تقرير عن رحلتى لصعيد مصر فى اجازة العيد بالصور ....اكتو فى سوهاج الحق الخبر
مبروك علينا اجازة العيد والرجوع للكليات والمذاكرة والذى منة
المهم
انا قضيت الاجازة فى البلد (محافظة سوهاج مركز البلينا قرية برخيل )(ومعنى اسم القرية الاصلى هوة بر الخيل بس الناس غيرتة مع الزمن ومعناة ارض الخيول اسم حلو صح بس انا لما رحت لقيت حمير بس هههههه )
انا هاحط الصور والشرح تحتها اوك
نبدا
المسافة من هنا (اكتوبر لهناك حوالى 580ك) وبما ان والدى بيمشى على 80 او 90 فالطريق كان شبة فيلم الطريق الى ايلات وطول الطريق قاعد نايم او صاحى اسأل والدى فاضل قد اية وانام تانى
دى صورة الحاجاااااات الى اخدتها
http://up.arb-up.com/i/00006/zw2yp9iqvztn.jpg
1- اللاب تووووب
2- اتصالات يو اس بى علشان اتكلم انا وايفو وكابوس ونرغى
3-البرفانات حبايبى segar >paradise>sultan men black
4-كروت الشحن الاحتياطى 3 اتصالات واحد موبينيل
5- الام بى ثرى (استرا)والهيدفون (اتش بى)
6-فرشاة الاسنان والمعجون (دبيوردينت ونوع الفرشة اورال بى )
7-مستحضرات القضاء على اللعنة الفرعونية حب الشباب (اكنى بنز)
8-التليفون السامسونج الاحمر دة القديم e250والاتنين دول اضطريت اجيبهم لانى اكتشفت انى نسيت تليفوناتى التانيين(n95/7610) فى اكتوبر فرحت اشتريتهم (نوكيا 1209 الواحد ب170ج )وطلعت شريحتين جداد للارقام التانية
9- امممممم بس كدة تقريبا كل حاجة بالتفصيل
http://up.arb-up.com/i/00006/glrb4la4zjh6.jpg
دة شكل بيتنا(البيت جديد ولسة فاضل شوية حاجات بسيطة ما اتعملتش وجارى تنفيذها ) عموما هوة الالوان عملوها من دماغهم لان والدى كان مسافر والمفروض بدل اللون السيمون بتاع البلكونات كان يكون بيج مع اللون البرتقالى بس هانقول اية صعايدة قال اية عجبهم السيمون وماعجبهمش البيج
http://up.arb-up.com/i/00006/oefn12m3zpne.jpg
اما دى بقا حكاية دى الكنبة الصعيدية اسمها دكة دى حاجة زى الكنبة عليها سجادة ومسندين للرأس وتشيل حوالى 4 افراد وتكسر ظهر كل واحد هههههههههه بس عجبتنى اوى مش عارف لية اول ما دخلت المدخل كانوا حاطيين 4 منها فعجبونى وبافكر اخد واحدة اكتوبر (تفتكروا هايقولوا عليا اهبل ؟)
http://up.arb-up.com/i/00006/tdkj0t39wqn2.jpg
http://up.arb-up.com/i/00006/kstprovfcj0w.jpg
والدور العلوى فية بلكونة حلوة وكبيرة بطول البيت 17 متر فى عرضها 3ونص متر ولافة البيت كلة ومساحة البيت 470 متر يعنى حاجة يدوب تكفينى اقزقز لب وسودانى بس انا ماصورتهاش كلها يدوب صورتين بسس
http://up.arb-up.com/i/00006/qd5kphskmn1r.jpg
دة بقا الفيو الاساسى للبلكونة دى مسجد جميل وظريف (اسمة مسجد الكريم جدى الله يرحمة هوة الى اسسة ولو لاحظتوا هاتلاقو جنبة مبنى صغير وبيت وساحة كبيرة وراهم تحت الانشاء دول جارى تحويلهم الى معهد ازهرى بنات ابتدائى واعدادى وثانوى على مساحة 2 فدان لان دى وصية جدى علشان يرفع نسبة التعليم للبنات فى الصعيد لانهم مش مهتمين خالص بالموضوع دة لان اقرب معهد ازهرى للبنات على بعد 80 ك والمواصلات مقطوعة فبيخافوا على البنات فكدة مش هايكون ليهم حجة بجد ربنا يرحمة ان شاء الله كمان سنة بالكتيير هايكون المعهد شغال )
