الموضوع: ما هى أسباب فشل الكورولا المجهزة بالفتيس ال mmt فى مصر ؟

المشاركة الأصلية كتبت بواسطة sab3aawy

فى رأييى المتواضع ان مشكلة الmmt هى مشكلة ثقافة وسوق وخطأ تسويقى
هذا الجيربوكس يصنف فنيا على انه جيربوكس نصف اوتوماتيكى وليس جيربوكس اوتوماتيك
ويمكن فى هذا الصدد مراجعة الرابط التالى
semi-automatic transmission - wikipedia, the free encyclopedia
مع ملاحظة ورود فتيس تويوتا الmmt ضمن قائمة الأسماءالتجارية لهذا النوع من الفتيس النصف اوتوماتيكى فى نهاية الصفحة المشار اليها بالرابط
وهو جير بوكس له اسلوب عمل واسلوب قيادة يختلف عن اسلوب قيادة الفتيس الأوتوماتيكى المعتاد ، ومن الواضح انه كان مصنعا بالأساس للبيع فى اوروبا، بدليل عدم طرحه نهائيا فى الخليج
وبالتالى لم يكن يصح من تويوتا مصر ان تبيع هذا الفتيس-الموجه بالأساس لمن يحب التحكم فى عمليات النقل- لزبون الأوتوماتيك العادى، الذى كان يقود نوبيرا او لانسر كريستالة او حتى كورولا من موديل سابق بفتيس اتوماتيكى وكان سعيدا بأدائه، لكى ينتقل الى هذا الفتيس الذى لا يناسب فكرته عن القيداة الاوتوماتيكية فى زحام مدن مصر ويفاجأ بأنه لاب ان يتدخل فى عملية النقل سواء بالكثير من رفع وخفض القدم عن دواسة البنزية او من خلال البدالات على عجلة القيادة لكى يحصل على اداء مقبول، فى حين ان قيادته بطريقة -بنزين فرامل- التى اعتادها فى سيارته الأتوماتيكية السابقة تعطى نتائج غير مقبولة ،
وبالتالى فأن الخطأ هو بالأساس خطأ من لم يقوموا بتوعية المشترى بما يشتريه اما عن جهل-وفى هذه الحالة يكون الخطأ مشتركا بين تويوتا مصر وتويوتا الأم- واما عن سوء نية لمجرد تحقيق مبيعات وفى هذا الحالة يعتبر هذا جريمة من تويوتا ايجيب افقدتها بالفعل كثير من نصيبها فى سوق السيارة الملاكى المتوسطة لصالح ماركات مثل هوندا وكيا وسكودا -بل وحتى تجار الكورولا الخليجية -لمده عامين، وستبذل مجهودا لا بأس به لاستعاده هذة الحصة من نصيبها فى السوق ، وربما لكى تتعلم-ويتعلم غيرها منها- ان المشترى المصرى ليس اقل وعيا من غيره، وثمن الجهل فى التعامل معه-لو افترضنا حسن النية- او خداعه-لو افترضنا سوء النية- هو خسارة حصة لا بأس بها من السوق

كلام موزون وعاقل جدا

لخص المشكلة فى سطور

المشاركة الأصلية كتبت بواسطة abav

السلام عليكم
أحب أوجه رسالة حب و تقدير و عتاب للأخ سبعاوى مع دعواتنا لبنته بالشفاء العاجل آمين
أنا فاكر من فترة طويلة كان المهندس سبعاوي فى نهاية أى رسالة بيكتبها و انا من أشد المتابعين لجميع رسائله بيختم الرسالة على موضوع الشركة اليابانية الكبيرة اللى ظهر عنده عيب فى الجيربوكس و ماحدش بيتكلم و طبعا دى كانت دعاية سيئة جدا لتويوتا خصوصا لما الكلام ده يقوله المهندس سبعاوى اللى الناس كلها بتثق فى كلامه و فى آرائه و فجأة غير رأيه من غير توضيح

سبعاوى مغيرش رأية

هو كان بيقول إن مشكلة الفتيس دى لو ظهرت فى عربية تقفيل مصرى كانت الدنيا قامت ومقعدتش وده صحيح

وعموما سبعاوى لما اشترى الكورولا اشتراها بفتيس أوتوماتيك عادى

المشاركة الأصلية كتبت بواسطة محمد ابراهيم 1

سبعاوى مغيرش رأية

هو كان بيقول إن مشكلة الفتيس دى لو ظهرت فى عربية تقفيل مصرى كانت الدنيا قامت ومقعدتش وده صحيح

وعموما سبعاوى لما اشترى الكورولا اشتراها بفتيس أوتوماتيك عادى

مين اللى قال انى غيرت رأييى

لو كنت غيرت رأييى كنت اشتريت السيارة بالفتيس الmmt من التوكيل بسعر اقل من سعرالسيارة المانيوال وكان هيكون عندى حرية اكثر فى اختيار اللون،لكن انا دفعت 13ألف جنيه زيادة وزنقت نفسى فى لون من اتنين فقط علشان اجيبها بالأوتوماتيك العادى
رأييى كان من الاول ان الفتيس ده مش مناسب لثقافة معظم المصريين اللى ركبوا اوتوماتيك قبل كدة وان تويوتا محطتش اعتبار لتذوق معظم المصريين لما باعت الفتيس ده على انه اتوماتيك، وده كان كلامى زمان وهو نفسه كلامى ديلوقتى
ومش معنى انى رافض منتج معين من تويوتا ان رأييى ان تويوتا كلها سيئة مثلا،وده برضه كان كلامى قبل كدة هو كلامى ديلوقتى، فى احد المواضيع القديمة اللى انا اتسلخت عليها من مالكى السيارة الmmt-وقبل شراء سيارتى الحالية-قلت بالنص: "تويوتا تطرح منتجات نرفع لها القبعة احتراما ولكن....الخ"
وبالتالى انا كان تحفظى ولازال على الmmt وليس على تويوتا، ولازلت لحد النهاردة اى حد بيسألنى على الكورولا بقول له"قبل ما تفكر توفر فلوس وتشترى الmmt جربه الأول، لو عجبك فكر فى توفير الفلوس لكن أوعى تشتيرية وليس فى رأسك سوى توفير الفلوس من غير ما تجربه"
وبالتالى فين رأييى اللى اتغير؟ ارجو التوضيح؟