المفروض إن نسبة الأملاح الذائبة الموجودة فى مياه التبريد ماتزيدش عن 5ppm أو 5% وأكتر من كده المفروض تتغير أو ماتستعملش أساسا لأن النسبة بتزيد مع الإستعمال والبخر اللى بيحصل فى دورة التبريد للمحرك..
وعليه فإن المياه المقطرة التى لا تحتوى على أى أملاح والتى قد تصل إلى 1% أو 1ppm أفضل حاجة للمحرك بالنسبة للى بيستعملو مياه من الحنفية ومايعرفوش إن أملاح الحنفية بتيأا حوالى 380-450 ppm وإن أملاح المياه المعدنية 130 تقريبا وبيبأا مكتوب عليها الأملاح الذائبة حسب الشركة المنتجة..
يانهار ابيض
احنا كده كل عربياتنا مليانه املاح
طب والميه اخضرا اكيد مفيش احسن منها
المفروض إنها تتقاس بجهاز كشف أملاح سواء قبل الشراء أو بعد الإستعمال عن طريق عينة من الريداتير عشان تتغير لو أملاحها زادت!!
الكلام يبدو غريب بس دى حقيقة وزيها زى الزيت اللى بنغيره عشان عمر الموتور!! المياه أخطر من الزيت..
جبت جهاز لقياس نسبة الأملاح الذائبة
http://www.tdsmeter.com/tools/produc...files/0001.jpg
أخدت عينة من عربية إلنترا 2009 طلعت نسبة الأملاح 9000ppm مع إن المفروض إنها ماتزيدش عن 5ppm
ده طبعا هيؤدى إلى إهلاك الموتور فى أسرع وقت ممكن ونرجع نقول طرمبة مياه العربيات الكورى تعبانة!! مع إن العيب معروف..
الفكرة إن نسبة الإملاح بتزيد لما بتستعمل مياه فيها أملاح عالية لأن البخر بيطلع المياه ويسيب الملح..
يعنى نحط مياه مقطرة ؟
ولا الحمرا ؟
ولا الخضرا ؟
موضوع مفيد بارك الله فيك
+1اقتباس:
المشاركة الأصلية كتبت بواسطة د.محمود صلاح
وشكرا على الموضوع الغاية فى الاهمية كان فى عضو فى قسم فولكس لما حط ماية من الحنفية
الدنيا باظت عندو حدور على الموضوع واجيبه
موضوع حلو ومفيد شكرا
لاقيت الموضوع اللى بيثبت كلام حضرتك بجد حاجة خطيرة جدا
http://www.nilemotors.net/Nile/95816-a.html
بس ليا سؤالين العربيات القديمة لما بيحطوا فيها ماية من الحنفية متهيألى مش بتعمل مشاكل زى العربيات الحديثة يا ترى ايه تفسير دة
والسؤال الاهم ايه افضل ماية نستخدمها عشان نحمى العربية من المخاطر دى ونحافظ على الماتور
مش عارف ليه محدش مقتنع إن ممكن المياه المقطرة وحدها قادرة إنها تحافظ على الموتور وبعد كده ممكن ندور على المادة اللى ممكن نحطها بدالها أو عليها!!
فيه مياه أصلية خاصة بالتويوتا بتتباع عند الموزعين المعتمدين بس بحوالى 100- 150 جنيه
وفيه مياه ألمانى Hepu عبوة 1.5لتر 45جنيه تخفف بمياه مقطرة بتتباع عند موزعين قطع الغيار الألمانى بتتحط للفولكس خاصة وباقى العربيات عامة مع إن ناس كتير بتقول إنها Antifreez بس ده من أحد خصائصها
وفيه مياه من موبيل حمراء أو خضراء 45 جنيه
من الآخر المهم إن سائل التبريد لا يحتوى على أملاح ويكون فيه مادة بتحافظ على المعادن من الصدأ وتكون قليلة البخر وإحتوائها على إيثيلين جليكول اللى هوا مانع للتجمد مش هيفرق بس تقريبا مرتبط بيها..
