رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
بسم الله الرحمن الرحيم ..
تحية طيبة و بعد ..
جاتلى فرصة أسوق سكودا فابيا 2009 1600cc تبترونيك (الفئة قبل الأخيرة ) ..
السيارة الحقيقة شكلها من الخارج صغيرة ...
لكن من جوه السيارة واسعة و ده لاحظته و أنا قاعد فى الكرسى إللى ورا ...
لكن طبعا على حساب الشنطة طلعت صغيرة جدا ...
تجربة القيادة:-
فى الأول أنا عاجبنى المفتاح بتاعها جدا ... تدوس على الزرار بتاع المفتاح يطلع من جوا الريموت .. حاجة كده زى بتاع البرافو و البيجو 307 ...
المهم .... قعدت ... حسيت إنى قاعد مرتفع كده مش قاعد مأنتخ .. مرتفع بنسبة ملحوظة ...
و الزجاج الاماى حسيته صغير كده ... و الزجاج الخلفية الرؤية فيه مش قد كده بردو
الفتيس كان شكله جميل و بدأت أجرب الأوتو .. بسم الله الرحمن الرحيم ...
أجى ألف الدريكسيون حسيت إنه تقيل !!! رغم إن إللى أعرفه إن الفابيا الباور إلكترونى مش هيدروليك!!!!! غريبة جدا ... أولت مش مشكلة أنا كده كده عربيتى مش باور و لو سوقت هاف باور هحس برفاهية جدا!! ... المهم ... جبت الفتيس على الD و شيلت رجلى من على الفرامل ..
لقيت العربية بتتحرك لقدام ... جيت أدوس بنزين حسيت إن العربية إستجابتها بطيئة ... زى ما تكون بتفكر قبل ما تتحرك .. و ده شئ إستفزنى جدا الصراحة ...
بس العربية بتفوق بعد سرعة من 20 ل30 تقريبا ... تبدأ مع الدوسة التسارع بيبقى رهيب فعلا أحسن بكتير من الأوبترا و النيو سيراتو .... بتبقى عايزة تأكل الطريق فعلا ...
دوست كيك داون و سمعت التكة (العربية فكرت لمدة ثانية ) و بعد كده سمعت صوت فووووو و العربية طارت بجد!!! تسارع العربية دى بعد سرعة 25 بيبقى رهيب و جامد جدا .... ما شاء الله يعنى ...
الثبات طبعا مش طبيعى ... ثبات جامد جدا .... أنا جبت بيها 160 و كنت فاكر نفسى جايب 80 بس .... طبعا لأن الفلوريدا بتاعتى بعد ال100 أحس إنى فى دريم بارك ...
بس طبعا سبب السرعة دى ( أنا مش بحب الجرى) إن عداداتها مش واضحة ... كنت مطلخبط مين عداد السرعة و مين عداد الRPM ... و ده فى نظرى عيب قاتل لأنى مش عارف أتابع العربية أنا ماشى على سرعة كام أو الrpm على إيه .... لازم تكون حافظهم صم صم فعلا ..
التكيف جميل جدا و مش بيأثر على السحب ...
نيجى على التبترونيك ... كان عاجبنى جدا .... تجيب الفتيس يمين تلاقيه مال كده و بقى فى وضعية مايلة ... و مالية ناحية المقعد إللى بجوار السائق ... فوضعيته مش مريحة ...
ده غير مسند اليد إللى كان مخلينى مش عارف أنقو و أتعصبت عليه و قمت شيلته ....
المهم ... جبت الغيار االأول و إنطلقت طبعا ... بس بردوا فى الأول حسيت العربية تقيلة كده و مش عارفة تطلع لحد ما جابت سرعة 20 و تنطلق بقى بسرعة عالية جدا ...
صوت الموتور على التبتروينك عالى ... يمكن عشان الحرق مثلا؟؟؟ رغم إنى كنت بنقل عادى على 3 Rpm ... إللا إنى فى الأخر نقلت على الاتو عشان صوت الموتور عالى وحسيت نفسى بحرق رغم إنه ماكنش كده ... يعنى مثلا جايب سرعة 30 و ماشى عليها إللى إن حاسس بصوت الموتور عالى كأنى راكب عربية مانوال و ماشى بيها على 40 أو 45 مثلا
بس طبعا بالتبترونيك جراية جدا العربية ... بس للأسف 4 نقلات فقط ....
ده شكل العربية من جوا و ده شكل الفتيس الأوتو .. لكن طبعا مكان التكييف التاتش بكر
طبعا أبعاد العربية صغيرة سهل تتركن ...
أما الكلاكس ده حكاية لوحدة ... يكفى إنك تعرف إن الكلاكس ده بعد شهرين من الإستخدام هيغنيك عن الذهاب للجيم و هيعكملك عضلة باى و تراى ... الكلاكس تقيل جدا فعلا ... و إن كان خفيف فى الحتة على الجنب فقط و مع ذلك لازم يكون صباعك قوى ...