http://up.arb-up.com/i/00006/jkrz9233886h.jpg
دى بقا الفيو التانى الصور (الظل بتاع البيت باين على الارض) الى تحت على اليمين دة حاجة اسمها الدوار (ودة عبارة عن قاعة مناسبات طول السنة ومفتوحة يوميا بيتجمع فيها الاهل والاقارب والذى منة وتقدروا تقولوا عليها الريسيبشن (ههههه ريسيبشن صعيدى صيفى ) ودى لازم يقعد فيها عمى (العمدة ) علشان يستقبل الناس ويشوف مشاكلهم والاحوال وكدة والمشاكل مش بتتعدى حدود ان واحد بوظ الزرع بتاع جارة او واحدة بوظت غسيل جارتها او واحد مش لاقى حاجة يعملها غير انة يتخانق مع مراتة وكدة طول اليوم لولا انى هاكون باتكلم بالنميمة كنت حكيتلكوا على المشاكل دى بالتفصيل ههههه الى تموت من الضحك هههههههههههه)
على فكرة لو ركزتوا هاتلاقوا جوة الدوار معزة واولادها كانوا فى الشمس وصعبوا عليا فدخلتهم جوة ولما والدى طلع لقاهم مبهدلين المكان خالللللللللص وقعد يسأل مين الى دخلهم وطبعا انا ما اتكلمتش هههههه بس صعبوا عليا الشغالين الى اتهزقوا علشان غبائى لانهم كانوا محطوطين فى الشمس علشان البرد وانا شيلتهم من الشمس
http://up.arb-up.com/i/00006/vdk2nlu7040i.jpg
http://up.arb-up.com/i/00006/vg5c0tle4oya.jpg
http://up.arb-up.com/i/00006/vdd3szdatump.jpg
ال3 صور الجامديييييين دول بقا الفيو لبلكونة اوضتى باكون قاعد باشرب قهوة واتفرج على الجمااااااااااااااااال دة وعلى فكرة الاوض الباقية الفيو بتاعهم حلو زى دة ولا وكمان اية باكون قاعد ومشغل اصالة ومعايا القهوة والبسكويت وباكلم ايفو ههههههه يعنى اخر روقان
http://up.arb-up.com/i/00006/0pvn0as6mtf4.jpg
http://up.arb-up.com/i/00006/o6n5luqb0tpv.jpg
هههههههههه الصورتين دول بقا واضحين عجبونى المعزة واولادها الى انا عزبتهم والصورة دى فى الدوار من جوة والحمار واصحابة لقيت شكلهم لذيذ فصورتهم هههههههههه هافضحهم على الفيس توكتوك
ههههههههههههههههههههههههه هه
ههههههههههههههههههههههههه هه
ههههههههههههههههههههههههه هه
ههههههههههههههههههههههههه هه
طبعا انا قبل ما اسافر نزلت اشترى هدوم وكدة
وجبت جواكت من افانتى وزارا
وقمصان من جوتشى ولافييرا
وكوتشى من تمبرلاند
يعنى كنت مسافر بشياكة بقا ورااااايق وكنت اخر تمام
بس الكارثة
عجبنى الزى الصعيدى والاكسسوار بتاعة العصاية والسبحة واخدتة من ابن عمى وطلع مقاسى واتصورت بية علشانكم والله بس محدش يبص ههههههههههههههههههههههه
الى هايتريق هاتصل بيهم ييجوا ياخدولى تارى منة هههههههههههههه
دى بقا صورتى بالزى الصعيدى هههههههه غمضوا عينيكوا
http://up.arb-up.com/i/00006/vdsvhf7v0nod.jpg
اية رايكم بقا فى اجازتى ال10 ايام دول (طبعا شيلوا من دماغكم شكلى انا بالجلابية والله انا شكلى طبيعى هههههههههههه حتى اسألو احمد bmw323وايفو وسيف وكابوس وشريف وا محمد عزت و1 ياسر وحسام الزبلانى ههههههههههههه شفتة دول كلهم شهود ) بس كانت اجازة حلوة بس مملة شوية علشان مفيش خروجات او كدة بس كانت فيها متعة مش عارف ازاى مع انى كنت طول الوقت زهقان بس برضة فرحان قولوا رايكم فى الاجازة