نبتدى من الأول بقى حكايتى مع التوكيل من يوم مجبت العربية

 حجزت ازبط حاجات فى العربية يوم السبت وكلمت الرقم المختصر بتاعهم وبقولهم كذا كذا كذا قالولى تشرفنا فى التوكيل وكله هيتظبط انزل واصحى من النجمة واروح اول واحد فرع المقطم يوم السبت بكل برود البنى ادم اللى قاعد على الباب يقلى حضرتك مش حاجز وبيتكلم بكل قرف
قلتلة يعنى انتة شايفنى جاى اشتغلك ...

طبعا بعد مسمعتة احلى كلام كلمت الرقم المختصر ورمتلة الموبيل عشان يسمع انا حاجز ولا مش حاجز رسينا فى الأخر على انى طلعت حاجز

قلت الحمدلله زى الفل نبتدى بقى اليوم لقيتة بيقلى حضرتك حاجز رجة موتور بس ! قلتلة نعم انا قايلها 11 حاجة فى التليفون وقالتلى انا هكتبلك المهم وقلهم الباقى لما تروح

 معرفش داخلت واحدة علينا وداخلة بتهزر بتقلة متدخلش حد مش حاجز اوعى ( الظاهر دمهم خفيف قوى هناك )

بعد بقى مزهقت وطهقت قالى احنا معندناش اى مشاكل نعملك كل اللى فى العربية ( طبعا بعد متنزفزت )

بس للأسف النهاردة السبت وصيانات سريعة

ومش عارف إيه فحنا مش هنعرف نعملك غير نظبط فريون التكيف ...

ونطلع نجرب العربية عشان موضوع الرجة وبالنسبة لبقيت الحاجات فبعدين حضرتك تنورنا قلتلة خلينا فى المهم رجة الموتور

 طالع بالعربية ولا أكنة سايق اجدع عربية فى الأوتوكروس مطبات وتبطل منه وار بى ام يعلى على 4 ... اكل بالعربية المطبات اللى على المطلع من اولها لأخرها اكتر من المطبات اللى اكلتها بالعربية من يوم مجبتها طبعا غير كل شوية تبطل منة ...

وقلة يا سيدى ربنا يهديك الرجرجة فى الطلعة يقلى مفيهاش حاجة ققلة الرجرة ديه كده مفيهاش حاجة يقلى ايوة ده طبيعى ققلة ده ال 128 مبتعملش كده

انا جربت عربية تانية بتاعت Hamed73 وكان استاذ Mohamed 1979 , test50 موجودين يومها وقالوا نفس الكلام ومكنش فيها الهوا يقلى واستاذ محمد جرب عربيتى وعربيت محمد حامد يعنى مش انا بس اللى جربت


المهم فى الأخر قالى بص حضرتك اخصائى الفتيس مش موجود فحضرتك هاتهلنا يوم تانى نشتغل ونشوف فيها إيه :)


 ده كده اول حاجة العربية كانت عاملة 2000 كيلو مش فاكر

من كتر قرفى قلت مش رايح غير على صيانة ال 5000 وتتظبط بالمرة

 فين الفرع الفاضى النظيف الناس كانت بتتكلم على العبور مع انة بالنسبالى سفر بس مش مشكلة

 نعيد الفيلم تانى بقى بس المرادى خليتها تكتب كل حاجة عشان مروحش يقلى نفس الكلام

 نزلت من الساعة 6 ونص الصبح وطلعت على العبور ( على امل يعنى انى اشوف ناس بتعرف تظبط العربية اكتر مبتثبت فى العملاه )

 طبعا كنت من اول العربيات اللى وصلت

استنيت شوية لما فتحوا ونبتدى بقى الرحلة الجديدة

 العربية فيها إيه :-

صيانة 5000
 تزيق فى الكرسى اللى جنب السواق
 النور مش مظبوط مش فارش على الأرض زى بعضة
 استيكر الباب عايز يتغير ( مستلمها كده )
خربوش فى الباب ( مستلمها بيهم )
الإزاز مش بينزل لأخر سنة وفيه صوت دبة وهوة طالع وهوة نازل
 مفتاح النور بيرجع شوية لوحدة الى بيعلى ويوطى مستوى النور
الكارثة :- صوت ساعات وساعات بيبقى ظاهر ولما ادوس على الدبرياج بيختفى ( بلية الدبرياج افتكرو ديه كويس قوى بقى )
رجرجة وانتة طالع بالعربية ( طقم دبرياج يا قواعد موتور ملهاش تالت )

