لاقيت ترشيح زى متقول زيت على مسطرة رشاشات عربية واحد صاحبى لانوس 2 ... من عند نقط اتصال الرشاشات بالمسطره ... على فكره هو مغير الرشاشات برده ببتوع البى ام 40 .... يا ترا ده ايه و يتصلح ازاى ... حد عنده فكره ؟
عرض للطباعة
لاقيت ترشيح زى متقول زيت على مسطرة رشاشات عربية واحد صاحبى لانوس 2 ... من عند نقط اتصال الرشاشات بالمسطره ... على فكره هو مغير الرشاشات برده ببتوع البى ام 40 .... يا ترا ده ايه و يتصلح ازاى ... حد عنده فكره ؟
اكتر حاجة ممكن تجيب زيت فى المكان دة الكوعة اياها
كان ممكن اشك زيك كده ... بس المسطره مش كلها غارقانه زيت ... او حتى متغطيه بالتساوى ... لاء ده الزيت عند نقط اتصال الرشاشات بالمسطره فقط ! عند كل رشاش !
احتمال تانى
البنزين علية زيت
البنزين بيتبخر ويبقى الزيت
متقولولنا رايكم ايه يا اساتذتنا ...
رايك ايه يا باشمهندس محمد ممدوح ؟
رايك ايه يا باشمهندس سمير ؟
عاوزين نعرف الأول شوية أسئله
1- خط الفائظ بيجيب زيت
2- المكنه بتاكل زيت وبدخن مثلا ولا هو حاطط زيت كتير فى الكرتير
3- الرشاشات كلها بمنطقة ألتقاء الرشاشات بالمسطره كلها عليها زيت ولا لا
وملناش دخل بالمسافات البينيه لأن كلامك واضح
أنا يهمنى الرشاشات نفسها لحد المسطره
عليها زيت ولا لا
انا شاكك فى جوان غطا التاكيهات
بس لولا كلامك (عند نقطة الالتقاء دى)
هل الزيت فوق علامة ال max على المقاساقتباس:
وبدخن مثلا ولا هو حاطط زيت كتير فى الكرتير
هوة انت مش بتكلم مدرسييين ولا اية الحكاية؟
هى دى اللى عاوز أعرفها وبدور عليها من خلال الأسئله السابقهاقتباس:
مظبوط كلامك يا باشمهندس ... هو فعلا فوق علامة ال max ...
بص ياسيدى
طالما هو مغير رشاشات أستعمال
يعنى السيلات أو ال o ring
اللى راكبه حول الرشاشات و على رأس السلندر ناشفه
لأنها أتعرضت لحريق سابق (فى المكنه اللى طالع منها الرشاشات )
وبما أن الزيت زياده
فشنبر الزيت مبيرجعش كل الزيت للكرتير تانى
لأن الزيت على جدران غرف الحريق كتير على الشنبر
يبقى فيه زيت بيدخل غرف الحريق
ونظرا لأن الرينجات مش حابكه كويس على رأس السلندر
ومع تعرض المنطقه دى لضغوط مع مشوار الضغط التانى من أشواط الحريق الأربعه
شوية زيت مع كبس بيخرجوا من حول الرينج ويلوثوا الرشاشات
ويعملوا زى نافوره فى أتجاه موازى لجسم الرشاش من الخارج
وأيه اللى بيصد النافوره دى .....المسطره طبعا
هو ده السبب بنسبه كبيره جدا
والحل أخراج الرشاشات مره ثانيه مع تغيير الرنجات القديمه
وظبط المقاس بتاع الزيت أن أمكن
تانى حاجة الاخ محمد ممدوح قال ال bmw بتركب فى اللانوس 1
1-هوة الرشاش راكب فى السلندر ولا فى المانيفولد
2-لو كلامك صح كانت العربية دخنت
كلام معقول يا باشمهندس سمير ... الله يفتح عليك ...
بس نشترى ال O-Rings دى منين ؟ و طبعا انا معرفش ننزل شويه من الزيت ازاى من غير منفك طبة الزيت ... هل فى طريقه تانيه ؟
فهمت
الله يخليكاقتباس:
كلام معقول يا باشمهندس سمير ... الله يفتح عليك ...
