الحمد لله يا اخي انه فيه عفشجي:stink[1]::stink[1]::stink[1]:
عرض للطباعة
بمناسبة المطبات الجديدة
فى طريق شبين المطب اللى عند كشك النقل قبل ميت ابو شيخة و اللى بعدها كان ممسوح بعد رصف الطريق ، من يومين عملو مطبات جديدة فوقيهم والحمد لله لبست واحد منهم
و طريق طنطا شبين الكوم الداخلى .. عملو مطب محترم عند قرية بالميرا ، لسة من يومين برضو
بس دة الصراحة جة مصلحة ، مهدى عندة لاقيت واحد صاحبى بيركن وداخل بالميرا مكنتش شوفتة بقالى كذا سنة وركنت سلمت علية :)
الموضوع ده بقاله سنه بالظبط .. الظريف ان المطب اللي كنت بتكلم عليه ده لسه عاملين قبله يفط تحذيريه من كام يوم !!
يعني بعد سنه من انشاء المطب علي طريق زي ده عملو اليافطه !!! كتر خيرهم
اخر موقف شوفته عليه من فتره صغيره ، بالليل و ماسك اليمين ابتديت اهدي قبل المطب بشويه وعربيه مقطوره معدي من شمالي ماشي حوالي 90 كم تقريبا وعلي يمينه قدامي قبل المطب عربيه ملاكي .. انا شبه وقفت مكاني مستني اشوف المصيبه اللي هتحصل لكن من ستر ربنا ان المقطوره لما طارت فوق المطب أول مره حدفت شمال ناحيه الخرسانه علي وشك انها تخبط فيها وقعدت تتنطط يمين وشمال بشكل رهيب بمتوسط ارتفاع حوالي متر وطبعا بقي واخد الطريق يمين في شمال بعدها لحد ما العربيه اتعدلت والحمد لله مكانش جنبه حد بعد المطب ، ولو محمل طبعا كانت العربيه اتكسرت والله أعلم ايه اللي كان هيحصل
امال بقي لو دخلت طريق قطور
عتلاقي عند قريه سبرباي مطبات خازوقيه ومنهم اللي قدام موقف سبربايوفي بعد كده اللي قدام عزبه الاوقاف مطبات بدون يفط ويمينك ترعه
إنت هتقولي ع الطريق التيييييتتتتتت ده
لو إنت أول مرة تمشي عليه..لازم تكون سواق فورميولا ون ..علشان ماتتخيش عليه
أنا قولت مرة
مطب قبل بلد إسمها النخاس
مطب وسط الفراغ كده
فيرنا طارت من عليه وقعت إتكومت ع الاسفلت..بعدها على طول تاكسي دايو فرمللللللل راحت مرسيدس راكبة على شنطته من مره
جت سوزوكي سويفت راحت داخلة جوه شنطة المرسيدس من ورا
طاااااااخ..طاااااااااخ..طاا ااااااخ
وللأسف كانت تقريبا زفة فرح من عربيات كانت كلها نمر غريبة
ولاحول ولاقوةإلا بالله
المطبات بتتعمل فى البلد مش عشان تهدي السرعه..
دي بتبقى لونها إسود..و عمدان النور اللي عند المطب لازم تنطفي.
و لازم خامه اسفلت المطب تكون من النوع الممتاز ..اسود اللون.و مموهه.
و لا يجوز وضع لافتات ويفط تحذيريه قبله.
الجمعه اللي فاتت كنت راجع من طنطا مروح المحله.
لقيت واحد بأفيو عند المطب اللي عند الجراند و هو فخ ممتاز.أنا هديت و هو طار حوالي متر.
و شرر بقى طلع تحس إنه جو أفلام أكشن محترمه.
اللي يغيظك..إننا بنبوظ الطبخه على قرش صاغ ملح..
شوية بويه تلون بيها المطب مش حتكلفك حاجه .......!!
المطبات ديه تفخيخ والله مش عشان اي حاجة تانية !
انا لما اكون حافظ المطبات بمسك السكة و اديها انتظار و اشارات يمين شمال عشان الناس الي بتنفخ تبقى عارفة في ترلة قدام في مطب و كدة ! انا بتبسط لما نبقى زي 5 عربيات كلنا بنلاغي بعض تلاقي واحد ابن حلال مكروباص نافخ و مشغلها اشارات بقول سبحان الله بتوع الكمبورتباصات الي بيبقى جوا البلد ولا اشارات ولا نيله تلاقيه قبل المطب انتظار و هوا بيتجاوز اشارات ! حاجدة تفرح :(
بجد اصلا اتحداك تحفظ مطبات الطريق من اسكندريا ل ميت غمر ! او حتى اسكندريا المنصورة ! او حتى نسهلها اسكندريا المحلة :)
خليك في اسكندريا احسن ! لانوا اعتقد حتقابل مش اقل من 500 مطب ! بجد كل سفرية لازم ارجع اربد عفشة و زوايا ! :(
انا حافظ اسكندريه المحله ...والقاهره المحله :) هاخد جايزه ؟
تصدق انا حموت و نفسي في ايه ؟
الناس تطلع رجالة بجد و كل واحد معاك موبايل في جي بي اس ( نوكيا مابس ) ينزل احدث خريطة و يقول اوبا طالع على الطري الي هوا كدة او كدة بيمشي فيه سواء سفر او داخل القاهرة و يقول مسيف بوينتس مكان كل مطب نقرة حفرة رادرا قلق كمين ( مش هتكلفه غير اكتر من 2 دوسة في كل مكان فيه حاجة ) و يقول منزلها في المنتدي و الناس مع بعضيها تبتدي تجمعها ! يعني انا مثلا اسكندريا القاهرة و حضرتك يا باشا القاهرة المحلة و كدة نكون عندنا خريطة متخرش المية و نوفر وقت و نحاظ على نفسنا و عربياتنا و تكون مجانية و تشتغل عند كل الناس من غير حوارات !
نفسييييييييييييي