ده غير صوته حنين كدا و الحنية ماتنفعش فى ظل القيادة فى جمهورية مصر العربية
نيجى بقى لحصر المميزات للعربية:-
1- ثبات ممتاز فيها ESP
2- تسارع ممتاز .. بس بعد سرعة 25
3- الأوتو بتاعها جميل جدا جدا و شكل الفتيس حلو قوى
4- إسلوب ميل الفتيس فى التبترونيك شكله جميل و غن كان وضعيته مش مريحة .
5- تكيفها جيد جدا و لا يؤثر على سحب العربية
6- الفرامل ممتازة (ABS + EBD)
7- الصالون واسع و الكراسى مريحة جدا
8- نظام العزل ممتاز جدا ..
9- الكونسول إللى فى نص شكله حلو و مرتب و منسق بعناية
10 - تقفيل و تشطيب ممتاز و خامات جيدة جدا فعلا .
11- الإضاءة قوية و ممتازة .... يعنى النور الواطى فيها أقوى بثلاثة أضعاف من النور العالى بتاع الفلوريدا (انا لازم اغير اللمض فى الفلوريدا لأن بليل فعلا بكون مش شايف اى حاجة!
حصر العيوب:-
1- لا توجد جنوط فى الفئة دى
2- المرايات مانوال مش كهرباء و دى حاجة مستفزة جدا .. يعنى جيتوا على دى؟؟ شئ غريب الحقيقة!!!
3- فتحة الAUX مكانها مستفز جدا ورا الهاند بريك ... غتته غتته يعنى
4- العيب الكبير ... العدادات ... متعرفش ده ال Rpm ولا عدادات السرعة تخليك مش عارف تتابع بيانات عربيتك ... و ده عيب قاتل الصراحة و خطير ... بسبب عديت السرعة المقرة إلى 160 و يمكن أكتر كمان لأنى مش عارف أركز!!! ده غير الإضاءة الخضراء سيئة و مستفزة و تزغلل العين و تخليك مش مركز ... ده فعلا أسوئ ما فى الفابيا
5- الرؤية الامامية سيئة جدا ... تحس البربريز صغير كده و إنك بتبص على الشارع من شباك صغير ... فعلا العربية دى فيها Blind spots كتيرا جدا .. حتى الزجاج الخلفى فى الرؤية سيئ جدا جدا ...
6- المرايات رؤيتها سيئة جدا و فيها Blind spot مش صغير ....
7- الكاسيت ال Display بتاعه سئ بيفكرنى بالعربيات الصينى لما تعملك شاشة ديجيتال كبيرة كده زى بتاعت الأله الحاسبة (لكن جودته ممتازة طبعا أنا بتكلم على الDisplay
طبعا العربية دى اديها Rating 7.5 من 10 .... لأن العيوب دى فى رأيى قاتلة و كانت هتسبب فى حوادث اليوم ده ......
هذا الموضوع خاص بنايل موتورز رجاء ذكر المصدر عند النقل .
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
رقم العضوية : 38084
تاريخ التسجيل : 14Apr2009
المشاركات : 619
النوع : ذكر
الاقامة : Egypt
السيارة: لا يوجد
السيارة[2]: كيا كارينز 2010 هاي لاين
الحالة :
سبحانك اللهم وبحمدكأشهد ألا اله الا انتاستغفرك واتوب اليك
رقم العضوية : 29575
تاريخ التسجيل : 09Jan2009
المشاركات : 5,234
النوع : ذكر
الاقامة : Ismailia city & heliopolis
السيارة: daewoo juliet 2003
السيارة[2]: proton persona m/t
الحالة :
بحب الاسكودا جدا
شكرا عالتقرير الجامد
[rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]
You 're beautiful , Its true
رقم العضوية : 25539
تاريخ التسجيل : 18Nov2008
المشاركات : 4,742
النوع : ذكر
الاقامة : el-obour
السيارة: bmw e46 330
السيارة[2]: Mercedes c200 kompressor
دراجة بخارية: no
الحالة :
شكرا ياباشا على التقرير بس ياريت تحطلنا الصور بتاعة العربية
مفيش حاجة باينة
[rmade]http://www7.0zz0.com/2014/09/24/17/941743282.jpg[/rmade]
رقم العضوية : 4959
تاريخ التسجيل : 27Jan2008
المشاركات : 3,051
النوع : ذكر
الاقامة : Zagazig
السيارة: Skoda Octavia A5 2007
السيارة[2]: Fiat Evo Punto 2011
الحالة :
بالنسبه لحته عيوب الرؤيه بعاني منها في الاوكتافيا خصوصا قوايم العربيه
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
شكرا على الردود يا شباب ..
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
شنطة الفابيا
و ده لون العربية بتاعت صديقى
الكاسيت إللى مش عاجبنى الشاشة بتاعته حاسة شاشة Calculator
و ده شكل الفتيس الأوتو
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
رقم العضوية : 37192
تاريخ التسجيل : 03Apr2009
المشاركات : 306
النوع : ذكر
الاقامة : Egypt / Cairo
السيارة: fabia
السيارة[2]: Skoda Fabia 2001
دراجة بخارية: honda
الحالة :
شكرا يا باشا علي التقرير الجامد
لو صاحبك عايز يبيعها ياريت تقولي
المفضلات