الموضوع: يا ريتني كنت أشتريتك يا طلعت يا مصطفى!!!!!!!!

من وجهة نظرى هناك انهيار قادم فى سوق العقارات

يارب يارب - نفسى فى شقة بقى - Abdallah دة لو أتحقق ليك عندى واجب جامد قوى ;) ;)

اللي اعرفه ان البورصة كلها حرام

اللي تعرفه غلط 100% يا عم باورت
حاول تقرا في الموضوع شويه ............. ولو محتاج حاجه ابقى قولي لو مهتم تعرف

الكلام ده مش مظبوط ياباشا السهم في اول يوم تداول بيكون غير مقيد الحدود السعريه يعني ممكن يتعدي النسبه السموح بيها وهي 20 % علي اغلب الاسهم خصوصا الاسهم النشطه اما الاسهم الغير نشطه هي اللي نسبه ارتفاعها وهبوطها فقط 5% ( الاتصالات كانت مطروحه بسعر 14.80 وفي اول يوم ليها وصلت الي 30 جنيه ثم هبطت في نفس اليوم ل 23 جنيه
بالنسبه لطلعت مصطفي كشركه عملاقه طبعا متوقع لها نمو كبير جدا خصوصا مع نسبه التخصيص الضعيفه جدا جدا جدا
بس فيه سؤالين انت عاوز تشتري كمضارب ولا كمستثمر ؟؟
وهل انت اصلا بتشتغل في البورصه من زمان ولا دي اول مره ؟؟
لو مستثمر اشتري ومايهمكش لو مضارب ماتندفعش ورا السهم في اول يوم لانه لسه وجه جديد ومش معروف سلوك السهم شكله ايه او حيتم التعامل معاه ازاي من جانب المؤسسات ( صناديق الاستثمار ) والاجانب
لو انت شغال في البورصه من زمان يبقي انت عارف كل حاجه طبعا ومش محتاج نصايح , لكن لو دي اول مره ( انصحك تبيع اسهمك اللي اتخصصتلك وتاخد مكسب وتخلع من البورصه )

كلامك ده مرجع يا باشا ............. شكلك زمل

من وجهة نظرى هناك انهيار قادم فى سوق العقارات نظرا لأن اسعار العقارات زادت زيادة رهيبة وغير مبررة وبالطبع معروف ان الارتفاع الحاد يعقبه انخفاض حاد, انا لا اتاجر فى البورصة المصرية لأنى اعتبرها بورصة فاشلة يتحكم فيها روؤس الاموال العربية والاجنبية وكلكم يتذكر ماذا حدث فى الثلاثاء الاسود والسبت الاسود وما اكثر ايام تللك البورصة الغامقة

+1000
قربنا ييجى وقت يبقى كل اللى معاه فلوس اشترى خلاص
ساعتها العقارات ها تهبط
بعد الزيادة الرهيبة و الغير مبررة اللى وصلت 400% فى بعض المناطق لازم السوق ينهار
اصل مش ها يبقى فاضل زباين تانى عشان يشتروا (طبعا الحكومة و الشركات حاطين اكل على اليهود انهم ييجوا و يشتروا لما ولاد البلد تخستعوا)

اسعار العقارات زادت زيادة رهيبة وغير مبررة

الزياده رهيبه ...... ولكنها مبرره ... ارتفاع اسعار المواد الخام بنسب تزيد عن 100% (حديد- اسمنت- نقل - عماله ...)
وارتفاع اسعار الاراضي ... مبرر بندره العرض مقارنه بالطلب .. وكذلك سياسة الحكومه الرشيده التي تسمح بتملك الاجانب الاراضي .... ونظام المزادات الجديد في ظاهره الرحمه وباطنه العذاب

انهيــــــــــــــــــار سوق العقارات غير وارد حاليا ... ممكن الاسعار تثبت أو معدلات الزياده تقل ولكن الانهار او حتى نزول الاسعار بصورة ضئيله فهو مستبعد (مش مستحيل).......... فمحدش يحلم كتيير :shock: :shock:

يا ريت تقول انت هي ليه حرام
عشان في الاصل كل حاجه حلال الا ما ورد نص بتحريمه