انا لله وان اليه راجعون وحسبنا الله ونعم الوكيل
ده طريق فعلا مقرف بجد وخاصة الاتجاه من المنصورة الي طنطا كله مطبات وحاجة اخر قرف ربنا يرحمنا
عرض للطباعة
ربنا ينتقم منهم
منهم لله
الطريق مقرف جدااااا واحسن حاجة عملوها انتم رصفو الوصلة الي من قليوب لبنها العربيات كانت بتعوم فيها عوم رهيييب!
المطب الي عمري مانساة الي عند كبري الفاروق او بالظبط عند مدخل طنطا الجنوبي العربية طارت يجي نص متر والحمد للة الواحد متعود عالسفاري والصحرا ولا كان زماني بفك المسامير لاقدر اللة !
بالنسية للمطبات الصفرا مالهاش حل الا انك تاخدها علي سرعة والاالعفشة والسلامة !
واسترها يارب
بس ياجماعة الطريق الجديد اللى هو بعد بركة السبع قبل طنطا وانت رايح اسكندرية فى وصلة جديدة كده اتعملت بتحدفك على طريق دمنهور طوالى الطريق ده ممتاز قوى وانا مشيت عليه لما كنت رايح اسكندرية والطريق من طنطا لبنها كويس جدا برضو وبالنسبة للفواصل الصفرا فدى حلها زى ماقال snakeson2 انك تاخدها بسرعة عشان ماتحسش بيها وبعدين انا شايف ان الاهتمام بيبقى بطريق مصر اسكندرية اكتر من الطرق الداخلية مع ان المفروض يبقى كل الطرق زى بعضها زى دول الخليج كده لكن هنقول ايه حسبنا الله ونعم الوكيل ..
استاذ شريف الوصلة اللى حضرتك بتتكلم عنها دى من دفرة بتنزلك كفر الزيات مباشرة ودى حلوة لو رايح اسكندرية ، انما لو رايح طنطا هتعمل اية ؟
ماهو دة بقى يثبتلك التخلف اللى هما فية ، هما مالييييييييين الطريق بالعوارض دى علشان الناس تهدى وهي بالعكس بتكسر العربيات وبتخلى الناس مبتهديش لأنها مزعجة جدا على السرعات اللي مش عالية !
فا يعملو اية ؟ يقومو جايين فى وسطهم ويزرعو مطب زى المطب اللى بقول علية بتاع ميت حبيش دة
واحد بعربية أتوس كان ماشى على الطريق تقريبا برضو لبس المطب اللى انا كلتة وبقى كل ما ييجى عند منطقة فيها العوارض دى يقوم واقف فى وسط الطريق بيدور على المطب
والله دى حاجه مقرفه جدا انا كنت جاى من بنها يوم لما كانوا بيعملوا المطب ده السريع كله واقف ساعتها ولا فعلا العوارض غبااااااااء والله ولما تتمسح يجروا يعملوا عوارض جديده ويعملو فيها مطب مش كفايه الطريق العربيه من كتر ما الطريق مش مظبوط بحس انى عمال اطلع وانزل من على مطبات
اخييييييييييييييييييييييي يه
ده زفت زفت زفت
انا بكره نفسي كل ما امشي من هناك
انا برووووح ورا اي ميكروباص او بيجو معدي
طبعا هما عارفين المطبات والكماين والرادارات وتفضل لازم في ضهره
ده طبعا لو ماشي على طريق متعرفوش
وبالنسبه لطريق ميت غمر الزقازيق
أومليت اومليت
طريق يقرف ..
المطبات وانت خارج من الزقازيق لحد ميت غمر ع التوالي
مطب شيبه
مطب الاشراف
مطب النخاس 1
مطب النخاس 2
تكسر في الطريق لحد طريق دويده
مطب ام الزين
تكسير عند السادات
مطب ميت القرشي 1
مطب ميت القرشي 2
مطب جامعه تفهنا الاشراف
تكسر في الطريق
مطب دنديط 1
تكسير في الطريق
مطب دنديط 2
تكسير في الطريق
تكسير في الطريق
مطب عند اول طريق اوليله
مطب قبل كوبري ميت غمر 1
مطب قبل كوبري ميت غمر 2
مطب بعد كوبري ميت غمر
مطب في مدخل ميت غمر 1
مطب في مدخل ميت غمر 2
مطب في مدخل ميت غمر 3
تكسير في مدخل ميت غمر
.
.
.
وكده وصلنا ميت غمر بالسلامه
عند اول عفشجي واركن
على فكرة انت عرفت تحفظهم علشان هما 22 بس
تعالى عندنا يا باشا نطلعك سفارى تتفرج على المطبات ههههههه