عارف اللى أشتريت من عنده أويل سيل العقربهاقتباس:
بس نشترى ال o-rings دى منين ؟
حتلاقى عنده كل طلباتك
هى دى أحسن طريقهاقتباس:
و طبعا انا معرفش ننزل شويه من الزيت ازاى من غير منفك طبة الزيت ... هل فى طريقه تانيه
التهويه على طبة الكرتير وتنزيل شوية زيت فى وعاء نظيف
أحتمال تحتاج شويه (لو نزل زيت كتير والمقاس قل )
كلامك صح طبعااقتباس:
بس سؤال يا باشمهندس سمير ... مش هوه لو كده المفروض فعلا العربيه تدخن؟
و كمان نلاقى زيت فوق البوجيهات ؟ و ده مبيحصلشى ! ولا ايه رأى حضرتك
بس دى عمليات حريق
ممكن متلاحظش الدخنه وبالذات والعربيه ماشيه وكابس على الأكسراتير
وممكن البوجيهات تكون بتخلص فى الدور على أى تعريق زيت مع أنطلاق الشراره والحريق
علشان كده بتنظف نفسها
ريح نفسك ونزل شوية الزيت الزيادة وللأسف مفتكرش فية طريقة تاتنية غير انك تهوى الطبة سنة وتضع وعاء نظيف وتقدر كمية الزيت الزيادة وتنزل شوية وتقفل الطبة تانى.
وبعدين شوف مقياس الزيت بقى مظبوط ولا ناقص لو ناقص زودة شوية من الزيت اللى نزل فى الوعاء .
كان عندى شوية زيت زيادة حوالى ربع كيلو او اكتر سنة وكانوا ملخبطين العربية اخر لخبطة ( وطبقت الكلام اللى فوق بناء على تعليمات الباش مهندس سمير) وبعديها اخد العربية مشوار طوالى محترم وكل الاوهام اللى كانت فى العربية اختفت بفضل ربنا وتعليمات الباش مهنس سمير
العربية كانت اول الدوارة اول ما المؤشر يثبت تدخن شوية ويخطفى الدخنة متظهر تانى غير لما تتعاد القصة وكل ما اروح لميكانيكى يقولى بخار مياة اكتر لدرجة انى شكيت فى كلام الميكانيكية وروحت قيست كبس المكنة ولقيت الدنيا تمام .
بخلاف ان العربية كانت صوت المكنة عالى شوية وبتأخر فى الدوارة جامد .... بردو صوت المكنة بقى ناعم بمراحل بعد تنزيل الزيادة والدوارة اتعدلت كتير بس بردو سعات تعملها معايا وتأخر شوية
جرب تنزل الزيادة وخد مشوار محترم وجرب كدة شوف فى اخلاف ولا لأ
وربنا يقدم اللى فية الخير
اة سورى نسيت اقول حاجة
لما تيجى تنزل شوية الزيت الزيادة يفضل انك تنزلهم والعربية باردة عشان الزيت يبقى متصفى فى الكارتيرة وتظبت المقياس صح
وبردو عشان لو هتعملها بنفسك الزيت ميبقاش سخن وانت بتقفل الطبة بأيدك
وممكن جدا تعمل العملية دى بنفسك زيى ارفع العجلة اليمين بالكوريك وجيب دواسة نظيفة وانزل تحت العربية واتعامل سهلة جدا دة انا بفكر بعد كدة اغير الزيت بنفسى طالما اللى بيحط الزيت بيكروت المقياس وبيحط وخلاص
بس المشكلة معايا فى فلتر الزيت
معلش حكرر تانى التعليق على النقطه دىاقتباس:
بس سؤال يا باشمهندس سمير ... مش هوه لو كده المفروض فعلا العربيه تدخن؟
و كمان نلاقى زيت فوق البوجيهات ؟ و ده مبيحصلشى ! ولا ايه رأى حضرتك
لاحظ أن الزيت ممكن يكون بيعدى من حول السيل فى نهاية شوط الأنضغاط ( الشوط التانى من أشواط الحريق الأربعه)
وطبعا لسه محصلش حريق قبل النقطه الميته العليا لحركة البساتم لأعلى
حنقول البوجيهات أتلوثت شويه
بس فيه زيت عده وراح زى ما قولنا
لما يحصل الشراره بأه (قبل النقطه العليا بدرجات قليله ومحسوبه )
وبداية أنفجار مخلوط الهواء والبنزين
البوجيهات ممكن تتنظف ومتحسش بأى حاجه غريبه عليها (زى تعريق زيت )
بس مننساش الزيت اللى عده قبل كده من حوالين الرنج وكان ماشى فى أتجاه المسطره على جسم الرشاشات من الخارج وهو أساس موضوعنا الحالى
الكبير كبير
الله يخليك يا حسام باشا
كلنا أخوات وبنكمل بعض
وكلمه من عندى على كلمه من عندك
حنتعلم مع بعضنا بلاشك
يا استاذنا ممكن سؤال عن ريش المساحات ولا بلاش
استاذ و الله يا باشمهندس سمير ...
