الحراره زادت والحمد لله بولو 99

**snakeson2** · 05-12-2009 11:30 AM

الحمد لله انها جات علي قد كدة , ربنا بستر طريقك.

**fathelbab** · 05-12-2009 05:27 PM

المشاركة الأصلية كتبت بواسطة original

لا حول ولا قوة إلا بالله..
هوا إنتا عملت فيها إيه عشان تسيح كل ده!!
عمتا شكلك كده تجيب موتور أحسن وأرخص لأن أكيد حاجات تانية كتير إتأثرت والموتور مش هيرجع لحالته!!
بس لو عايز تجرب حاول تجيب أغلبية الحاجات إستعمال نضيف جدا وبلاش قطع غيار مضروبة يا إما تروح لمحل عنده الحاجات دى ألمانى أصلى لأن الموتور أصلا ألمانى محفور عليه مش أسبانى..

بس قطع الغيار تقريبا:
1 جوان وش السلندر يتجاب جديد أصلى بس معرفش سعره
2 طرمبة ميه لو أصلية جديدة أحسن ولو إستيراد بحالة ممتازة تبأا أحسن وأحسن عشان ساعات فيه مواتير بتيجى إستيراد بيبأا راكب فيها الحاجات دى جديدة..
3 سيبر الدينامو يتغير أحسن يعمل حوالى 40-70 حسب النوع برازيلى أسبانى إيطالى ألمانى وكلله شغال بس صينى لأ المهم تغيره كل فترة وماتسيبوش لما يتقطع!! مافيهاش تكييف!!
4 سير الكاتينه من 50-100 وأزيد حسب النوع برازيلى ألمانى إيطالى
5 جوان الفرن معرفش
6 بلية الشداد بتاعة سير الكاتينة 250-350 برده حسب النوع صينى كورى أسبانى ألمانى وطبعا حاول تبعد عن الصينى مع إنك هتشتريه مكتوب عليه ألمانى ولو البلية يتاعة الدينامو بس إنتا ماعندكش تكييف وتقريبا السير بيتشد بالدينامو نفسه!! عمتا لو فيه بلية أنا جربتها إستيراد ممتازة أحسن من الجديدة اللى فى السوق..
7 طقم بوجيهات هات حاجة تجرب بيها مش هتفرق أنا مركب نوع يابانى ب 28ج المهم الخلوص بتاعها يكون 1مم وبعد كده هات ب60-250 حسب النوع
8 زيت المفروض تخليقى بس شوف حضرتك معودها على إيه!! فلتر 30 mann or mahle ألمانى 10000كم
9 اربة ميه هاتها إستعمال أنا جبتها مرة ب 5 جنيه من بورسعيد
10 شجرة التبريد علي بعضها مش عارف بس بلاش الصينى هاتها إستيراد نضيف
11 الغطاء بتاع سير الكاتينه ده إستيراد وإنتا مغمض
12 ممكن تلاقى المبخرة بتاعت الزيت فى ضهر الموتور ساحت لأنها بلاستيك هاتها إستيراد بأويلسيلاتها (جواناتها)

عمتا لف على كذا تاجر قبل ماتشترى وفكر فى الموتور الإستيراد ولو 1600 هتبأا طيارة ولو تكييف وباور
بس طبعا لما تيجى تبيع الناس بتقلق من الموتور المتركب!!
أعتقد الشهابى وفتح الباب ممكن يغطولك الجديد وفتح الباب عامل إعلان فى المنتدى وحاطط عناوينه وتليفوناته وعامل خصم كمان

ربنا معاك

بسيطه كل الحاجات دي موجوده في كل مكان نتمي لك تمام الصحه ونشكر جميعا أ- صاحب الرد الهايل بس بلاش المستعمل في الحاجات دي لان لها عمر افتارضي واساسا تتلف من الركنه

**original** · 05-12-2009 07:55 PM

المشاركة الأصلية كتبت بواسطة fathelbab

بسيطه كل الحاجات دي موجوده في كل مكان نتمي لك تمام الصحه ونشكر جميعا أ- صاحب الرد الهايل بس بلاش المستعمل في الحاجات دي لان لها عمر افتارضي واساسا تتلف من الركنه

واللاهى عندك حق بس عن تجربة مفيش قطعة غيار بتعيش زى الأصلية..
ياسلام لو كل قطع الغيار اللى بتتباع أصلية أو حتى ليها عمر إفتراضى!! ماكونناش إتحوجنا لتجار المستعمل اللى بيلعبو بالأسعار وكمان ماكانتش الناس كرهت العربيات الفولكس بسبب قطع غيارها..

**fathelbab** · 05-12-2009 11:10 PM

المشاركة الأصلية كتبت بواسطة original

واللاهى عندك حق بس عن تجربة مفيش قطعة غيار بتعيش زى الأصلية..
ياسلام لو كل قطع الغيار اللى بتتباع أصلية أو حتى ليها عمر إفتراضى!! ماكونناش إتحوجنا لتجار المستعمل اللى بيلعبو بالأسعار وكمان ماكانتش الناس كرهت العربيات الفولكس بسبب قطع غيارها..

