شوف يا سولوم يا عزيزي،
فولكس من ساعة ما عملت عربية سعادتك وهي كاتبة على الإربة بتاعة المياه G12
ودي نوع معين من المياه ومفروض تستعمله، لأنه نوع خالي من الأملاح وكمان له قوام زيتي وده مفيد جداً لدورة تبريد العربية.
وتتميز المياه الحمراء G12 بأنها سريعة النقل الحراري، يعني تسخن بسرعة وتفقد حرارتها بسرعة ودا بيحقق ظروف التشغيل الصعبة بالنسبة للعربية سواء في البلاد الباردة أو الحارة.
فولكس برضو قالت ان المياه G12 لا يجوز خلطها بأي سائل تبريد آخر لأن ده بيؤدي إلى تلف خصائص الانتقال الحراري.
المياه الحمراء غير قابلة للتبخر مطلقاً ومفروض تغيرها كل سنة أو 20 ألف كم.
للعلم برضو أنه لا يجوز تخفيف المياه الحمراء ولا حتى بمياه مقطرة لأن ظروف التشغيل عندنا صعبة شوية.
السبب الرئيسي وراء الأضرار دي كلها هو الأملاح الموجودة في مياه الحنفية. جسمك محتاج الأملاح دي بس موتور عربيتك لأ
تخيل بقى جسمك يستحمل وموتور عربيتك لأ!!!
شوفت الدلع؟
ملحوظة أخيرة، استعمل فقط المياه الحمراء ماركة Hepu وأي نوع تاني فشنك ومضروب
ممكن كمان تستعمل الأصلي والفرق في الزجاجة حوالي 25-30 جنيه فرق
زجاجة Hepu بحوالي 50-55 جنيه والعربية محتاجة 2.5 زجاجة
بس كده
المفضلات