مش فاكر الباقى بصراحة

 صوت صفارة خفيفه فى دواسة الفرامل لما ادوس واشيل
 مش فاكر بصراحة بقيت الحاجات بس حاجات كده يعنى المهم

 طبعا قالى نطلع نبص على العربية يا باشا
ماشى :)

 قالى الخربوش والأستيكر بعد منخلص هنا تتطلع على قسم السمكرة ( ماشى برده خلينا نخلص )

والرجرجة بعد منربط عفشة نشوف الموضوع ده تانى

 والبلية البايظة ( حضرتك كل اللوجان كده ) يعنى إيه يا عم كل اللوجان كده متغيرها ... مهو حضرتك البلية اللى عندى جوة نفس اللى عندك فى العربية فمش هتفرق حاجة ...

يعنى إيه اخر مزهقت باين كان عايز ينجز عشان العيد داخل كان تانى يوم اجازتهم ... المهم انا كل اللى هاممنى الحق اشوف موضوع الرجرجة ... سيبت العربية :) و استنيت :)
العربية خلصت ياباشا :)
عملتوا فيها إيه صيانة 5000
 تربيط عفشه
 غسيل عربية

 وبالنسبة لموضوع النور بقىى تمام مفيهوش حاجة

 والدواسة بتاعت الفرامل مش عارف عملنا فيها إيه ومفيش صوت

 ومكنة الإزاز كانت مفكوكة وربطناها

 والكرسى اللى جنب السواق زيتناة ولا مش عارف عملوا إيه يعنى مفيش تزيق

 مفتاح النور قالى نبقى نشوفة المرة الجاية عشان عيد وكل سنة وانتة طيب

 والرجرجة قالى تمام واطلع جرب ولو فيه حاجة تحت أمرك ( ناس بجد ملهومش حل فى التثبيت )

اطلع اخد الوصل عشان امشى واروح الناحية التانية :) سمكرة ده طبعا بعد محسيت ان العربية اللى بيحكيلى عليها ديه طبعا بقت جديدة بقى وفرحان بقى موصفلوكوش )

 اخدت وصل الإستلام :)

 وطالع فين العربية يا جدعان !!!

 مش لاقى حد اسئلة المهم لقيتها واقفة جوة قلت اخدها لقيتها من البداية متغسلتش ...

لقيت عامل هناك قلتلة وصل الإستلام مش بتاع العربية ديه والمفروض خلصت

( ايوة ياباشا 5 دقايق بس نغسلها ونجبهالك مع ان كان فيه عربية ججوة بتتغسل )

ما علينا ( خلينى انا الكبير ) استنيت بتاع نص ساعة عقبال مغسلوها :)

وطلعت استلمها ( ديه طبعا العربية اللى خلاصانة ومعايا ايصال الإستلام بتاعها من نص ساعة مثلا )

نبتدى بأول حاجة غسيل العربية ...

المشكلة انى موبايلى كان فاصل معرفتش اصورها :)

العربية تراب بقى على الكراسى والطابلوة بترابة والأرض مش نضيفة وزى الفل ديه العربية اللى اتغسلت

( يلا معلش مش مشكلة هبقى اظبطها فى البنزينة خلينا فى المهم عشان الحق اروح السمكرة )

الرجرجة مفيش اى اختلاف

 مكنة الإزاز اتربتط بس مش 100 100 بيحود سنة وهوة بيقفل فى الأخر ( صوت الدبة راح )

 الصوت اللى فى الكرسى زى مهوة متعملش فيه أى حاجة (1)

 صوت اللى فى دواسة الفرامل زى مهوة متعملش فيه أى حاجة (2)

النور ( وطولى الفانوس اليمين اللى كان مظبوط وعلولى الشمال سنة عشان ميحسيسونيس بالفرق قوى )