----------------------------------------------------------------اقتباس:
المشاركة الأصلية كتبت بواسطة original
يا ريت حضرتك تقولي اشتريت الجهاز ده منين و بكام لاني كان معايا واحد زيه و ضاع مني و مش عارف اجيب واحد زيه لانه كان جايلي هدية
المشكلة يا جماعة مش في مياه التبريد لان ميه التبريد ممكن تشتريها من التوكيل او من محطات البنزين الكبري او كارفور
لكن المشكلة في ميه الغسالة ( غسيل الزجاج) لان دي انت بتزودها بشكل دوري و معظم انواع المياه الموجودة في السوق بتكون مركزة و لازم تتخفف بمية و هنا تكمن المشكلة لان ميه التخفيف غالبا حتكون من الحنفية و بكل اسف حتلاقي بعد فترة انسداد فتحات الغسيل و ترسب الاملاح علي الموتور
انا لقيت الحل الحمد لله لاني مركب وحدة معالجة مياه عندي في البيت و دي بتخرج نسبة الاملاح لا تتعدي 20 و بتقضي علي البكتريا الضارة و المعادن الزائدة فبقيت اخفف تركيز مياه غسيل الزجاج المركزة بالمياه المعالجة و الحمد لله ما بيحصلش اي انسداد او ترسيب للاملاح علي الموتور
نصيحتي المفروض كل الناس تشتري وحدة معالجة المياه دي لان بكل اسف المية اللي احنا بنشربها من الحنفية دي غير صالحة للشرب و علي فكرة يا جماعة ده تخصصي
محمد فهمي
موضوع مهم وضرورى
الله ينور عليك أخيرا حد متخصص فى المشكلة..اقتباس:
المشاركة الأصلية كتبت بواسطة borgelharm
الجهاز جاى من إنجلترا وياريتنى أعرف بيتباع فى مصر فين؟؟ لأن سعره مش غالى شفته فى أمريكا عامل 18 دولار وإنجلترا بالمصرى 200 جنيه
الله ينور عليك يا اورجينال باشا حبقي اسأل صديق لي صاحب توكيل وحدات معالجة مياه و عنده الجهاز ده
حبقي اسأله موجود فين في مصر و سعره كام و اقولك
محمد فهمي
موضوع جميل
اقتباس:
المشاركة الأصلية كتبت بواسطة original
PPM means parts per million
ويوجد طريقة رخيصة لقياس نسبة الاملاح بدون جهاز tds وهى تتم عن طريق بودرة بيضاء تباع عند شركات تنقية المياة
والقياس عن طريق انك تحط شوية من البودرة دى على شوية مياة من الريداتير مثلا وتقلبهم دقيقة حتلاقى لون البودرة اتغير للون من اتنينن لو اتغير لاحمر يبقى المياة دى فيها نسبة املاح عالية وتسمى hard
لو اللون اتحول لازرق يبقى المياة دى نسبة الاملاح فيها قليلة وتسمى فى الحالة دى soft
الاختبارات دى بتتعمل غالبا للاماكن اللى فيها غلايات مياة زى المستشفيات واالفنادق بشكل يومى او اسبوعى
ا محمد فهمى
ممكن تعمل موضوع متكامل عن وحدات المعالجة
اسباب الاستخدام و ازاى نستخدمة و نشتريةا منين و اية احسن ماركة
.................و الباقى عليك يا بطل
و لا يفتى و مالك فى المدينة
فى انتظرك
ربنا معاك
ياريت فعلا موضوع عن وحدات المعالجة عشان ناوى أجيب وحدة بس تكون مظبوطة..
متفق مع حضرتك و اورجينال باشا بأهمية الموضوع و بالرغم من اني كنت عامل موضوع متكامل عن الموضوع ده بس من زمان و بكل اسف عملت سيرش عليه و مش عارف اوصله انما بأذن الله في الايام القليلة القادمة حعمل موضوع متكامل عن وحدات معالجة المياه و كيفية عملها و افضل الانواع الموجودة و اعذروني لانشغالي شوية اليومين دول و كمان عندي مشكلة تقنية في الدخول لنايل موتورز حتتحل قريبا ان شاء اللهاقتباس:
المشاركة الأصلية كتبت بواسطة redawilliam
محمد فهمي
http://www.nilemotors.net/Nile/23069-a.html
علي فكرة يا جماعة قدرت اوصل للتوبك بتاع موضوع وحدات معالجة المياه - اضغط علي اللينك اعلاه لتطلع عليه لكن مع وعد بانشاء موضوع جديد في القريب العاجل ان شاء الله يشتمل علي كل المستجدات في هذا الامرو علي فكرة يا جماعة ان مش بشتغل في تسويق المنتج ده ان مجال عملي في شركة بدر الدين للبترول و مسئول عن استقبال و تدفيع الغازات من حقول الصحراء الغربية الي الشبكة القومية للغاز و الشركة القابضة للغاز يعني بعيد تماما عن الموضوع كل ما هنالك اني كيميائي و عملت لفترة في حقول البترول بجنوب سيناء ووحدات تحلية و معالجة المياه لكن طبعا بشكل هايبر جدا و عندي معلومات علمية عن الموضوع ده و حبيت افيد حضراتكم و بحكم خبرتي لدي علاقات واسعة في هذا المجال تتيح لي اختيار المنتج الافضل
محمد فهمي
يعني ميةالردياتير ا جماعة اللي هي المية الخضرا دة املاحها قليلة و نحطها و نطمن و لا نجيب نوع معين من المية
مش عارف أقوللك إيه بس لازم نحلل نوع كويس ونقول إنه أحسن!!
