الموضوع: اولاً : شكر واجب لأجمد موقع قابلته

دى اول مشاركة ليا
بس ماتتخيلوش من ساعة ماسجلت فالموقع وانا كل يوم بدخل مش اقل من 10 مرات
والافادة اللى وصلتنى مش هقولكم قد اية ربنا يبارك فى كل الأعضاء والمشرفين المحترمين ومن تقدم الى آخر دوماً إن شاء الله

انا حابب اطرح حدوتى
انا معايا 128 عربية الشعب اللى بعتبر - من وجهة نظرى - اللى ماساقش 128 يبقى مش مصرى , عربيتى موديل 2001 والحمد لله مريحانى.
لكن جه اليوم اللى الواحد فكر يغير وبعد الدعبسة والتمحيص العويص رسيت على السيراتو , كلمت وسألت طوب الأرض فى كل صغيرة وكبيرة عنها الخليجى والوكيل والضمان والصيانة و و و و و و .... . , لكن مش عارف اطابق دة مع احتياجاتى

انا عايز اجيب سيراتو هاى لاين وكيل بالضمان فورى وفورى ودى النتايج اللى وصلتلها حتى اليوم :

1- محمد زكى السعر 127000 وكيل كاش طبعا ضمان الوكيل استنى شهرين
2- سمير ريان السعر 128000 خليجى اوبشن مختلف من عربية لآخرى ضمان Triple A
3- القصراوى السعر 130000 وكيل كاش طبعا ضمان الوكيل -صاحبنا دة بيقول بس منغير فرش جلد !!! مش عارف ازاى

دى اوضح النتائج اللى وصلتلها
كنت عايز اعرف رأيكم فى الموقف دة
وهل ممكن عربية من الوكيل تنزل منغير فرش جلد او اوبشن ناقص

الموضوع مش سؤال على قد ماهو نقاش

واعذرونى لو كان الموضوع اتناقش قبل كدة
وآآآسف على الإطالة

أخوكم أحمد سليمان

منتظر ومتابع