قلت مش مشكلة هبقى اعملهم فى اى حتة طبعا مكتشفتش النور غير بعد ممشيت


 + بقى الجديد لو ماشى على 20 مثلا ودوست فرامل جامد تلاقى صوت مزيكة حصبلة قدام الكلام ده بعد الصيانة

مكنش موجود عندى قبل الصيانة

 + المية بتاعت العربية كانت مظبوطة بين ال Min و ال Max متسقلنيش إيه اللى خلاها فوق Max بشوية بعد الصيانة ( شغل بقالين من الأخر )

المهم

قلت الحق اروح السمكرة عشان ابقى خلصت من كام حاجة

 روحت السمكرة وقلت ارجع عشان اشوف الرجرجة و حاجة جديدة ظهرت بعد الصيانة :)

 خلصت من السمكرة على الساعة 3 مثلا

 رجعت الناحية التانية

فين اللى استلم العربية

 مش قاعد على المكتب

طب انا عايز ادخل العربية عشان لسة فيها حاجات ( لما يجى )

العربية كانت هنا ولسة فيها حاجات متظبتطش ... طب هنبعت حد يناديه

 طبعا الراجل جاى متنرفز قوى من نفسة زى ميكون حد دخل صحاة من النوم

 إيه يا باشا فى إيه قلتلة الرجرجة اللى انتة قلت عليها زى مهيا :)

 هوة :- نطلع نجرب ( وانا جوايا بقول يارب ميقليش كده عشان زى اخوة فى توكيل المقطم سواق زى الفل صباح الإفتراه مهم مش دافعين حاجة فى العربيات )

اطلع يا عم :- طالع با أر بى ام على 2 ونص ويقلى فين الرجرجة

ققلة هيه الطالعة اللى انتة بتطلعها ديه بتاعت ناس طبيعية ... المفروض اسمع الشارع انى هطلع بالعربية ولا إيه

 المهم طلع عادى فيها رجرجة انا شايف كده
 يقلى طبيعى

 بص اخر مزهق قالى نجرب عربية تانية :- راح جرب عربية الموضوع ققل بكتير قوى عن عندى ...

يا عم مهنا مش زى هنا هنا مظبوطة يقلى لأ الأتين واحد ...

اخر مزهقنا احنا الأتنين وموصلناش لحل دخل نادالى مدير الورشة باشمهندس اسلام باين معرفش كانوا عمالين يتتوشوشوا على إيه وهما جاين بس الحق يتقال راجل فى قمة الإحترام ....

ركب جرب :) طبيعى :) طبيعى ان العربية بتترج كده وهيا طالعة :)

أيوة طبيعى .... انا جربت لوجان تانية ومكنتش كده قالى لالالا هيا كده طبيعى ومفيهاش حاجة ...

يا سيدى الرجرجة ديه مفيهاش حاجة ديه ال 128 مبتعملش كده ( مهيا ديه مش 128 ده كان الرد )

والصوت اللى فى العربية لما ادوس فرامل ( طبيعى يا باشا العفشة بتريح )

طب مش المفروض ( سألتة على حاجة ) الرد بردوا طبيعى

يعنى إيه فى الأخر

 قالى حضرتك عايز تسيبهالى اغيرلك طقم دبرياج ماشى بس هتاخدها بعد العيد وهتاخد منى العربية على نفس حالتها ديه لأن ده طبيعى ...

طبعا اكيد يعنى ولا هيغير ولا هيعمل مهوة كده كده هيديهانى زى مهيا فهيتعب نفسة ليه :)

قلتلة هبقى اجيبها بعد العيد بقى نبقى نشوف الموضوع ده :)

واخدت العربية ومشيت

من ساعتها مفضتش انزل بس بينى وبين نفسى ... لو نزلت المقطم وقالى بردة طبيعى يبقى هما اللى جابوة لنفسهم :) لأن للأسف الإحترام مبينفعش فى الزمن ده :) وحماية المستهلك موجودة وحاجات تانية كتير :)

لأ وانا اللى مشترى العربية مخصوص عشان اللى سمعتة عن التوكيل حسيت انة توكيل من كوكب القمر بلا نيلا