في حد عنده معلومات عن الاثاث الصيني

**Haitham10** · 07-12-2009 04:49 AM

متابع للتوفير

**Haitham10** · 07-12-2009 04:51 AM

متابع

**hesham22822** · 07-12-2009 06:53 AM

على فكرة شغل المناصرة رخيص ايوة بس اغلبة مضروب و فية غش جامد وزى ما قالت نور لازم تاخد نجار ثقة .
اما الحاجات الصينى اشكالها حلة خالص و جايبين منها عندنا فى الشركة بس على حساب المتانة يعنى مش زى الخشب بتاع دمياط

**eng.octooo** · 07-12-2009 05:51 PM

احنا جبنا من محل اسمة المرشدى للادوات المنزلية فى 6 اكتوبر الحى السابع اوضة نوم صينى لاختى الصغيرة كانت سرير 150 سم ودولاب 3 اجزاء متصلة (الاول ادراج والتانى شماعة والتالت رفوف ) و مكتب وكرسى للمكتب ومراية بتتعلق على الحيط وكمودينو 3 درج وكانوا كلهم طقم واحد ولونة بمبى فى ابيض (مش باقولكم لاختى هههه) كان ب4500 تقريبا من حوالى سنتين ولحد دلوقتى زى الجديد وشغاااااااااااااال يونيفيرسال ومن حوالى اسبوع كنت هناك وشفت اوض شبهها ونفس الملحقات كانت الاسعار فى حدود 5000 :6000 بس حاسس ان خاماتهم اوحش من الى عندنا (وكمان شفت اوضة نفس الملحقات دى بس 2 سرير 120 وبنفس السعر تقريبا )

بس نصيحة الى عاوز يجيب صينى ممكن يجيبة فى حاجة مؤقتة لان الدمياطى لا يعلى علية وتقدروا تقولوا علية فى جودة الفرنسى

**dodino2006** · 07-12-2009 07:10 PM

ميييييييين بيسآل عن الاثاث الصيني و انا موجود ؟؟؟ للاسف انا مقدرش انصحك تشتري منين اثاث صيني لأني معرفش، بس انا ممكن اقولك نصايح عامة و حاجات تاخد بالك منها....

-بالنسبة لاسعار الانتريهات في الصين ممكن تبتدي من ١٥٠٠ يوان لحد ٦٠٠٠٠ يوان حسب الخامات و الموديل، و لكن خلينا في اللي بينزل مصر، الانتريهات القماش الكويسة سعرها بيكون في حدود ٣٠٠٠-٤٠٠٠ يوان (ممكن اقل او اكتر سنة بسيطة)، و بعد اضافة الشحن و الجمارك هتلاقيه في مصر في حدود ٣٥٠٠ - ٥٠٠٠ الاف جنيه مصري بالكتير، اللي هتلاقيه ارخص من كده غالباً هيكون تعبان، سواء في استخدام اقمشة رخيصة، هيكل خشب تعبان او حشو قليل، او خليط من كل اللي فات (انا بكلمك في حاجة تعيش معاك مدة).

- انا مش هتكلم في الانتريهات الجلد علشان ما انصحكش بيها في البيت، انما لو عايز تعرف حاجة عن اسعارها او عندك اي استفسار بخصوصها انا تحت امرك.

- لو بتفكر تجيب حاجات تانية غير الانتريهات و تكون صيني، برضه ماتخافش منها، الصينيين للامانة متوفقين في الاثاثات، بس المصيبة انهم لما بيتلموا علي التاجر المصري بيعملوا خليط له العجب هههههههههههه

- في حاجات كتير المفروض تاخد بالك منها، و خصوصاً نوعية الحشو و كميته و خشب الهيكل و نوعية القماش....الخ، بس صعب انك تكشف علي الحاجات دي في معرض، علشان كده يفضل يكون معاك نجار عنده ضمير يبص معاك علي الحاجات دي....

ده اللي في دماغي دلوقت و لو عندك اي استفسارات انا تحت امرك