه المشكلة لما حضرتك تقولنا رايك الشخصى لأنك تعتبر أكتر واحد ساق العربية و أصبح عنده علم و خبرة بمزاياها و عيوبها وزى ما حضرتك عارف اى عربية جديدة بتبان مزاياها و عيوبها الحقيقية مع الوقت و المشى الفعلى بيها

كمان فى موضوع مقارنة بين الساجا و اللوجان فى قسم المقارانات لسه شايفه , و صاحب الموضوع بيتكلم بثقة عن مشاكل للساجا وانا مش لاقى حد رد عليه تمام فى النقط اللى قالها نظرا لقلة المستخدمين الفعليين للساجا , وبصراحه انا بدات اقلق اوى لأنى كان اصبح اقتناعى بالساجا 90% , أنا عايز اشترى عربية ولسه محتار بين الساجا و اللوجان و الجيتز

,و اتمنى ان ربنا يكمل شفاء والدك على خير
بعد اذن صاحب الموضوع

انا بس هرد على موضوع التوبيك اللى فى قسم المقارنات ...

الصراحه انا قريته ... ومرضيتش ارد عليه

لانى لم اقتنع بكلمه واحده من اللى كانت مكتوبه ... وحسيت بعدم وجود اى حياديه او اى صحه فى الكلام المكتوب

والصراحه الاهم من دا كله ... انه مش مالك للعربيه وداخل ينصح الناس وعامل تقرير ... بناءا على قعدته فى العربيه دقايق

دا وصل انه بيتكلم عالعفشه ... وكمان بيتنبا بمستقبلها

وانا لو بفكر قى شراء اى سياره اللى هساله واسمع لكلامه هم ملاكها ... مش اللى ركبها فى معرض لمده دقائق

انا على فكره قابلت اكتر من حد فى التوكيل معاه الساجا وشكرلى فيها جدا ... والصراحه دى الاراء اللى باخدها على محمل الجد ... مش راى القعده فى المعارض

-----

الصراحه ادا دخلت قريت التوبيك دا تانى دلوقتى ... وماقدرتش ماردش عليه

دا كاتب انه معاه اسعار قطع غيار الساجا ... اللى هى اصلا لسه مانزلتش التوكيل

يلا يا معلم ... انا رديتلك عليه اهوو