[gdwl]
ولاد الحلال كتير و ربنا خلق الداء والدواء [/gdwl]

**necromancor** · 06-12-2009 01:44 AM

الحمد لله تمت السيطره علي كل حاجه العربيه دارت وكله حاجه تمام هيا دلوقتي فيها نسبه صغيره قوي كهرباء زياده بس السخونيه مظبوطه والمروحه تمام التنين وكله بقس في السليم
بفكر اعمل تشيك عالكمبيوتر بس ده قدام شويه

**necromancor** · 06-12-2009 01:46 AM

المشاركة الأصلية كتبت بواسطة m.mostafa80

طب الحمد لله واحده واحده عليها بقى وتابع الحراره كويس
لفتره زمنيه حلوه كده وان شاء الله خير
خلى بالك أوعى يقولك بعد فتره تعلالى عشان أظبطلك تكيهات
التكيهات بتظبط مع نفسها لأنها ضغط زيت أطباق مش شواكيش

عينيا حبقي اعدي بس مش عشان الحاجه دي عايزين نسلم علييك

**necromancor** · 06-12-2009 01:49 AM

المشاركة الأصلية كتبت بواسطة original

الحمد لله المهم إتأكد إن الثرموستات سليمة ومروحة التبريد تمام لحسن تسخن تانى!!
وحاول ماتحطش غير المياه الأصلية وماتدخلش مياه من الحنفية خالص عشان ماتبدأش تعما صدأ فى الطرمبة.

من غير ضرب انا حطيت ميه (( احم من حالنفيه)) بس مستني اروح البنزيه عشان ينضفوا الريدياتير والرشاشات بالمره

**necromancor** · 06-12-2009 01:58 AM

المشاركة الأصلية كتبت بواسطة original

واللاهى عندك حق بس عن تجربة مفيش قطعة غيار بتعيش زى الأصلية..
ياسلام لو كل قطع الغيار اللى بتتباع أصلية أو حتى ليها عمر إفتراضى!! ماكونناش إتحوجنا لتجار المستعمل اللى بيلعبو بالأسعار وكمان ماكانتش الناس كرهت العربيات الفولكس بسبب قطع غيارها..

حقولك بصراحه
بعد مالفييت عند الناس بتوع قطع الغيار واسامي كبيره ومحترم ومعروفين وبدون ذكر اسامي اي حد فييكي يا مصر
ماكنتش حلاقي الحاجه اللي جبتها وركبتها في العربيه من اول الشجره المختومه بختم فولكس او بليه الشداد المختموه بختم فولكس الخ
كل اللي القييه مكتوب عليه واسباني ومضروب ميه في الميه واسأل اي حد يقول اصلي ومحفور عليه
انا بقولك لو عايز تحفر علي اي حاجه انها مصنوعه من المريخ انا اعملهالك
ولو عايز اضربلك رقم شاسيه عندي الطقم بتاع الارقام
فالما واحد غلبان زي حلاتي يعمل كده طيب دوله من اجمد الدول الصناعه في العام اللي هيا الصين مش حتقدر تعمل كده !!!!!!!
ويمكن يكون فيه في السوق حاجات اصلي والله اعلم
انا مستريح اني ركبت الاصلي وضامن الحاجه دي
والحمد لله

**original** · 06-12-2009 06:21 AM

المشاركة الأصلية كتبت بواسطة necromancor

من غير ضرب انا حطيت ميه (( احم من حالنفيه)) بس مستني اروح البنزيه عشان ينضفوا الريدياتير والرشاشات بالمره

أملاح مياه الحنفية عالية جدا بتوصل ل 400ppm أملاح ذائبة والعربية بالكتير لو حطيتلها 4 أو 5 ppm يبأا كويس لأن الأملاح تركيزها بيزيد مع البخر اللى بيحصلها والمياه المعدنية مكتوب عليها كمية الأملاح الذائبة واللى بتتراوح بين 130-170 ppm والمياه المقطرة بتوصل ل 1ppm وعليك أن تختار
إنتى تعرف إنك لو جيت حللت مياه مقطرة فى كباية مطرحها مياه من الحنفية أملاحها بتوصل 10ppm مع إن المياه المقطرة 1ppm وتعرف إنك لو حطيت صباعك فى الكباية وحللتها تانى بتوصل ل14ppm ؟؟
المهم مش موضوعنا بس كنت إشتريت 6 عبوات مياه مقطرة مش هيكلفوك 10جنيه بدل ماتدخل مياه من الحنفية ودى هتحتاج غسيل كتير بمياه مقطرة عشان تضيع الأملاح..
هتنزل اللى فيها وتحط مياه مقطرة وتمشى بيها يومين وبعد كدة تانى وتالت لحد ما الملوحة تخف خالص وبعد كده هات Hepu وربنا معاك..
وبعدين البنزينة بتنضف بمياه من الحنفية!! يبأا معملناش حاجةّ!! مفيش أحسن من القلتهولك مياه مقطرة وتتغير كل يومين لحد ما الملوحة تخف أو تروح لأن هوا دا اللى بيضيع طرمبة المياه والريداتير..