ربنا يكرمك و يجازيك خير ان شاء الله ...
هجرب كده و اشوف ايه النتيجه ...
غازات شوط الضغط بتبقى محكومة جوة غرفة الحريق... حتوصل ازاى للرشاشات؟... و لو فيه تسريب من صبابات السحب حتبقى مشاكل العربية دى اكبر من وجود اثار زيت على الرشاشات... كدة موجة الاشعال حتضرب فى منافول السحب فى صورة مدافع و الممكنة حتفقد جزء كبير من قدرتها و بمرور الوقت صباب السحب حيبوظ من الاجهاد الحرارى
كمان الرشاش مش راكب فى وش السلندر... الرشاش راكب فى المنافولد شخصيا بالتالى هو ملوش اى علاقة باحكام وش السلندر من اى ناحية... اضافة الى ان الزيت من ناحية اتصال الرشاش بالمسطرة بالتالى القصة بعيدة تماما عن البساتم و الوش و المنافولد
MMamdouh
أظن أن لو شنبر ال بوجيهات لازم برده يطولها زيت .
وليه منفكرش فى أويل سيل الصباب ؟ و أيه هى أعراض تلفه أو عدم أحكامه ؟
كل الاسباب المذكورة مش حتطلع زيت على مسطرة الرشاشات باى شكل من الاشكال
دورة البنزين لا تلتقى بغرفة الحريق باى شكل مباشر.... البنزين بيدخل غرفة الحريق من خلال سحنة الهواء المسحوبة فى المنافولد بالتالى مينفعش اى غازات اتسربت من غرفة الحريق انها ترد الى داخل دورة الوقود عشان تتسرب من الo ring العلوى للرشاشات...
و حتى لو التسرب حصل لبعض الزيت من صباب السحب... الغازات المتسربة حتتجة الى نافولد السحب لان الضغط فيه بالسالب (فراغ) و مش حتطلع من أل o ring السفلى للرشاش باى حال من الاحوال
MMamdouh
كلام جميل
أمال الزيت جه على الأماكن الموصوفه منين
:_Alshmokh08[1]:
السلام عليكم مع احترامي للجميع انا شايف وجهة نظر تانية وبسيطة الميانيكي حب يعمل معاك واجب وهوبيركب الرشاشاتحط زيت علي الاورنجات عشان تركب بسهولة او لانهاناشفة انا شايف ان الموضوع بسيط اما موضوع زيت الموتور عند الرشاشات ف دة استحالة لان ببساطة الرشاشات جزء من دورة البنزين الحقن يعني ... مالوش علاقه بالزيت خالص... البنزين يطلع من طرمبة البنزين لحد الرشاشات يستني اشارة الكنترول عشان يفتح ويحقن ويقفل بعد كدةوشكرا ... لان الزيت من باب اوي يظهر علي شكل دخان ابيض او بضرب وش السلندر او ينقط ع الارض مثلا
اقتباس:
السلام عليكم مع احترامي للجميع انا شايف وجهة نظر تانية وبسيطة الميانيكي حب يعمل معاك واجب وهوبيركب الرشاشاتحط زيت علي الاورنجات عشان تركب بسهولة او لانهاناشفة انا شايف ان الموضوع بسيط
الحقيقه الوجهات المتشابهه دىاقتباس:
ممكن دة اثر الزيت اللى حطة الميكانيكى على الo ring قبل ما يشحط الرشاشات فى المسطرة... الحتة دى مفيهاش زيت و لو دة تسريب بنزين كان بان من الريحة و الاستهلاك
أكثر منطقيه بكل المقاييس
وبرضه يفضل لقطع الشك باليقين
أن يتم تطبيق وجهة النظر الجميله دى
يعنى الغسيل والنظافه هما الفيصل فعلااقتباس:
ممكن ينظفها ويتابع ممكن تكون اثار التغير للرشاشات الميكانيكى حب يحط شويه زيت
علشان ................:oops:
مع متابعة التطورات
انتو بتكلمو مين ؟
طيب لو سمحتوا
انا الموضوع ده حاصل عندى فى الرشاش رقم 3 من على اليمين بس اثار الزيت المحروق موجودة عند التقاء الرشاش مع المنافولد ومنتشرة على فرعة المنافولد اللى خلف الرشاش
ان شاء الله ننضفها و نشوف ان كانت هتجمع تانى ... ربنا يستر ...
و وجهة نظر باشمهندس محمد ممدوح الصراحه انا شايفها اقرب الى الواقع ... ان شاء الله خير ...