المشكلة إن العربيات القديمة نسبة بخر المياه من الرادياتير بتاعها بتبقى كبيرة لأن دورات المياه بتاعتها ماكانتش محكمة الغلق دي الجديد دلوقتي إلا أنواع قليلةوالمشكلة دي بتخلى الواحد ممكن يحتاج يزود مية في أي حتة في الشارع وطبعا ساعتها أقرب مصدر هو أي حنفيةبس بصراحة الموضوع ده مهم جدا فعلا لأن أنا بغير طرمبة المية بتاعت البيجو على فترات دورية سنة أو سنة وشوية وبتطلع فعلا الملح والصدأ واكلها تماما ... ومن ساعت ما إبتديت أهتم بنوع المياه الموضوع قل جدا فعلاوأحسن مية من البيت تكون من فلتر مياه فيه خاصية التناضح العكسي لأنها بتقلل الأملاح بطرقة جامدة جدا
بس المشكلة إن خاصية التناضح العكسي مش كويسة لشرب البشر .. لأنها بتقلل الأملاح الذائبة في الياه أكتر من النسب المسموح بيها
ايمن باشا ما تقلقش خالص من موضوع التناضح العكسي لان دي احدث تقنية في فلترة و معالجة المياه و مش بتخرج مياه مقطرة هي بتخرج مياه طبقا للمعايير الدولية لان الفرق بين المياه المقطرة و المياه المعالجة اللي خارجة من محطة المعالجة اللي عندي ان الميه المقطرة مافيهاش املاح خالص انما مياه محطة المعالجة (الفلتر) بتخرج حوالي من 17 الي 25 ppm و دي داخل النسبة المسموح بيها عالميا التي يجب ان لا تقل عن 5 و لا تزيد عن 50 جزء في المليون طبعا عكس ميه الحنفية اللي بتوصل فوق 300 يعني الخلاصة انت بتشرب كوباية ميه طبقا للمواصفات العالمية زي اللي بيشربوها في اوربا كده و لاحظ سيادتك ان ميه بالمواصفات دي بتتباع في كارفور بسعر 12.5 و اسمها فيفيان و مستوردة من فرنسااقتباس:
المشاركة الأصلية كتبت بواسطة NYSMA
و لما فكرت سيدة اعمال مصرية مقيمة في فرنسا ان تؤسس شركة في مصر لانتاج مياه معالجة اتحاربت من مافيا شركات المياه هنا في مصر و طفشوها من البلد خالص
المشكلة في الميه بتاعتنا مش في الجودة المشكلة في الشبكات و نسبة التلوث في النيل و ارتفاع نسبة البكتريا و الطحالب و ربنا يسترها علينا
محمد فهمي
اقتباس:
المشاركة الأصلية كتبت بواسطة borgelharm
الف شكر ياباشا على المعلومةبس أنا أعرف إن التناضح العكسي بيخلى النسبة أقل من 5 ppm وده كان في أحد البرامج التلفزيونية مش فاكرها بس ماكانش إعلان .. أرجو تأكيد المعلومة دي من حضرتك
بتبأا من 25 ل 17 ppm تقريبا
+1111111111111اقتباس:
المشاركة الأصلية كتبت بواسطة original
لان تقنية الضغط الاسموزي او التناضح العكسي تقنية بتنتج مياه عالية النقاوة و ممكن اقتناء جهاز قياس الاملاح اللي صورته موجودة في اول الموضوع للتأكد
يا جماعة مهم جدا و الله ان احنا نشرب كوب مياه نقي و نظيف و لو فيه حد من حضراتكم مهتم بموضوع الكشف الطبي الدوري كل عام حيلاحظ الفرق في نتائج التحاليل و في وظائف الكلي و نسبة الاملاح في الجسم قبل ما يشرب مياه معالجة و بعد ما شرب
و الامر كله لله انما احنا بناخد بالاسباب
محمد فهمي
هو ايه التناضخ العكسى ده اول مرة اسمع عنه و موجودة فى فلاتر ايه